Yangon Ah Company Riantuan Pakhat Thilri Fialpiak Pinah Thah A Tong
===================
Yangon, Mercury Online Shopping Mall ah riantuanmi Ko Akar Moe Ko Ko cu motor in inn a tin pah ah a thliri an fir piak i an thah hnuah a truak cu Hlanthaya lam pawngah an hlawt tiah theih a si. A citmi cu Zung motor a si ii inn a tin pah ah damiak pawl nih cu a motor khar cu an on i a thgilri an fir piak, a tuk an velh hnuah an thah beh, motor le a mah he Hlanthaya lam pawngah an hlawnh tiah theih a si.
Thah a ton hi July ni 6 ah a si i Phone pakhat Iphone 13 pakhat he zung in ASUS M4 13 DA Laptops, le phaisa ting 4 fir piak a tong chap tiah theih a si. Ko Akar Moe Ko Ko cu Tamwe pengkulh in a ra mi a si ii kum 23 tlangvaal a si tiah theih a si ii a ruak cu July ni 9 ah an hmun lai tiah theih a si.
Nawlngeihnak Laak Hnu Ni 522 Chung Ah Minung 2069 Nunnak A Liam Cang! AAPP nih July 7, tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 522 chung ah sualnak ngei lo minung 2069 thah an si cang, tiah theih a si. Tlaihkhih a tongmi dihlak hi 14,509 an si i, an thlah than mi hna 3045 an si. SAC ralkap nih mi nunnak a laak mi hna chung ah Yangon in nunnak a liam mi tambik an si.
Nikhat Chung Kahdohnak Ah SAC Ralkap 30An ThiMyanmar ram pumpi in July 7 nikhat chung kahdohnak ah SAC ralkap 30 an thi tiah khit khit media nih a langhter. Khit Thit Media nih cazin a khawmhsuat ning ah , Sagaing ramthen, KhinOo ah 6, Kalay ah 2, Depeyin ah 12, Pale ah 4, Chin ramkulh, Matupi ah 2, Magwe ramthen, Pauh peng ah 1, Tanintharyi ramthen Demohso ah 3 tiin an dihlak 30 an thi.
Magwe ramthen, Myaing ah mizapi vengtu ralkap pakhat a nunnak a liam ve.
SAC Ralkap Pakhat TaKaung PDF Sin Ah CDM A Tuah, SAC ralkap pakhat cu CDM a tuah tiah Ta Kaung mizapi vengtu ralkap nih nihin July 8 ah cathanh an chuah. Ta Kyaung PDF sin ah CDM atuah tu ralkap Mg Kaung Nyein a si i private no. 478611 a si. A- Mah- Tah 384 in a si tiah a langhter. ” CDM a tuahtu ralkap Mg Kaung Nyein cu Ta Kaung mizapi vengtu ralkap nih a duh ning bantuk in tuanvo kan lak lai i a herhmi zong kan si khawh tawk in kan tuah piak lai ” tiah an langhter.
Kan ralkap phu nih an herh mi a tamtuk ve rih caah tangkaa lawksawng zong kan pe kho lo nain amah nih a co tawk a herhmi hna cu bawmh khawh kan i zuam lai tiah an langhter ” SAC ralkap kuttang ralkap le Palik hna ,tu hnu CDM a tuahmi hna cu lawksawng pek khawh nak ding ah a thabik in kan i zuam lai ” tiah an langhter. Cu caah CDM tuah a duhmi SAC kuttang um palik le ralkap hna cu lawmhnak he kan in don hna caah a caan um lio te ah CDM tuah cio ding in kan in sawm hna .
” Kanmah sin ah ralkap CDM a tuah mi hi pakhat lawng hi a si rih. Lut hna seh ti kan duh nak hi a sau cang. A mah hi a voikhat nak a si. Kan nih phu zong kan i nuam, kan lungtling tuk. A dang Tampi zong nih kan sin ah CDM tuah hna seh ti ka duh. Lunglawm tein kan don hna lai i an duhherh mi hna cu kan si khawhtawk in tuanvo lak kan i zuam lai “tiah Ta Kaung PDF phu chungtel pakhat nih a chim. CDM ralkap Mg Kaung Nyein cu SAC ralkap kuttang rian a tuannak kum 10 a si cang.
AA Nih Chinmi Minung 15 An Tlaihmi Hna Thlah Ding IKACC Nih Cathanh Chuah, Chin ramkulh, Paletwa peng Chinmi 15 nak tlawm cu a luancia 2022 June thla ah AA nih an rak tlaih hna caah a rannak in thlah piak dingin Khumi miphun, ”Interim Khumi Affairs Coordination Council”(IKACC) nih nizan July 7 ah cathanh an chuah.
Chin miphun telh in tualchung mi AA nih an tlaihmi hna hi khat le khat i zumhnak sernak caah dawn khantu thil a si i, a ran khawh chung in thlah hna u, tiah an langhter. An cathanh chungah AA nih an tlaihmi hna cu tualchung mi sawhsawh an si, tiah an langhter. Paletwa peng chung ah AA le SAC ralkap kar i huatnak a karh i, kahdohnak zong a chuak, tiah theih a si.
Model Thin Zar Wint Kyaw An Thlah Țhan Cang, Model Thin Zar Wint Kyaw cu SAC ralkap nih an thlah țhan cang tiah SSPP/ SSA he ai neihniam mi media nih an langhter. Kum 34 asi cang mi Model Thin Zar Wint Kyaw cu SSPP/SSA headquarters umnak Shan ram chaklei Wamhai hmun ah zuk an i thlak dih hnu ah July 6 chunhnu ah khan Wamhai in Lashio a kir lei ah Shan ram chaklei KyaeTi(ကျေးသီး) le Shan ram thlanglei MaiRel(မိုင်းရယ်) peng ramri NamhLawng(နမ့်လောင်း) hleidonh ah SAC ralkap nih an rak tlaih.
Depeyin Peng Kahdohnak Ah SAC ralkap 12 An Thi, Sagaing ramthen , Depeyin peng ah civil thuam aa hruk mi SAC ralkap 40 hrawng cu July 7 zan ah mizapi vengtu ralkap hna nih an kah hna , SAC ralkap hna rallam cu Depeyin khua he meng 2 a hlatnak Methey khua le Wabarah(ဝါဘာရ) khua karlak ah kan bawh hna i kan kah hna, SAC ralkap 12 an thi tiah DRPA in tuanvo ngeitu pakhat nih Mizzima ah a chim.
Leikuang chung ah si i SAC ralkap a thimi hna cu fiang tein kan hmuh khawh dih hna tiah a chim chih., Civil thuam sawhsawh in a rak ra mi cu SAC ralkap hna rallam cu thawng kan theih cia caah kan bawh hna i kan kah hna hi a si i minute 20 hrawng kaphnih kahdohnak a chuak.
Kan i kah lio ah Depeyin khuapi lei in hriamngan in kah an bawmh hna caah mizapi vengtu ralkap hna cu hnu kan tolh than. Cu kahdohnak cu DRPA ( အာဏာရှင်တော်လှန်ရေးပြည်သူတပ်မတော်), Bu HmukSik phu, FRF phu ( Shwebo PDF Battalion 24, battalion 12, Galawy Force le Depeyin mizapi vengtu ralkap hna kan i bawm tiah a chim.
Falam -Hakha Lampi Ah Kahdohnak A Chuak, Falam peng, Falam-Hakha lampi cung um Ṭaal khua pawng ah nihin July 8 chun sml 12:00 hrawng ah SAC ralkap le Chin ralkap kahdohnak a chuak, tiah theih a si. Khuami pakhat nih,”hriamngan thawng cu voi 15 hrawng kan theih. Bomb puah thawng zong kan theih,” tiah a chim. SAC ralkap motor run 27 cu nizan July 7 in ah Falam in an chuak i, Falam khua lonh Lungpi sang ah an riak. Nihin July 8 zing ah Hakha lei ah an kal i atu batukin kahdohnak a chuah hi a si, tiah theih a si.
Hmanthlak: SAC ralkap nih Falam peng Ṭaal khua Biakinn a rak hrawhmi a si.
Pakokko Ah SAC Ralkap Nih ShiaDu Khua An Khangh Caah A Ciam Dih, Magway ramṭhen, Pakokko peng Shiadu khua cu nihin July 8 zinglei ah SAC ralkap nih an khangh, tiah tualchung mi pakhat nih a chim. Nihin zing sml 8:00 hrawng ah SAC ralkap 100 hrawng nih kahdohnak zeihmanh um loin khua chungah an lut i, an Shiadu khua an khangh hi a si.
Shiadu khua cu inn 200 leng umnak khuate ngan a si i, mei kanghnak ruangah khua ning in a ciam. Khattelei ral in mei khu cu hmuh khawh a si. Shiadu khua Pawng ummi SaingPyo(စိုင်ဖြူ) zong nihin July 8 zing sml 11:00 hrawng ah an khangh ve, tiah tualchung mi hna sin in theih a si. SAC ralkap pawl cu MyitChe-KywinChaung(မြစ်ခြေ-ကျွန်းချောင်း) ah umhmun an khuar i, phu an i ṭhen hna i atu bantukin khuate mei in an khangh hns hi a si, tiah theih a si.
A luancia June thla lio zongah Taungpalu, DePyia le Kanpyo(တောင်ပလူ၊ ဒဲ့ပြား၊ အရှေ့ကမ်းဖြူ ) khua hna zong an rak khangh i, Taungpalu khua cu a rak ciam dih. Atu lio hi Pakokko khua chung cu humhimnak ṭha tein an lak i, khual helnak lam le lamtonnak hna ah umhmun an khuar. An umnak cu ṭha tein an ser tiah theih a si.
Leave a Reply