Mindat peng Irrigation (ဆည်မြောင်း) zung ah rian a ttuanmi U Khaing Nay cu May 20 ah Mindat khua ah thilpuan pawl a rak la i, SAC ralhrang nih meithal in an kah.
U Khaing Nay hi fa 5 a ngeimi a si. Ralhrang nih a ruak lak ding in thawng an thanh nain atu tiang a ruak an la ngam lo. Cred : The Chin Journal
Relchap : India ram Cyclone thlipi ruangah Minung 110 an thi, Tilawng pakhat a pil
May 20 ah khan India ram nichuah lei Bay of Bengal ah Cyclone thlipi a hran than caah Minung 110 an thi tiah theih a si.
Kan hnu May 17 ah Gujarat rili kam ah alut mi Tauktae Cyclone ruangah ruahpi tamtuk in a sur, Inn le vampang hna a cim, thing hna a tlu, Mei hri hna a cat caah India chak lei le thlanglei ah a thi mi hi minung 53 hrong an si tiah theih a si.
Thawngzamtu cheukhat nihcun a thi mi hi 80 hrong a si lai. A thi mi tam deuh Inn le vampang hna a cim ruangah a si. Minung sing 2 hrong cu thlipi a hran hlanah thial an si nain Covid ruangah siizung um mi hna thial cu buainak nganpi a si tiah an chimh.
Mumbai ahcun thlipi ruangah pe 26 hrong a sang mi tilet nih Zinan cawhnak hmun pakhat le Minung 700 hrong a phawr mi Tilawng pakhat ti chungah a pil. A pil mi Tilawng chungin Minung 600 hrong cu India Tilawng ralkap nih an chanh khawh cang nain 38 cu an hmuh khawh rih lo tiah theih a si.
Covid ruangah Nikhat ah Thong 4 renglo hna an thi cuahmah lio ah a tu bantuk Thlipi ruang mipi harsatnak a von chap hi a si.
The Chin Post
Leave a Reply