SAC ralhrang kutin Myanmar ram chungah a tlawmbik in LGBTIQ minung 17 an nunnak a liam i, minung pahninh nih hlaim fak an tuar tiah theih a si. May thla ni 17, Gay ( Nu Le Nu Pa le Pa) timi ni ah NUG minung nawl ngeihnak vaunci U Aung Myo nih a facebook cahmai ah a tu bantuk in a langhter mi hi a si.
LGBTIQ minung 85 nak tlawmlo SAC ralhrang ning phung ning loin an tlaih hna i, LGBTIQ minung 50 hna cu tlaih dingah an kawl hna caah an himnak hnga ding caah an hrail hna an zaam tiah theih asi. LGBTIQ hna nih SAC ralhrang hna cu,
Lam a phunphun le hmun zakip ah pehzulhin an kahdoh hna i, lamzamhnak, PDF tatyin pawl le CDM riantuan tu pawl caah pehzulh in kahdohnak chungah an luh ko tiah theih a si.
Relchap,Saw Peng Ah Palik Pahnih Nih Meithal Pahnih He CDM An Tuah, Magway ramṭhen, Saw peng in palik 2 cu meithal zunhnih le meithal kuan he CDM an tuah, mizapi sinah an i fonh, tiah caan karlak Saw peng i ukhruainak phu sin in theih a si. May 16 ni ah palik 2 cu meithal he CDM tuah dingah an lut.l i Lawmman tangka an pek hna lai i a himnak hmun ah an chiah hna lai, tiah theih a si. Magway ramṭhen, Gangaw pengkomh Saw peng cu PDF nih an hip dih, an uk dihnak hmun a si i SAC ralkap pawl an tha a der ngainak hmun a si.
Kalay pengkomh Battalion 4 camp cu May 14 lioah SAC ralkap nih Jet Fighter 3, MI 35 vanlawng 2, Helicopter 1 le Drone in suimilam cheu chung an rak kah hna, tiah theih a si. Cu hnuah SAC ralkap 200 hrawng nih rallam an sial i Kalay PDF he minutes 15 chung hrawng an i kap i Hriamnam aa thlau tuk caah Battalion camp in Kalay PDF nih, an chuah taak hna. SAC ralkap nih Battalion camp ummi thilri sing 500 man, fur caan ei awk ah an i chiahmi eidin, thilri le ralzam ngakchia caah an on mi sianginn le sii-khan zong an khangh dih hna, tiah theih a si. Battalion camp a kangh lawng si loin thilri vialte a kangh chih dih caah, Battalion camp thar sak ṭhannak ca ah mizapi nih nan bawmhnak kan herh ko, tiah an langhter.
Tukum ṭhal caan cu nikhua a linh tuk caah a linhnak ram, India chaklei ramkulh hna ah cun khualin nih zatlang nun ah harnak tam tuk a pek hna, tiah theih a si. Nizan tiang ah khan India ram khualipi New Delhi khualum le kih tahnak(temperature) cu 49°C a phan. Thiamsang hna nih an buaipi ngai mi khuacaan thlen ningcanglo nih Delhi khuapi leng ah a kiangkap ramkulh hna zong khualin nih a zelh i, Haryana, Uttar Pradesh, Pubjab le Himachal hmun cheukhat ah cun khualum le kih tahnak 48°C an phan ve.
Hi bantuk in nikhua a linh tuk caah zatlang nun cawlcanghnak ah harnak tampi an tong i, electric mei a um lo caan zong a tam ruangah an harnak a zual chin, tiah theih a si. Pengkulh cheukhat ah cun khualeng chuak ding mipi nih hruk-aih ding thilri kongkau ah cozah nih nawl a chuah i, sianginn kai caan zong an thlennawn, tiah theih a si.
Leave a Reply