Magwe Ramthen Kahdohnak Ah Mipi Ralkap PDF Minung Pa 9 An Nunnak A Liam
==================
Magwe ramthen, Myaung pengkulh, ThayetKaan khuate ah a um gate a hngak mi SAC ralhrang le mipi kan ralkap PDF karah kahdohnak a chuak i mipi kan ralkap leiin minung pa 3 nih ram le miphun caah an nunnak an peek tiah theih a si. Magwe ramthen thiamthiam ah Pao pengkulh, Thayetkaan khuate pawngah kahdohnak a chuak than i mipi kan ralkap PDF in minung pa 2 nih ram le miphun caah an nunnak an peek tiah theih a si. Thayetkaan khuate kahdohnak ah mipi kan ralkap minung 5 nih ram le miphun caah an nunnak an peek tiah theih a si.
Cu bantuk thiamthiam in July thlahram thaawk lei ah Pao pengkulh, Tatyetkaan khuate pawngah SAC ralhrang le mipi kan ralkap karah kahdohnak fak a chuak i mipi kan ralkap lei in minung pa 2 nih ram le miphun caah an nunnak an peek than tiah theih a si. Nizaan zaan lei suimilam 6:00 hrawngah Sagaing ramthen, Tamu pengkulh, Sawbua sang, Nan Myint Han hlei pawng a phan mi, Mawkuu khuate leiin Tamu leiah meithal he a rakra mi pa 2 hna cu SAC ralhrang nih an kahthah hna tiah theih a si.
Magwe ramthen le Sagaing ramthen kahdohnak ah cun SAC ralhrang nih PDDF an hraimnam ceilak kan laak piak chap hna tiah thanhnak an tuah. Cu pinah kan sinah hraimnam he aa fonh mi zong an um tiah thanhnak an tuah chap. Cu bantuk thiamthiam in Magwe ramțhen, Gangaw peng nitlaklei ah SAC ralkap le mizapi vengtu ralkap karlak kahdohnak a chuak i mizapi vengtu ralkap pahnih an nunnak a liam tiah YDF nih cathanh an chuah. July 14 zinglei ah SAC ralkap nih Gangaw nitlaklei ah thazaang 60 , mawtaw 2 in ral lam an sial i Tilak le TaungPin khua lampial karlak ah YDF he an i kap.
Cu kahdohnak cu YDF Battalion 5, tat- khuai – 1 in mipi ralkap pakhat bomb a luahnak ah a chuahsual i an nunnak a liam. Battalion 5 tat khuai 5 in ralkap pakhat hriamnam a lak lio ah SAC ralkap hna nih an tlaih i an thah tiah YDF nih cathanh chung ah an langhter. YDF in a nunnak aliam mi kan ralkap pahnih i tantak mi chungkhar nan ngeihchiatnak kan i hrawm hna, Kan ralkap hna nih ram le miphun caah nan nunnak nan pekchanh mi cungah upatnak sangbik kan in pek hna.Nan hnu ah nan hawi le YDF nih pehzulh in dothlennak cu kan tei hlan lo an rak țuan lai tiah biakamnak kan tuah tuah an langhter.
Zinglei ah Agyi Warbin khua chungah rallam sial ding in timhtuahnak a ngeimi SAC ralkap cu YDF ( Shwe Som Nyo ) ralkap hna nih sniper in an kah i SAC ralkap pakhat a thi.
RELCHAP, Dawei Thong Le Tayarwaddy Thong Ah Ramkhel Thongtla Minung 13 Fak Tuk In Hrem An Tong, SAC ralkap nih ramkhel kong ah thong an khumh mi hna cu hremnak , namneh nak hna an tuah lengmang . Dawei thong le Tayarwaddy thong in ramkhel thongtla minung 13 cu faktuk in hrem an tong tiah theih a si.
Tanintharyi ramțhen, Dawei thong ah ramkhel thongtla minung 10 cu thonginn zohkhenhtu le a chung rianțuantu hna nih a bu in an tukvelh hna. Thongtla minung 10 hrawng cu July 14 zanlei Sml 5:00 hrawngah thonginn khar caan tanh in tikolh ding ah nan hnu tuk tiah Thonginn No 3 khan uk Aung Zin Htet tel in thonginn rianțuan hna nih an zapi i bawm in an hrem, an tuk, an velh hna tiah theih a si.
Velh a tongmi thongtla hna chung in Sualphawt 505(A) in thong 2 tlak ding nawl chuahmi kum 20 pa pahnih le 505 (A), 19 ( F) sualphawtnak in thong kum thum tlak ding in nawl chuah mi pa pakhat tel in minung 10 hrawng cu faktuk in velh le nanneh an ton hi a si. Dawei thong chung riantuan hna nih ramkhel kong ah thong a tlami hna cu thonginn riantuan a si tiah bia tlangpi an i chim ter i hramhram in rian an tuan ter hna, phaisa an hal hna, an thleidan hna, bia tha lo phun kip in an namneh hna tiah theih a si. Kayin ramkulh, Baann thonginn in Bago ramțhen, Irrawaddy thonginn ah an thial mi thongtla 3 cu thonginn riantuan tu hna nih an velh hna i hliamfak an tuar tiah theih a si.
BaAnn thonginn in an thialmi Maung Ye Thut Khao, Maung Zaw Win Thut (Baan University) le Maung Banya Win Kyaw (Mandalay) hna pathum cu BaAnn thonginn bawi U Shwe Hla minthut nak in Tayarwaddy thonginn riantuan hna nih BaAnn thonginn ah an thial hna i thongtla minung pakhat nih a ngeih mi zalawnnak hna cu an buar i an namneh hna.
BaAnn thonginn ah thonginn riantuan Tanh Thiha cu ramkhel thongtla hna nih duhlo nak langhter ding in nawl an hal lio ah BaAnn University siang ngakchia, thongtla hna cu meithal in a hmuah hna caah Prison Department in Thanh Thiha cu siang ngakchia hna le mipi hna zalonnak dawn tu sualphawt ding dirhmun,
BaAnn Prison Department, riantuan pakhat pumpak cio cu Kayin ramkulh mipi nih zohchih in an ral hna ding cu an luat nak ding ah BaAnn thongbawi U Hla Shwe nih ramkhel kong thongtla hna cu Tayarwaddy thonginn ah a kuat hna tiah theih a si. BaAnn thong chung thongbawi U ShweHla nih a tangmi thongtla hna cungah fak piin nan hrem lai tiah cung lei in nawl a kan pek tiin thongtla pakhat cio i an co tawk zalon nak cu fak piin thonginn chung phung a buar tiah theih a si.
Kyaihto Ah SAC Ralkap Mawtaw Bomb Puahhnawh An Tong, A Zaam Mi SAC Ralkap Bawi Mawtaw Nih A Pah I A Thi, Kyaihto peng, InnKaBo khua kam ah SAC ralkap mawtaw run cu bombpuah in an tong i SAC ralkap i ralbawi pakhat cu a zaam i mawtaw nih a pah i a thi tiah theih a si. Nizan July 15 zinglei SML 10 :00 hrawngah InKaBo khua SiOng no 2, Lay DaunghKaan Kam ah SAC ralkap mawtaw run cu bomb kan puah hna tiah Tatone PDF Battalion 3 nih a thanh.
Leave a Reply