Zualko : KNU Brigade-1 Commander a nunnak a liam

Karen National Liberation Army (KNU/KNLA), Brigade-1 Dutathu district commander Brig. Saw P’Le (kum 56) cu a thisen san ruangah tuzing August 10 zingah a nunnak a liam tiah KIC nih a tial.

Brig. Saw P’Le hi Tathung peng Mayarkung khua ah a um lio, nizan ah khan a thisen san ruangah a nunnak a liam mi a si.A ruak hi a umnak Tahawthi ah kalpi a si tiah Pha’an peng uk bawi Saw Sandar Thein nih a chim.

Brig. Saw P’Le a tu KNLA vice chief of staff Lt.Gen. Saw Baw Kyaw He he commando training a rak kai ti mi le brigade- 1 ah battalion, tactical commander rian hna a rak tlaih hnuah 2019 ah khan KNLA brigade- 1 commander ah rian khinh a si.KNU central standing committee chungtel pakhat zong a si i,A ruak thlahnak caan hi August 11 ah tuah dingin timhtuah a si tiah brigade-1 tuanvo ngeitu hna sin in theih a si tiah KIC nih a tial.

Atu ah KNU, brigade cheukhat ah Covid zawtnak a karh caah mipi umkal zong khap a si tiah Salween Press nih a chim.

The Chin Post

Be the first to comment

Leave a Reply

Your email address will not be published.


*