Zualko, PDF Ralkap Minung Pa 9 Thah An Tong
=================
Zualko, PDF mipi kan ralkap minung pa 9 cu SAC ralhrang nih an thah hna tiah Just-You Tamu thawngzamh nih a tial. Mah PDF mipi kan ralkap minung pa 9 thah a tong mi hna laak ah kum 14 a si mi le kum 15 a si mi kum tling lo minung pa 2 an i tel tiah theih a si.
Raldoh tikah, Ralhmun ah, I kah cuahmah lio ah; Geneva Law zulh hi a har bak. Geneva law zulh in mah le kan minung tu pam tawn. Raldoh ti asi fam cu tah, a herh lo nan ti mi le aa pehtlaih lomi tampi a hnursuan tawn. Kum 80 dengmang Fek tein a dirh cang mi bu Uknak phung pakhat cu cihmih awk ah kan doh cuahmah lio asi.
Kanmah ka thih can aum Bantukin; Aa pehtlaih lomi minung le thilri tampi zong kan kah chih tawn ko hna. Ruah lo pi in le timh lo tein, target asilo mi a hnursuan I an rawkral tikah; dawtnak le zangfah nak a ngeih mi an si lo tiah Huatnak ngeih colh loin pekchan a herh mi ka pek chan bia asi tiah I lungsak khawh usih law a ṭha bik hnga? Hi kong ah hin phisin awk ah a har ngai ngai mi le aphi a um bak lomi Biahal nak relcawk lo aum lai.
Ralram ah Raldoh ding in Ralhrang an ra tikah; Ralphaw ah mipi an I ken tikah zeitin kan tuah kun lai. Kap lo in maw kan um lai. An kan kah mi hliam tuar in maw, kan mipi an thih sual lai tiah kan mah tu kan nunnak kan in pek hnga? Raldoh awk ah le tei awk ah asi khawh rih lo ahcun kah loin hnu lei kir ah apoi nak aum lo.
Nain hi raldohnak hi kan tei hrim hrim a herh ko tiah kan ti ahcun: a ho ho ti lo in kan kah hna a herh ko lai dah ka ti. Nain hihi Ramlak raldohnak ah si lo in, Rallokap Sakhan lak kan duh lio le Khuapi lak ding caah Raldoh lio can lawng ah hmang rua ah an ṭha ve hnga. Raldoh tu CDF le Ralbawi hna nih tuaktan ngai a herh I thluak ngeih ngai a herh mi asi.
Khualipi lak duh ah Raldoh asi ahcun kan pawng ah an kan nai mi poah cu kan ral asi tiah thluk thluahmah lo cun khuapi kan lak khawh ve lai lo. Mipi tu nih a hlankan in timhlamh nak le thlifim ngai in kan tuaktan a herh deuh lai. Pathian fa le Israel mi ral an doh lio ah na hmai ka aum mi vialte cu pakhat hmanh tan ta loin le nganh loin nan thiangh dih hna lai a ti ve kha mu.
Kawlram hi dindaih nak in a khat a herh nan ti ahcun: rianriang tein a dindaih khawh nak lam cu zeidah asi tiah kawl ve a herh. Tuaktan in ruat ngai ngai a herh, Feeling le emotion le mah saduhthah le siter duh ning lawng in kal a ngah ve ti lo. Raldohnak in maw? Cabuai cung ah dah tiah tuak cikcek ding asi lai.
Cabuai cung ah biaruah ding asi ahcun Raldoh lio ah Ti le Thlapa bangin Raldoh a herh lai. Remdaih nak caah Cabuai cung phak awk ah donkhan tu an um ahcun thiang hihiar in tuah hmasat a herh lai. Cu caah kan hmai aum mi vialte thiangh dih a herh. Cu can ahcun Nika le Mei Bantukin Raldoh ding asi ve lai. Cucu CDF Ralbawi rual nih hngalh a herh.
Hi hi mah ruahnak le duhnak kan ṭial mi asi lo. Dohthlennak a tuah balmi minthang hna ral an tei nak policy le mumal asi. International level in tuak mi le tuah mi asi. Nika le Mei Bantukin raldohnak ahcun kan ralkap hmai ah aum mi vialte an nung dam lai ti hi ruat hmasat a herh ko. NUG nih khuapi pakhat hnu pakhat in kan lak cang lai an ti caah, CHINRAM, Kaya, Sagaing le Magway ahcun arau hlan asi ding mi asi ti hi mipi nih hngalh cia awk asi lai. Culocun a herh lo tiang CDF sualphawt le zolangh, thangchait, Mual pho, Soisel, rolung bunh a tam tuk te lai.
Hi bantuk thil hi Dohthlen tu phu nih cu tuah ding ah lungthin an ngeih lo nain, Ralhrang Rallokap cu pello tein an tuah zungzal mi asi. Ralram loin an an duh tikcan poah an tuah caah Geneva law an buar. War Crimes Against le Crimes Against Humanity an si zungzal ko. Ralram voi khat an kal in; meithal voikhat an thlah in Nawlbia vialte an buar dih colh ko.
Dohthlennak kan TEI ahcun Amiak relcawk lo aum Bantukin Dohthlennak kan sungh ahcun; sung zatlak nak relcawk lo asi ve. TIENAK cu Nung buin Vanram tep asi lai. Hnangam lungdaih nak tling kan hmuh ve lai. Nun Duhdim in kan khat lai. Nunchung hnahnawh tu le siat ral tu um ti loin khuasa a si lai. Tar tlung in kan nung fawn lai.
Sunghnak nih a chuah pi ding mi cu: Vawlei Hellram asi lai. Eihmur nak le hlenthawi nak relcawk lo aum lai. Minung le minung saal zuat in le saal zuat kha kan cim khawh te lai lo I, saal can nak nih an kan simh ve te lai. Tirawl khim loin kan nunglai. Nutrition le vitamin bau buin nunchung khuasa asi lai. Zawtnak rai an tam tuk lai.
Kan hngalh ballo mi Zawtnak le rai tiang kan ngeih lai nain I thlawp bulh nak phaisa kan ngeih te lai lo. Ahohmanh nih sii dinh le thlawp kan tawn te lai lo. Thleidan nak level a sang tuk lai. Namneh mi le lamh chih mi hna nih reng sang le bawi hna kha Pathian bangin kan biak can aphan te lai.
Cucu a ṭih lo mi vialte nih Ralhrang Rallokap sin ah um uhlaw, Dalaan ṭuan uh. Non CDMers si ṭhan uh. Piosawṭhi le Thidin phu ṭuan ko uh. Dalaan ṭuan kha nan pathian ah ruah uhlaw, an taw kawng a sawngh tiang in Dalaan le Rallokap cu biak ko cang uh. Abiapi bik mi cu: Dohthlennak kan TEI zawk zawk a herh. Kawlram pumpi PEACE a hmuh colh hi asi ko lo maw ka ti. Nang le na innpa zeitin nan ruah ve. Na mo nu le na kawi pa teh Zeitin? Crd-Zingtincuai Cinzah
Leave a Reply