Zualko : Mizoram Ah Minung Pahnih Ti Ah An Paam

Nizaan July 9 zaanlei suimilam 3 hrawngah Kawnpui khua mi 4 cu ramvaihnak ah an kalnak ah Tlawng tiva ah an tla i, minung 2 an nunnak liam.

Ramvaih lio ah ti ah a tla mi 4 hna hi Lalhlimpuia le Vanlalhruaitluanga, Hortoki khua mi 2, ramvaih a kal ve mi nih an chanh hna nain pahnih hna cu an chanh hman ti hna lo.

Ti ah a tla mi 2 lakah Lalsangliana, Kawnpui khua ruak cu hmuh a si cang nain Malsawmtluanga ruak hi an kawl lio a si. Cred : Thechinpost

Relchap : Thantlang ah a Lan Dingmi Facang Phortu Truck Pahnih Falam ah SAC Ralhrang nih an Hren

Thantlang khua lei ah facang phorh in a kalmi Truck pahnih cu SAC ralhrang nih zarh hnih chung hrawng Falam an hren cang hna.

Falam khuami pakhat nih, “An hren hnanak zarh hnih hrawng a si cang. Atu tiang an kalter hna lo. Facang phorh a ngah lo an ti hna i an hren hna. Thantlang khua i SAC ralbawi minthut aa telmi catlap an i ken ko nain Falam ralbawi nih a kalter hna lo,” tiah a chim.

Thantlang ah phorh dingmi facang pawl a lanhter lotu SAC ralhrang pawl hi Kawlrawn lei in naite ah Falam ah a rak phanmi an si.

June thla chung zong ah khan hi SAC ralhrang bu nih hin Hakha lei ah facang a phormi Truck pathum zong zarh hnih chung hrawng an rak hren bal cang.

The Chin Journal

Be the first to comment

Leave a Reply

Your email address will not be published.


*