SAC Ralhrang Nih Myint Nge PDF Sakhan An Kahdoh
Mandalay ramthen ah a um mi Myint Nge PDF Sakhan cu SAC ralhrang nih an kahdoh luhhnawh caah PDF minung pahnih an nunnak a liam pinah PDF minung 29 an tlaih nak hna kong cu MN (Myint Nge-PDF) nih tuni ah cathanh a chuah.
Tuni March thla ni 30 zing lei suimilam 6:00 hrawngah SAC ralhrang hna nih ralkap thazang tampi in an va kahdoh hna, an va luhhnawh hna tiah thawng kan theih.
Khuami thawngzamh zong nih Myota Myo khuapi pawng Tayetkan khua ni chuah lei tlangkar lak ah aum mi MN-PDF (Myint Nge) sakhan SAC ralhrang hna nih ralkap thazaang 200 hrawng in hraimnam ngan, hriamnam hme hmang in an va luh hnawh tiah thawng kan theih.
A dang dohthlennak a tuah mi phu i bomhchanh ruangah a tang mi phu pawl cu a daihnak hmun ah an phan cang tiah mah cathanh ah an langhter chih. SAC ralhrang kutin A nunnak a liam mi le an tlaih mi hna caah kah dohnak ah kan lut lai tiah MN-PDF nih cathanh an chuah ti zongin theih a si.
Relchap, Trump a chim chung ning bantuk in a tlung dih, Joe Biden a mualpho bak ko, Thil sining a fiang chin lengmang caah Joe Biden kan duh lo ruangah le kan soisel ruangah si loin tu lio thil sining nih fiangtein a kan hmuhsak caah Former President Trump nih a rak chim chungmi hna kha a tling thluamah cang. Trump hi vawleicung mirum ah a tel bak ve mi a si caah tangka duh ruangah US president a tuan lai lo ti cu a fiang ko. President a tuan chung ah khan lakha a lalo
(kumthum chung lakah a la lo, dollar pakhat ti bantuk a lak mi zong kha US phunglam nih, President nih lakha lak lo in um a siang lo caah dollar fangkhat ti bantuk lawng a lak mi kha si ko) President a tuan chung ah remnak le daihnak tampi a ser. Vawleicung ah laksawng sunglawi bikmi (Nobel Prize) pek a si lai tiah zum a si, Natein Nobel committee nih an pe duh lo. Obama zeihman a tuan lo mi cu kha cu fawitein an rak pe, natein daihnak le remnak heh tiah a sertu Trump cu an pe duh lo.
Vawleicung politic fih nung ning hi, Nobel peace prize zong ah politic a tel caah a si. Trump an pe duh lonak ruang expert pawl nih an zum ning an chim ning ahcun, Trump nih US first ti policy a kalpi caah a si tiin an rak chim. Trump laksawng sunglawi ngai mi Nobel peace Prize an pe duh lo ruanga Nobel peace prize committee pawl zong heh tiah soisel le mawhchiat an si kha. Trump nih a rak chim cia bantuk in a tlung, Trump nih Joe Biden cu president caah nan thim ahcun, vawleicung ah buainak fakpi a chuak lai,
i dohnak tampi a chuak lai, Trump nih a chim mi hi a tlung cuamah cang. Myanmar misual pa Min Aung Hlaing nih kawlram chungah aana an lak i, mi tampi a thah hna i, atu hi kawlram cu ceilak in buainak in akhat.Afghan ram ah tapung pawl Democracy uknak cu an lak i, a tu hi an kut tangah Afghan cu an chia, mi tampi nih harnak chim cawlh lo an tawn cang. Mah lawng si lo, North Korea nih heh tiah Nuclear Test a tuah peng i, Nuclear nih vawleicung ah Nuclear nganbik mi le tih nung bik mi ngei ding in heh tiah lam akawl i,
Hypersonic Missile cu voih tampi a test cang. Atu Russia nih Ukraine a tuk ruangah West pawl an um sawhsawh duh ti lo, hriamnam lei ah i zuamnak fakpi an ngei cang, Nuclear ngei khawhnak lam an kawl dih cang. US economic a tla cuahmang cang. Thil man a kai chin lengmang, Oil le Gas man cu a fak tuk cang. Russia ram in Gas le Oil a lak mi cu a dawngter, Middle East in Gas le Oil cawk a tim, Natein nihin tiang thawngpang tha thei ding mi a um ri lo. US ram chungah i thahnak le meithal i kah ruangah,
A thi mi an tam chin lengmang. Vawleicung ramkip nih hriamnam tha tha ngei ding in tim tuahnak an ngei i, Joe Biden president a vun tuan bak cu daihnak le hnangamnak a tlawm chin lengmang cang. Mah vialte hi former President Trump nih a rak chim cia dih cang mi lawngte a si. Cred-Madison Lianching
A tam tuk hrinhrang ko!! China le Russia caah mangchia bak si ko cang, Cutluk defense budget tamkho ning cu, vawleicung super power ram a si bantuk in, ramdang nih an tei khawh lonak ding caah heh tiah a zuam chin lengmang ko. President Joe Biden nih 2023 United States of America Defense Budget Fiscal Year 2022-23 caah proposal ah $813.3 billion a chia. US ram caah a biapi tak tak mi he US himnak caah tuanvo a ngeitu bik PENTAGON caah $773 billion a si lai tiah a chim.
Cun, $2 Billion hi missile interceptor defense, China & North Korea Ballistic Missile lak in i vennak ding caah. $5 Billion hi Space command hmang ding caah a si lai. Biden nih a chim ning ahcun $145.9 billion hi a hlei in America nih 61 F-35 fighter jets, B-21 bomber & Virginia-class submarines 2 cawk chap nak ding caah kan chia lai tiah a chim. $30 billion hi police & law pawl caah tiin President Biden nih a chim. Tial ding mi tampi um, mah hna hi a herh tuk mi a ka ruat caah ka vun langter mi hna a si. Cre-RTK
Israel nih a chim mi…Russia nih Ukraine a tuk mi cu thlakhat leng si ve cang. Ukraine ralkap pawl an thawng ning le Russia nih duh poah in a tuah kho lo mi kongah Israel’s military pawl nih mak an ti ning an chim cang. Russia nih hriamnam tha tha an hmang, Missile tha tuk mi tiang an hmang,
Natein Russian ralkap a thi mi an tam tuk caah Israel ralkap zong nih mak an ti tuk ning an chim ve cang. Western Media pawl nih an langter ning ahcun, Russian ralkap hi 12,000 Russian troops an thi cang. Cun, 49 fighter jets, 81 helicopters, 335 tanks, 1,105 armored vehicles, 123 artillery systems hna an hrawh piak hna. Russia nih hriamnam tha tha a hmang i, Fighter Jets, Helicopter tha tuk mi,
Vawleicung ah a min a than mi hna cu Ukraine anti-aircraft systems & shoulder-fired anti-tank guided missiles (ATGM) nih ceilak in an kap piak hna. IDF nih a langter ning ahcun, Russia Air superiority cu a tha i uar an um ngai, natein Ukrainian pilots pawl nih ‘sorties’ nikhat ah voihkhat ah voih tampi an lak tiin an langter. Russia nih Kinzal hypersonic weapons kan hmang ti bantuk in an chim, natein a rian tuan ning vun zoh tikah thim thlak cu a si ve lo an ti. Israel Defense Forces pawl nih tu lio thil a cang mi kong ah thatein thil sining an zoh peng. Cre-RTK
Leave a Reply