Zumh Awk Tlak Mi Dirhmun Kan Phanh Tikah thimnak kan tuah te lai Rampi uknak latu bawizik Min Aung Hlaing

Zumh Awk Tlak Mi Dirhmun Kan Phanh Tikah thimnak kan tuah te lai Rampi uknak latu bawizik Min Aung Hlaing

Zumh Awk Tlak Mi Dirhmun Kan Phanh Tikah thimnak kan tuah te lai Rampi uk nak la tu bawizik Min Aung Hlaing nih ramchungah zumh awk tlak mi dirhmun kan phanh tikah thimnak cu kan tuah te lai tiah Taluk thawngzamtu Phoenix TV sin ah May 20 ah a chim.

“Kanmah nihcun Multi-party democracy le Federal phungningin kal kan duh. Mah phungningin kan kal khawhnak dingah zumh awktlak kan si cang ti tikah kan tuah te lai. Kumkhat chungah kan tuah khawh ding a si ahcun kan tuah ko lai, kumkhat chungah a ngah lo si le thla ruk hrawng ah maw kan hngah rih lai i mah chungah kan tuah te lai” tiah a chim.

Ralhrangbu kuttuar in a thi mi mipi zat he pehtlaih in ‘cheukhat thawngzamtu pawl nih an pawrh mi a si. A taktak ah a thi mi hi 300 hrawng lawng an si. Palek 47 an thi, 200 leng hma an pu ve’ tiah a ti. AAPP nih a tarlangh ningah February nikhat ralhrangbu nih nawlngeihnak an lak hnuin a tutiang ralhrangbu kuttuar in a thi mi hi 815 an si cang tiah theih a si. Daw Aung San Suu Kyi zong a inn ah a um ko, a dam lio a si, a rauh hlanah kan tuah dingmi biaceihnak ah a mah mihring a rak ra te lai. Biaceihnak hmai ah thleidannak um lo tein ceih a si lai” tiah a chim.

Daw Aung San Suu Kyi hi ralhrangbu nih pohmah pa 7 in taza an cuai mi a si. Ralhrangbu nih rian khinhmi UEC chairman U Thein Soe nih Daw Aung San Suu Kyi nih a hruai mi NLD party cu hrawh awk a that le that lo kan ruah lai tiah May 21 ah tuah mi UEC le ramkhel party pawl tonnak ah a chim.

2020 Kawlram thimnak kong he pehtlaih in zalong tein a zoh tu bu nihcun Me phichuak a thlen khawhnak ding tiang Me hrokhrawlnak a um lo tiah an thanh.

The Chin Post