Zualko, SAC Ralhrang Nih Hriamnam Ngan In Fimnak Cawng Lio Mi Hngakchia An Kahthah

Chin ramkulh Mindat-Matupi kalnak motor lampi karlak meng (9) nak zawnah Febuary (7) ah khan nawlngeihnak latu SAC ralhrang ralkap nih hriamngan hmangin pawngkam ah ningcang loin an puah ruangah ti luannak,

hlonnak hor an cawhnak ah aa thupmi siang ngakchia taang (7) pakhat cu hriamngan nih a tlak ruangah a umnak lila ah a thi colh tiah Mindat peng chung mipi hruaitu phu nih Febuary (10) ah cathanh an chuah hi a si.

Nawlngeihnak latu SAC ralhrang ralkap hna cu Matupi khuapi chungin January 24 ah khan an rak tum hna i, a ni 16 nak, Febuary ( ahcun kuanfang a kham khomi motor pahnih le motor 83 he Mindat khuapi chungah an lut.

Mindat-Matupi lampi karlak ah nawlngeihnak latu SAC ralhrang ralkap le CDF-Mindat cu vawi (15) tluk an i kap hna i, Chin Pian khua in meng (70) tiang CDF-Matupi he cun vawi tam nawn an i kap.

Nawlngeihnak latu SAC ralhrang ralkap hna cu Febuary ( zongah khan Mindat khuapi chung ralkap umnak sakhan in khua chung ah lamhlat kahnak miappi hmangin vawi tampi an kah nain khuami an him tiah theih a si.

Ref; The Federal Times

Relchap, MOLNUPAC 200 (Molnupiravir 200mg) cu Kawlram chungah aum mi ram mi nih ngeih mi Pacific Medical Industries Ltd  sii serchuah nak zung in  branded generic “MOLNUPAC 200” timi min in serchuah nak cu tlam tling tein kan dih cang tiah mah zung leiin nih cathanh an chuah.

“Covid-19 khamnak sii (Dinsii) in Uk MHRA  lei nih sernak nawl a pek hna i American ram US FDA in Emergency Use Authorization (EUA ) aiah serchuah nak nawl pek a si mi Molnupiravir  cu Kawlram chungah a um mi  Ram mi nih ngeih mi Pacific Medical Industries Ltd sii serchuak nak zung in branded generic MOLNUPAC timi min bunhin sii serchuah khawh a si cang.

Myanmar FDA nih cohlan (pomnak) number ( 2302ND002) in serchuah nak nawl pek a si cang caah Man fawi tein kawlram mipi hna sinah phawtzar an si lai  tiah mah cathanh chungah an tar langh chih. Myanmar ram chungah phungning loin thilman a kai ter mi phungning loin hmatpungtin a ngei loin zumh awk tlak a si lo mi  Molnupiravir sii pawl cu a man a fah pinah sii Quality zong richiah a si lo i minung kan pum caah tih a nung tuk mi a si caah Pacific Medical

Industries Ltd  in MOLNUPAC 200 (Molnupiravir 200mg) sii cu a that nak le a miat duh ruangah si loin mipi ngandamnak caah mi zaw pakhat ah one course (MOLNUPAC 200mg tlang 40) in a man cu 4900 in kan zuar lai tiah mah cathanh ah an tial chih.

Ref Popular News Journal