Zualko : Nihin Hakha ah COVID-19 in Minung Pakhat Nunnak Liam

Nihin (August 24) Hakha ah COVID-19 zawtnak in minung pakhat a nunnak a liam.

A nunnak a liammi hi Dawrthar, Cherry sang um, Pu Ral Kham nupi Pi Ngun Hle (kum 77) a si.

COVID-19 Third Wave hnu in Hakha ah COVID-19 zawtnak in an thi tiah fehtermi minung 20 an si cang.

COVID-19 zawtnak in an nunnak a liam ko tiah lunghrinhmi mithi a dang 19 zong an um ve. Cred : The Chin Journal

Relchap : Ralhrang Hmanh Mi Bomb I Lamh In Pu Ling Sui Palek Pension A Nunnak Liam

Ralhrang Hmanh Mi Bomb I Lamh In Pu Ling Sui Palek Pension A Nunnak Liam Chin ramkulh,Kanpalet Semaikung veng ah nizaan ah ralhrang nih hmanh mi bomb i lamh in a ke pakhat a tanmi palek Pension pakhat cu tuzaan lei suimilam 3 hrawngah a nunnak a liam tiah theih a si.

Kum 65 Palek Pension Pu Ling Sui cu August 23 ah Pension thlahlawh hlam in a kir lei ah Yianaungyiatana pawngah ralhrang nih hmanh mi bomb a lamh i a ke a tan i a hliamhma he a nunnak a liam hi a si.

Atu Pakuko in kan va hlam lio a ruak kan la kho rih lo,zaanlei ahcun kan phan ko lai,a ruak kan hngah sin,a zaan ah kan vui colh lai tiah” an chim.

Ralhrang nih veng chungah bomb hmanh ruangah atu bantukin bomb lamh in a nunnak a liam hi a si i mipi caah humhimnak van a sang ko tiah an chim.

Kanpalet B.E.H.sianginn.Palek riahbuk le Pu Ling Sui bomb lamh in a nunnak a liamnak Yianaungyiatana ah ralhrang umhmun an khuar tiah Kanpalet mi pakhat nih a chim.

The Chin Post

Be the first to comment

Leave a Reply

Your email address will not be published.


*