Zualko; Ziah U Kio, Na thawngpa ka theih tung na dam ko rua ka ti e!!!

290432356_1433266700504154_6589858270847464897_n-300x155 (1)

Zualko: Hakha Mirum U Than Kio nih mual a kan liam tak ruangmang ai ee!
===========
Pu Kio ti ding le bochan ding kan ngei ti lai lo mu ka Far le nih a ttha nan ti poh ah cun ka lung tling nanmah nih tuak ko ulaw na kan ti e Nau le a kan daw tu ka tta aw kan pawng te i a um mi cu nangmah te lawng pei na si cu kan celh lai lo e.

Ziah U Kio, Na thawngpa ka theih tung na dam ko rua ka ti. Apoituk ee. Ruah lo pi in thawng kn theih cu ee poi tuk ko. Bawipa Pathian nih tuarkhawhnak thazaang in pe ko hna seh. Pathian nih nan mitthli in hnawh piak hram hna seh law. Zeidah cang Kiopa mah ti rumro cun naa hnawh ve e ka ngaihchia tuk e.

Bochan mi kan u, kan pa le nih an kan liam taak tuan tuk hna e. Bawipa tu nih intuar khawhnak in pe ko hna seh law. Pa kio ngai te a tu i liam ko cu sian a um lo tuk ee tan tak mi chunghar nan dihlak Bawipa tu nih in hnem ko hna sehlaw. Kawi Kio nih ruah lo tuk i a kan liam tak cu kan ngaih a chia tuk ve, Pathian tu nih intuar khawhnak in pe ko hna seh law.

Ruah lo pi in na thawng ka vun theih cu ka ngeih chia tuk e na kan kal tak caan a tuan tuk rih lo ma…? na unau nih kan nin siang rih ttung lo asi na kan mah duh si lo cu ta na kal tak mi chung khar tu bawi pa nih hnem hram ko hna seh. Ka ta Kio pa na Chan tawi tuk e pakhat hnu pa khat in nan Kan kal taak a tuan tuk rih lo maw Kan cell tung lo e vung i kal ko kun mu nan i tong dih cang maw.

Ka ta na liam thawng ka theih cu ka zumh kho lo kan in ba chantuk mi kan ta na si kha na theih ko lo mei kan celh tung lo na chan tawituk. Nan ngeih chiat nak kan in hrawm pi hna, Pathian nih nan mit thli in hnawh piak in in hnem ko hna seh mu! Ka ngaih a chiat tuk ve e A Cer nu Bawipa tu nih in tuar khoh nak thazang in pe ko hna seh law in hnemh ko hna seh nan ngaih chiat nak kan rak in hrawm pi ve e.

Kan ngeih chia tuk ve e ruah lopin thawng Kan theih I, Bawipa Tu nih intuar khawhnak inpe ko hna seh mu. Ngaihchia tein ee, Tantak mi chungkhar bawipa tu nih, in hnem ko hna seh law, Vawlei ngai hi ee. Poi tuk kan ngaih chia tuk e Ukio thih cu zumh ahar ko e.Bawipa nih in hnem ko hna seh law. Nan ngeihchiat nak Kan in hrawm pi hna e pathian nih in Hnem ko hna seh.

Thantlang Khua Zunghmun Sang um, Pi San Da Win -42 (Pu Henry Biak Hmun Thang a far) nih Tuzing 25.6.2022 Deilei 3:30 hrawng ah Mizoram Camphai Sizung ah a kan thih tak. Mizoram Far Kawn khua ah ralzam in an i dor lio ah a tubantuk a kan thih tak hi a si. Tantak mi Chungkhar Pathian nih hnem ko hna seh. Chungkhar dihlak nan ngaihchiat nak kan in tuarpi hna.

Thantlang in Farkawn ah ai dor mi Pi San Da Win 42 (Pi Khual Dim inn um, Henry Far)nih tuzing suimilam 3:30am hrawng ah Champhai sizung ah mual a kan liam tak. A Ruak hi Champhai in van tlun pi i Pi Khual Dim inn (Farkawn) ah tlawmpal dinh pi hnu ah Arcirh khua ah lanh pi ding a si te lai. Taantak mi chungkhat vialte caah thlacam bawm cio hna usih.

Maw kathin chanttim hlan ah mu darbang nakuai fah cu nathawng nih ka hlauchialmal ee Nu Nu aw semnak napa le sunghno na nu zei lo ve hna lai a ti ee CUNG PATHIAN nih hnem ko hna seh law ee.Zeizat riamruam hi maw ee khuangching tluang dang le ramdang ah rizungmual nanliam a fah cu.

Khualmi si hi nichunhlan hmanh a har kan ti lio ah maw kan sem nak kanram le mu kankhua Thantlang chuah tak lungkil siaherh hlei ah nehbung khirh ti lo a fah cu semnak ruuninn le chumtual tiang in hlam len ve hna maw ka ti ee. Poi ko e vawlei hi cu thih nak ram si tung le tantak mi Pathian nih um pi hram hna seh.

Zualko: US Ram ah Bochan Taktakmi Van Ceu Ling nih mual a kan liam tak e. ညီလေး Van Ceu Ling, အကြွေမစောလွန်းဘူးလားကွာ။ Kansas City ah ummi US Lautu mi nih kan i bochan tukmi mino upa, music thiam, Val Van Ceu Ling nih tuzing ah a kan liam tak ti kan theih cu, kan lung a kuai mithli a tla ee… Anih hi Kansas City i bank ah rian a tuan liomi asi. Kansas Lautu Mino president zong asi.

Ka ngaihchia tuk ee. A zia ttha a hmurka ttha tuk. Bawipa nih taantaak chungkhar umpi hram ko hna seh. A poi khun ko ee. mino bochan mi nih an kan liamtak ah hin cun. Bochan awk ttha tukmi mino pakhat kan sung e. chungkhar ngaihchiatnak kan hrawm pi ve hna!

PDF Pakhat Bomb Puah Sualnak In A Nunnak A Liam! Sagaing ramṭhen, Kani peng, Kyauklunggyi PDF (ကြောက်လုံးကြီး) batallion 2 in ralkap pakhat cu bomb puah sualnak in a nunnak a liam, tiah theih a si.

Bomb puah sual ruang i a thi mi cu kum 27 a si mi Naing Lin Htun(နိုင်လင်းထွန်း) a si i, June 23 zinglei ah Alaykyon (အလယ်ကျွန်း) khua in aa thawh ding mi pyosawtee pawl dohnak caah tiin bomb a hmanh lio ah a puak sual, tiah KLG rianngeitu sin in theih a si. Naing Lin Htun(နိုင်လင်းထွန်း) nih cun a fale 2 le a nupi a kaltak hna. Nizaan ah a ruak an vui colh, tiah theih a si.

Nikhat Chung Kahdohnak Ah SAC Ralkap 45 An Thi. Myanmar ram pumpi ,June 23 nikhat chung kahdohnak ah SAC ralkap 48 an thi. PDF 3 an nunnak a liam ve tiah Khit Thit Media nih a langhter. Khit Thit Media nih cazin a khawmhsuat ning ah, Sagaing ramthen, TaMu ah 25, SaLyinKyi ah 5, Kathar (June 21 kahdohnak ) ah 15, Mon ramkulh, Belin ah 30 (ruahdamh si caah kan rel chih rih lo tiin an dihlak 45 an thi.

Mandalay ramthen, KyaukPanTaung ah PDF 2, Mon ramkulh Belyin ah PDF 3 tiin an dihlak PDF 5 tlaihkhih an tong.
Mandalay ramthen KyaukPanTanung ah 2, Mon ramkulh Belin ah 1 tiin an dih lak PDF 3 an nunnak a liam ve.

Mipi Inn Ah Hriamnam Ngan A Tlak Caah Minung Pa 4 An Nunnak A Liam. Sagaing ramthen, Monywa pengfonh, ChaungOo khuapi Tama Myan sang mipi inn hna ah hriamnam ngan a tlak puah ruangah minung pa 2 an nunnak a liam ii minung pa 4 nih hliam an tuar tiah theih a si. ” Ni zaan ah zaan suimilam 9:00 hrawng a si cang. Mipi umnak inn pa 3 inn cungah hriamnam ngan a tlak hnu ah a puak. Hliamtuar minung pa 6 hna laak ah minung pa 2 cu an nunnak a liam.” tiah tualchung mi pakhat nih a chim.

Monywa pengfong humhimtu tuanvo nngeitu pakhat nih, ” kut in tuah mi hraimnam ngan lung 5 renglo inn cungah a tla ii a puah hi a si. A nunnak a liam mi minung pa 2 hna cu Daw Htar Htar Nwe le Daw Wawa Moe an si hna ii U Kyi Lwin, Daw Nwe San, Ma Moe Moe Aung le U Maung Maung Kyaw hna pa 4 nih hliam an tuar.” tiah a chim.

Mah puah nak a chuah hnu ah hliamtuar mi le a thi mi pawl cu Monywa hrambunh Kawlram mi bochantu phu hna nih zaan ah cun an vun zuanhnawh colh hna tiah theih a si. Mah leng ah ni zaan zaan lei sangah Magwe ramthen, Myaing pengkulh, Thanbootaw khuate mipi inn ah hraimnam ngan a tlak ruangah minung pa 2 an nunnak a liam ii minung pa 6 nih hliam an tuar theih a si.

Dr. Biaksiama hi ka theihmi asi bak lo, cawnnak sang le carel zuammi cu asi lai ka zumh. Asinain nuhrinnak ahhin mifimvar ngaingai cu asi lai ka zum tuk lem lo, cu pin ah mi holhhak le thluak rang lemlo khi asi ngaingai lai tiah ka ruah. Cawnnak le knowledge leiah a sang ngai ko lai nain, pafim cu asi lai lo dah.

An debate dihlak ahkhan a main point a thlau deuh dih in ka hmuh, mi cawnpiak phun deuh, misoisel phun deuh, a dang pipi le tuanbia sawhsawh deuh in bia khi a chim. Ka hmuh ning ahcun a mualpho ngaingai ka ti, a lungtlau mi a lo pah. Rev. Thangliansanga , Rev. Thangliansanga hi mifim le biachim holhrel thiam ngaingai mi asi in a langh. A chim duhmi kha hrelh lo te bakin fawi taktak in a chim khawh dih i, Biaksiama bia lila khan rap ah a foih khawh. Nuhrinnak in mifim, holhrel thiam le cawnnak zongah ai za ngai ve mi cu si dawh asi.

Dr. PC Biaksiama nih hiti hin research le biahalhnak kha a tuah rua lai tiin ka ruah nain: Jesuh min in tipil a pek Lam 2: 38-41
Lamkaltu hna le Peter cawnpiaknak le umtuning paohpaoh kha a rak a hman dih maw, an rak i palhnak tete hna a um maw, timi phek khan Bible hi research a tuah lai i a vun thuat te rua lai, tiah ka ruah.

Tahchunnak ah Khrihfa hmasa hna nih an rak bochan tukmi le pabik bantuk i an ruah mi Peter cu mizahpi phun le mithleidan phun in a rak um i Paul nih a rak mawhchiatnak Gala 2:11 hrawng bia ti phun. Paul le Barnabas i siknak-Lam 15: 36-41 kar bia pawl khan, Jesuh nih a fialloning in cawnpiaknak maw, an nung ning kong tete le tipil in ning kha chim in Lamkaltu pawl nih Jesuh min in tipil peknak an tuahmi kha Jesuh fial ning rak si lo in kha lio kha Khrihfa an rak hrem tuk lio asi i,

zeizong te asimi Jesuh ah an rak i hngatchamtuk caah amah min theng tein tipil an rak innak kha asi, tiphun khin: Asiloah Paul nih thitum loin keimah bantuk hin um ulaw a tha, thitumh lo cun um viar usihlaw?. 1-Korin 7: 8-9. Paul cawnpiaknak pompiak awk a tha bak ti lomi 1-Korin 14- 34 hna khi an hlawt diam cang bantuk asi cang, tiin a chim te rua lai tiah ka ruah diam nain.

Cuti asi ahcun Lamkaltu hna le Paul kha an palh, Bible hi a palh, na ti nak maw asi ne lai? timi Biahalnak a um kho hnga. Cutik ah hitihin a leh te men lai tiah ka rak zumh; Bible hi a palh hrimhrim lo, Lamkaltu hna kha minung an rak si ve caah an rak i palhnak tete a cungah ka chim cang bantuk khan a um ve tawn, asiloah Peter le Paul chim mi maw ka zumh deuh lai Jesuh chim mi? tiin question vun tuah chin te rua lai ka ti diam.

Rev. Thangliansanga kha cu a chim dingmi point ah ai fiang tuk i fawi taktak in le tling cikcek in a chim khawh dih caah kha hleilo khan cu zeibantuk minung hmanh nih Oneness kong cu an fianter kho hlei ti lai lo ka ti, ka fak ngai. Zunhnak le Tuahsernak kong zongah Dr. PC Biaksiama cu a lungfim lomi a lo ka ti. Hi kong cu ka vun peh ti lai lo.

Rev. Thangliansanga 90 -10 Dr. PC Biaksiama Note: Neutral tak in ka rak cuanh ve ning tawite asi. Media le political lei deuh ah ka lung a um caah Bible le doctrine kong hi cu chim kai tim lo. Ka no lio ahcun biataktuk in research cu ka rak tuah ve i Bible lutaw hi voi 5 hna ka rak chuah bal nain kum 16 chung cu ka kaltak cang. Ka ruah ning le ka zumh hna ning cu an si lo ngai.

Post Views: 4

Zualko; Ziah U Kio, Na thawngpa ka theih tung na dam ko rua ka ti e!!!

Be the first to comment

Leave a Reply Cancel reply