R.I.P: Pasaltha cu SAC Ralkap nih Meithal Zuun(20) Bak in An Kah Chih E

R.I.P: Pasaltha cu SAC Ralkap nih Meithal Zuun(20) Bak in An Kah Chih E, February 14, 2022 laikokek R.I.P SAC Ralhrang nih an tlaih mi pasaltha Zin Min Khaing cu Meithal zuun(20) tiang in an nolh chih i a nunnak a liam tiah Kalaw Township Media nih a langhter. Monwya pengkulh, Nuiabungkyi khuate mi, Zin Min Khiang kum(21)

cu Lo a tuahnak in a rak tlun pah ah SAC ralhrang nih an tlaih i a hnu lei in Meithal zuun (20) tiang in an kahi an thah hi asi. Nihin February 14, 2022 zaanlei ah khan tleirawl te lawng a si rih mi Zin Min Khiang cu Lo ah a kal ia rak tlun lei ah SAC ralhrang nih an tlaih hi a si.

Zeibantuk sualnak a tuah mi hmanh a um lo, cun bia halnak zong tuah lem loin meithal in an kah i a ril, cun zuun (20) tiang an nolh chap rih i a taksa cu zoh awk tlak loin rawh dih dawh a si tiah an mah Khua mi nih cun an chim.

“Atu hi Zin Min Khiang ruak cu an mah Ralkap lila nih an lak, chungkhar zong an pe duh hna lo. Khuami le chungkhar lei nih a ruak an hal hna nain Ralkap lei nih an sian hna lo i a zoh zong an zoh ter duh hna lo” tiah Kalaw Township Media nih a langhter hi asi.

Cu lawng si loin zaanlei ah khan sualnak ngei lo khuami tlangval pathum zong SAC ralhrang nih an tlaih chap hna ti asi. Atu SAC ralhrang nih tuksapur in an thah mi Zin Min Khiang hi kum(16) a si bak in biatak tein rian a ttuan i a nulepa a cawm tu asi,

atu SAC ralhrang nih an thah tikah a nulepa caah tuar a har tuk ko lai, zeitin dah an i cawm cang lai timi zong ruah ngam a si lo tiah Khuami pakhat nih a chim hi asi.

Tlangcung Miphun hna nih herh mi Federal Democracy Pyidaungsu cu atak ah sersiam khawh a si hlan tiang NUCC nih hnu kir loin i zuam in tuanvo ka laak lai tiah tuni ah a phan mi Panglung minthut kum 75 atlin ni ah biakam a pek nak kong cu cathanh  a chuah.

SAC ralhrang i hruai ning tel  in SAC Ralhrang  uknak daihter nak, Panglung biakm pawl cu Federal Democacy hrambunh cungah biakam a si mi cu tlamtlin ter ding, Miphun ram daihnak cu tuanvo laak in Federal Democracy Pyidaungsu cu kan dirh lai tiah NUCC nih a chim.

Kawlram Luatnak kan hmuh hnu in tuanvo a laa mi Cozah sin poah ah Panglung minthut biakam pawl cu hrawk in  phung ning loin mipi tuahser nak, mi thleidan in tuahto mi pawl hna caah NUCC nih tlangcung mipi sinah ngaithiam a hal nak ca a chuah.

NUCC cu CRPH tel in rampi thimnak aiawk tu phu pawl, Ramkhel party pawl, Unions pawl, Nu pawl, Mino le Minung tlawmin phu dirh mi pawl, Federal phu dirh a si mi pawl Cozah riantuan CDM pawl, CDM colcang nak in riantuan mi pawl, Mipi lamzawhnak he pehtlai in phu dirh mi pawl, Tlangcung Hriamtlai dohthlennak phu dirh mi pawl, Caan Kar laak State Federal Unit aiawh tu committee hna nih dirh mi phu a si.

Tuni cu 1947 February ni 12 ah rakthut mi kum 75 tlinnak ni a si.  A luan cia mi kum 75 ah Brithish cozah sinah luannak cu kan hmuh i mah teiin khuakhan lairel khuakhan khawh nak cu thih -khaih loin cova aa khat tein thutdir khawh tii dingah Federal Democracy Pyidaungsu cu sersiam dingah , Kawl miphun ram (Mainland Burma), Shan Pyidaungsu , Kachin Tlangcung hmun le Chin ram aiawk a si mi tlangcung miphun aiawh a si mi hna nih Pang Lung minthut ah biakam nak he min a rak thut.

A si nain Kawl cozah hna nih tlangcung mi hna nih kan i ruahchanh mi Fedreal Democracy Pyidaungsu cu tuah piak duh loin an rak kan hlen i Kawl miphun cozah hna nih Pang Lung biakam minthut cu hrawk in Pyidaungdu Unit lawng a hman nak kong cu NUCC nih a chim ohuan.
Cu ruang ah Kawl cozah hna nih Pang Pung Minthut le biakam cu tuanvo a lak duh lonak kong tlangcung mi hna nih kan sungh mi faknak pawl cu atu caan lar laak Federal Democray hruainak ah aa tel mi NUG telin Dohhlennak a tuah tu hna nih fiangdai tein an theih an i fian cang caah hmai lei ah Pang Lung Minthut le biakam pawl cu phung ningin tuanvo lak a herh nak kong cu NUCC nih a chim.

Cu ruangah tlangcung miphun hna nih kan herh mi Federal Democracy Pyiudaungsu cu Pang Lung Minthut le Pang Lung biakam a si bantuk in tuanvo laak riantuan a herh i SAC ralhrang le SAC ralhrang hruainak uknak hrawh lawng ah Federal Democracy Pyidaungsu cu ser khawh a si lai nak kong cu NUCC nih a chim chap.