Nizaan zinglei suimilam 10:00 hrawngah Sagaing ramtthen, Chaung-U pengkulh, Kin Mon Taw khuate pawng ah SAC ralhrang ralkap le Mipi kan ralkap a si mi Chaung-U pengfonh PDF hna karah kahdohnak a chuak i, Chaung-U pengkulh mipi kan ralkap lei in minung pa 3 nih ram le miphun caah an nunnak an peek than tiah theih a si i, Cupinah SAC ralhrang lei nih hriamnam tampi an laak piak chap hna tiah theih a si.
Cun nizaan Sagaing ramtthen , Inntawgone peng , CawngGone khuate, Shwebo-Myitkyina lam ah SAC ralhrang hna nih mipa pakhat cu an dir ter i dohtletnak an tuah timhin a dir duh lo caah SAC ralhrang nih meithal in an kah i a nunnak a liam taih theih a si. A nunnak a liam mi pa sinah cun SAC ralhrang nih kuan le meithal an laak piak chap tiah theih a si.
2022, May thla ni 23 zinglei suimilam 7:00 hrawng ah Sagaing ramtthen, Kalay Myo peng, Ya-Zar-Cuu khaute pawngah mipi kan ralkap CDF Htun Linn Aung cu SAC ralhrang nih an tlaih tiah theih a si.
Ralhrang bawizik Min Aung Hlaing nih tlangcung hriamtlai (EAOs) hna cu daihnak ser ding ah tonbiaruahnak ngeih ding in a sawm hna i, CNF kan pale nihcun an cohlang duh lo. An cohlan duhlonak cu a phun tampi ve ko lai. Ralhrang thil tuah hrimhrim khi maw an cohlan duh hnga lo.
Keimah pumpak ruahnak le hmuhnak ah cun hei cohlan ding si ko lo maw tiah ka ruah. Thein Sein chan ah biaruahnak cu an tuah i, NCA zong ah min an thut ko. Nain an biakamnak a rawh i ral an i tu tthan ko. Cucaah Min Aung Hlaing nih daihnak lam ser ding ah tonbiaruahnak kan ngei hna lai e a timi hi duh ding si ko tiah ka ruah. Biaruah kan in duh hna ti i, hung kan ruah duh hlah ti cu lungthin a nuam lo ngai. Bia cu i ruah i kan duh ning in thil asi lo ahcun lungtlinnak ngeih lo ding si ko. Kan duh si le lungtlin ve ding si ko. Biaruah paoh ah kan lungtling tinak si lem lo cu teh.
Cozah pakhat simi cu hriamnam ngaingai cun tei awk an har. Cucaah kan duhmi policy le uk phung cu chim ve. Panlong hnatlaknak zong i ken ve. An duhnak an chim ve lai. Cu i kan lung ai khah khawh lo le hraimtlaih tthan ding si ko. Cucaah kan ram kong ah bia i ruah hna usih ti i sawm ahcun e i ruah phot ko usih ca ti ding ah ka ruah ko. Keimah pumpak ruahnak sawh. (Lian Cung Cenhrang)
A dikmi lam lei ah fonh a duhmi SAC ralkap le palik hna nih hriamthil he CDM nan tuah ahcun sing 30 laksawng pek leng ah,kan in runven hna lai tiah Shan ramkulh chaklei no.1008 battalion nih May 26 ah an thanh. ”Tuanbia caah ngeihchih a umlonak ding caah caantha hman thiam ” tiah an thanhmi ah cun an langhter. Shan ram um SAC ralkap tampi nih CDM cawlcanghnak tuah a duhmi an um tiah theih a si, hramhram uknak tangah riantuan duhlo mi SAC ralkap zong an um tiah no.1008 battalion nih an chim.
“Cu ruangah kanmah no.1008 battalion sin ah ra uh law kan in huhphenh hna lai. Ramdang kal nan duh zongah mipi nih kan in bawmh hna lai. Nan hriamthil pakhatkhat rak i put uh law a silo ah nan hriamthil chiahnak sakhan meikhangh ti bantuk zong rak tuah ko uh” tiah no.1008 battalion nih an thanhmi ah an langhter. No.1008 battalion cu Shan ramkulh chaklei Phaekhung le Ngawngshwe aa tonnak hmun kahdohnak hna ah dohthlengtu phu hna he i fonh in kahdohnak ah ai tel mi tualchung hriamtlai phu pakhat a si.
Sagaing ramtthen, ChaungOo khuapi in aa thawh mi SAC ralkap 50 hrawng nih an i cit mi SAC ralkap mawtaw 2 cu bomb kan puah hnawh hna caah 29 an thi tiah Farmers Revolution Force, FRF ( CHU) nih nihin May 26 ah cathanh a chuah. Nihin zinglei Sml 8:00 ah ChaungOo khuapi nichuahlei ChaungOo – Minmu lamcung Kwepinkung khua pawng ah cu SAC ralkap mawtaw 2 cu bomb lung 13 ka puah hnawh hna tiah an langhter.
orceSAC ralkap mawtaw 2 cu kan bomb kamhnak hmun an phanhh bak ah kan puahhnawh hna. Meithal in an kan kah ve.ChaungOo khuapi in mizaw phurhnak mawtaw 5 an rak phan i SAC ralkap ruak cu an phurh hna. Kahdohnak cu Farmers Revolution Force FRF ( CHU) ,Chaung U Revolution Army (CRA) Black Eagle Defence Force le Zarmini MMU hna kan i bawm tiah an langhter
Leave a Reply