Zualko: MIpi Kan Ralkap Minung Pa 6 Nak Tlawmlo A Nunnak A Liam E!!

Tuni zaan lei suimilam 4:00 hrawngah Sagaing ramthen, Khin-U Penghkulh, Shwe Hla khuate pawngah SAC ralhrang le Mipi kan ralkap Khin U-PDF hna karah kahdohnak fak a chuak ii Khin-U PDF in minung pa 8 nih ram le miphun caah an nunnak an peek tiah theih a si.

Kum 1997 July ah herh mi um ruang ah CNF camp Victoria lei cu ka kal. Camp phanh lai te ah duty pawl umnak ka phan i a herhh mi kachim hna hnu ah tulio hi Meeting tuah lio a si caah thawng kan va thanh ta lai. mah hnucun Camp lei cu na kal te lai ti a si caah Duty gate ah cun ka thu ko. Thawng thanh tu pa cu tlompah ah a ra kir than ve. Mah lio ah cun ruah lo pi in Pu Zo Tum Hmung cu a ra ve kha ka hmuh i,khua ruah har ngai in ka zoh ko lio ah nanmah lei mi a si an ka ti i, ka rak hmu ve cu a ka ti colh. Kankut kan nitlaih. Bia cu kan ni ruah pah cun a mah he cun Camp lei panhin kan kai ti.Cun H.C Ral Hnin he cun a herh mi kan ni ceih i, nikhat ka cam hnu ah ka tlung than. Camp hi an tuahkar te a si i,an herh mi a tam ngai te. A bik in office hmanmi pawl ko khi an ka cah.

Kum 1998 ah Typewriter kan herh tuk ti a si i, Korea tuah Kawlca, Mirangca, a nganmi le a hmeimi ka phorh hna. Victoria Camp ah hin paruk (6) ka phorhpiak hna.Pu Uk Lian Thang nih a hmeimi kaduh ve a ka ti i, Thantlang tu ah ka chiah piak. Caan tlawmpal ah tlaih a tong i a sin aphan le phanlo zong ka theih ve ti lo. Typewriter hna cu a tuhi a tha ti hnga maw zeidik . Ca Uk rel ding hi Rang khat phorhtluk an sin kaphan ter. Ca Uk hi upa deuh cu an rel huampah ko rua hi. An ka cah mi pawl hi Politician le Intelligence cauk lawng te a si. CIA ,KGB le Mosaic an timi Isriel MI pawl hna khi a tel rih. Camp hi thingkung sangsang lawngte an si tik ah a lenglei hi hmuhkhawh mi a tlawm te. Camp chung a ummi pawl hi cu Vawlei cung thawngpang theih an in har ngai in kahmuh hna caah H.C Ral Hnin cu Disc (salong) kan cawk ah a tha hnga lo maw, ramdang thawngpang zong nan theihkhawh deuh lai, Mahti rumro in tupi chungah nan um cu a tha tuk lo hi. Phaisa cu a cheu keimah nih ka liamte ko lai ka ti caah kum 1998 chungah Camp cu ka phanpi ve. Mi seh ( Engine) hi saupi onter a tha lo caah an duhtawk incun an zoh kho rua lo. India leiin pawngkam khua in theihkhawh a si. Ar hmanh khi a pa cu a zua lo.

1998 ah hin Kawl Ralkap unniform minung 150 ca na kan phorh lai ti a si i,tlamtling te in an sin ka phanpi rih. Cu hna tlompal ah tulio Ramkip in an ni hrukmi commando Coulor ( piohcia youn) an ti mi khi minung 300 ca kanherh ti a si i, Madalay zeechu dawr ah Originer packing in ka cawk. Hakha in Rang rangsarih in ka phorhter hna i, tluang tein Victoria Camp ka phanpi rih. Kum 1999 September ah ca pakhat ka hmu. ka reltik ah Pu Zing Cung nih na man ahcun Camp ah ra ta seh an ti ti a si. A ruang zong zeihmanh chim loin a tang ah khin na te Re Re ti a si ko. Mah cu zei ko dah a si hnga, herhmi zong tial lo cu ka ti i,zei a si ah kal ko ning ka tlunpah in ka ti ve. Bus ticket cu ka cawk colh. Camp ka phan cu H.C Ral Hnin nih thil tluangtlam in a ka chim i, thaizing a mah he nan ni ceih te ko lai ti a si. Thaizing ah cun Pu Zing Cung hecun kan ni tong i, Pa Hmung Meithal tuah nak Machine kan herh. Nangmah lawnglawng kan ni zumh. Na kan phorhpiak kho ahcun a tha lai ti asi. ka ruat ve i,mah cu thil asi kho mi asi ko maw? Thil ngan tuk asi lo maw ti ka hal than ve. A si kho ko lai Machine hi a hmeimi a um ko a ka ti.

Ka ruat ka ruat ve i ka hna tlapi ve. Rawl kan ei hnucun meithal a tuahtonmi pa kha kan auh i thilri a herh mi vialte cu kan tial dih. Ka note book tlaphnih cu a khat ko. A chim rih mi cu mah hi kan tuah khawh ah cun India ram North east tapung vialte hi kan zuar hna lai ti a chim i, an zuar hna le zuar hna lo kha cu tutiang hi ka theih ve ti lo. Kan tuah kho pah ko ee ti cu an ka chimh. Kan tuahmi hi tampi kah nak caah cun a tha tuk lo ti a si. A ruang cu meithal pionglung khi a cang le cang lo an tuah tik ah a rawhnak hang ti he cawh mi a um i, mahcu ka chuahpi kho rih lo caah ti lawngin anrawh tik ah a tha kho lo ti nak a si. Thaizing ah cun ka kal ve.

Mandalay kan phan i,ka zoh tik ah a tha mi a hmei mi tak cu a um lo a hlun mi long te a si caah Rangon lei ka kal than. Rangon ah cun nihnih chung Salai Ceu mang he kan kawl. A hnu ah Tong okalapah dawr tuahthar mi ahcun mah bantuk Machine lawngte zuarnak cu kan va phan. Dawr pakhat ahcun ka cawkmi le a dang pakhat, mah pahnihte cu a um.kan zoh i, ka duh tuk. Ramlak hman ding ahcun a tha tuk khi a si ko. Dawr ngeitu nih a chim micu mah machine hi Singapore ah hin Meithal pistol tuah nakah an hmang i,first a lak ee a kan ti rih hoi.
An tuahnak ram kan zoh tik ah Germany le Austria ram komh in tuah mi a si. Salai Ceu Mang nihcun Hmung Hmung mah hi cawk ko uh sih mah tluk a tha mi hi ti a si rih. Kan pahnih hngatlak in mah Machine kan cawk ve. Kan phoih ter hna i,thingkuang chung ah kan sanh dih hnu in Car gate ah kan kuat colh. Mandalay lei cu Bus nganpi Lio an ti mi in ka kal. Hakha dam te in ka phan. Hakha in Rang nih phorh ter a tha lo caah Motor cu ka hlan than i, Kuhchah tiang. Kuhchah in Caw leng in Congthia tiang ka kal.

Congthia incun Rang nih a phorh ko nain thirtum axel an ti mi a ngan 6″*6″ inch a sau lei 4′ feet mah cu rang nih a phorhthiam lo caah minung nih lang in kan put. Hlamphei kan phanpi kho ve lo caah lam tantim ah kan chiahtak. Hlamphei nih khuabung ah an ka chiahpiak than. Khuabung in cun Bawinuh tipi cu kan phanpi khawh. Victoria Camp lei cu mi kan thlah hna i, Minung sawmthum le H.C Ral Hnin ra hna seh ka ti ve hna. Nihnih hnu ah cun an rak phan ve tak. Thil cu kan tuah dih tik ah Sai Si khuachung ah kan riak than. Thaizing cu zingka tein kan ni thawh ve. Mohre khua taw tiva pawng lotlam te ahcun kan riah than. Zingka tein kan tho than hoi i, Camp cu zanlei pi ah khin kan phanpi kho. A phorhtu hna Minung hi an rei a theihtuk nak ah thirtumpi hna cu a hlonh in an hlonh dih cang. Zei a si ti zong an theih ve lo. Camp ah cun zarkhat ka cam. Nikhat chung cu a bunh nak ah kan rauh ve. An tuah ning te pawl kha tha tein ka chim dih hna.

Pu Zing Cung nih vawikhat cu rawl ei a ka sawm ve i, Pu Khua Uk Lian, Pu Benjamin Turin le keimah ticun rawl cu kan ei ti. Vok sa kuang a kan chumpiak i,ka ei duh lem lo. An umnak hi khua a sik tuk. A innchung ah hin thitum a nganpi khi mei a kau peng. CNF pawl hi an rawl ei a chia tuk ning cu. Thlahnih um ning law gastic in ka thi colh lai. An nau le pawl khuachung an luh ah puar taktak in an um mi khi an mawh hrim lo. Mipi zong nih khin tuakthiam piak ngai an hau ve. Vawikhat cu nu umnak rawl an ei lio ah ka phan i, buh lawngte khi an ei i, angthur a car mi hang khi an ding ka hmu i ka zoh ngam hna lo caah ka kir than colh. H. C Ral Hnih cu nan rawl ei a chia tuk. Tuhnu kumhra hrong ah cun vitamin nan chanbo lai i,dotlen nah cu chim lo nan chuak dih lai ka ti i, ka dua dotlennak a tuah mi cu a phun pei a si ko cu a ka ti lehlam.

SECOND TRIP, Thil an herh mi hi a tam ngai caah kei zong cu a dang va cawk than ding ahcun mandalay lei cu kan kal than ve. ka cawk cia mi pawl hi electric thazang lawngte hmanmi a si caah ( Miseh ) Taluk tuah le a dang a herh mi tampi cawk ding khi a si. MIseh cu a tampi ko i,a dang cu thir vihnak,a tia laknak,a tannak ti bak tuk a tam tuk i,mahhna cu half lawnglawng ka cawk khawh rih. Thil ka cawk dih hnu ah Falam pa Pa Luai Jeep in mandalay,Hakha.Falam in rih khuadar tiang ka kal. Tio tiva in Lunglei, Saiha in jeep in ka kal than i,Zongling khua ah India ralkap an rak um nain an ka theih lo caah kan lanh manh ve. Kan kalhnu tlawmpal ah an keiin an kan dawi than. Zero khua ah hin MI nih lunghrinnak an kan ngei i, ralkap hi chonhdawh an si. Mohre kan phan. thil vialte kan thumh dih hnu Camp lei kankal hnu tlawmpal ah khuachung an rak phan ve. Thil kan chiah mi cu an zoh tik ah an lung a hring ngai na in khuami nih Burma lei Hlungmang khuami ta asi an ti hna i, an kal tak than. Ka zawn te ah hin ruah nak tampi a ka pek. Miphun rian ah, Salai Tial Hmung. Crd-Salai Tial Hmung

Zualko: MIpi Kan Ralkap Minung Pa 6 Nak Tlawmlo A Nunnak A Liam E!!

Be the first to comment

Leave a Reply Cancel reply