Hniarlawn Mino “Salai Mang Lian Sang” SAC Ralhrang nih an Kah
=============================
Nihin July 25, zinglei sml. 11:00 hrawng ah SAC ralhrang nih Hniarlawn khuachung ah Salai Mang Lian Sang (kum 24) cu meithal in an kah caah a nunnak a liam, tiah khua upa sin in thawngpang kan theih.
Hniarlawn khua upa pakhat nih, “Ralkap pawl an rak rat ah khan mucu siangngakchia pawl an zaam kho lai lo tiah va lak hna ding in motorcycle in a vung kal. A kalnak lampi ah ralkap he an i tong i an kah,” tiah The Chin Journal ah a chim.
Salai Mang Lian Sang hi Hniarlawn khua ah an i bochanmi mino pakhat a si i, Hniarlawn Tipil Khrihfabu ah darvuan rian a ttuan liomi zong a si. A ruak cu khuami nih an lak khawh cang. Hakha in SAC ralhrang pawl Hniarlawn khua an panh caah khuami tampi ramlak ah an zaam bang in acheukhat a zaam lomi zong an um ve, tiah a cunglei upa nih a chim chap.
Mang Lian Sang hi an khua Baptist Biakinn hngak rian a ttuanmi a si,a nih hi SAC ralhrang nih an kahnak a ruang fehtermi cu ramlak ah a zaam cang nain ngakchia hna zaam kho lo a va laak nak hna ah uico nih an rak kah hi a si.A ruak zong an laak khawh cang tiah theih a si. Cu pinah SAC Ralhrang nih Hniarlawn khuami ninung pakhat an tlaih chap tiah theih a si.
Zanmang hna a lo ko aw…hi lawmmam…misual…rak um ve hna hi mu.Sual nak ngeilo kan Unau hna hi lu zei zat hme an liam cag lai uico pawl nanmah caan aphan vete hrim la. Pathian zei thawng he kan theih lengmang ko lung hi a fak tuk e. A pio tuk e Maw vaan law ka thin A ho te chung dah si hnga. Khuami nih Bochan tuk mi ka nau pa siang na um lo ee Ka ngeichia tuk ve.
Ngaih chia tuk si ko achung khar pathian nih hnem ko hna seh. Kan khua cia ah anduh poh in an kan thah men. Afak tuk ai e.Maw pathian aw zei can hen kan tuar rih lai..zei sual lo thi sen a luang tuk cg ee celh ding c lo.A Zei le Zei thawng hme kan theih fawn eee maw ka thin eee, Kal tak mi. Bawipa tu nih tuar khawh nak pe ko hna seh.
RIP a poi tuk e. Mino tete hi CDF ah an rel viar cang ko hna hi teh. Ralhrang hi cu e .. thinlung a fak tuk e. Kan dawt kan i bochan mi na kan liam taak taktak ko mu. Nunnak tiang liam ding cun kan rak theih țung lo.RIP.Fa pa te aw nì hin cu kan thin lung a luai dih e na nu le na pale na u le nih zei tin dah an celh ve lai ka ti biak inn I pa thian thang that hla na sak tawnle na aw rau te philh khawh si lai lo e maw ka thin aw.
Apoi ti Leng in chim awk tha lo taantak mi chung khar pathian nih hnemhram hna seh law ka nau mangluan mi upat thiam te aw ngeihchia tuk ee. Maw ka thin aw fa pa te aw. RIP. Aiii ..cuban tuk thawngtheih cu thinlung nih a celh lo ee.An tleih mi zong pa khat a um rih a poi ko.A cu tluk poi cu e maw ka thin aw ka ngeih chia Tuk e.
Lai mino tlangval hna an paam tuk hringhrang cang hna ee. Maw ka thin aw zei tik tiang hen dah kan in tuar rih lai sian lo fapa le aw kan tuar kho lo e. (July ni 25 cu ka ta Aa Sang nih SAC ralhrang kutin a ka liam tak ni a si. Kan philh kho lai lo e Ka Ta AA Sang aw. Van ram tuin rak kan hngak te ko mu. Na zuun kan tuar kho lai lo e. Khuami nih bochan tukmi ka ta Aa sang law. Na liam a tua tuk ngamsam e Ka Ta. Cdr)
Relchap, Democracy Cawlcangtu Thihdan Pek Mi US Embassy Nih Sual A Phawt, Democracy a duhtu hna SAC nih a thahnawn mi hna cu kan cohlang kholo i kan doh tiah US Embassy, Yangon nih cathanh an chuah. ” Ko Jimmy, Ko Phyo Zeya Thaw, Ko Myo Hla Aung, Ko Aung Thura Zaw thahnawn an tonmi kong ah Kawlram mizapi nan ngaihchiatnak kan in hrawmpi hna.
Tantak mi chungkhar, hawikom hna nan ngaihchiat nak kan in tuarpi hna i kan lung a tha lo” tiah US Embassy nih nihin ah cathanh an chuah. Germany Embassy zong nih Democracy pasalțha 4 hna caah Meilul 4 an van i an ngaihchiatnak an langhter ve.
Matupi CDF Le SAC Ralkap An I Kap, SAC Ralkap 5 An Thi, Nihin July 25 chun ah LayMyo tiva hlei kam ah CDF Matupi le SAC ralkap an i kap i kap i SAC ralkap 5 an thi 4 hrawng hliam an tuar tiah Matupi CDF nih cathanh an chuah . Kahdohnak ah Matupi CDF hna cu a hliammi um lo tein hnu kan tolh kho . Matupi CDF cawlcanghnak hmunhma chungah kahdohnak pehzulh in a chuak kho tiah CDF Matupi nih cathanh chung ah an langhter.
Laung Lone Ah Pyosawti Nih Tualchungmi 2 An Thah Hna, Taningtharyi ramțhen, Dawei pengkomh, Laung Lone peng Maungmahkaan (မောင်းမကန်) khua ah tualchungmi 2 cu nihin July 25 zinglei ah pyosawti nih an thah hna tiah Laung Lone peng zatlang bu pakhat sin in theih a si.
Pyosawti nih an thah mi hna 2 cu U Zaw Win (ဦးဇော်ဝင်း) le Daw Pua(ဒေါ်ပွား) an si ,zaan an i hngilh lio ah an inn ah an kah hna tiah tiah theih a si. An thah mi hna hi PDF bawmtu nan si tiah an puh hna i an thah mi hna a si. An inn chung i thil mansung, phone le mawtaw pakhat zong pyosawti nih an fir tiah theih a si.
Cu kah thahnak ah cun palek zong an i tel i tuksapur mi thahnawnnak a si tiah tualchung mi nih an chim. June 16 in July 25 tiang thla 2 chung ah Lung Lone peng ah pyosawti le palek nih an thah mi pa 4 le nu 5, an dih lak 9 an thah cang hna i inn pakhat zong an khangh tiah Lung Lone zatlang uktu phu sin in theih a si.
Shwebo Peng Ah PDF Nih 40mm le Drone In SAC Ralkap 4 An Kahthah Hna. Sagaing ramțhen, Shwebo peng Kaw(ကော) khua ah umhmun a khuarmi SAC ralkap, Palik le PyoSawHtee hna cu July 24 ah tualchung PDF hna nih 40mm bomb in kan kah hna pin ah Drone in bomb kan thlak caah SAC ralkap 4 an thi tiah BLACK WOLF – PDF sin in theih a si.
Kaw Khua ah umhmun a khuar mi SAC ralkap hna cu zinglei Sml 8:45 ah 40 mm bomb in an kah hna i SAC ralkap 4 an thi. Security hngah ding in a ra mi SAC ralkap hna cu Drone in bomb an thlak than hna i a thimi a zat cu fehter kho a si rih lo tiah theih a si.
Cu kahdohnak cu Shwebo PDF Battalion 5, tat-khuai 1 , tat- khuai 2 le BLACK WOLF – PDF hna i bawm in TaUng( တအုံ) khuami 7 cu SAC ralkap le PyoSawHtee nih an tlaih hna i an thah mi teirul chamnak ah an kah mi hna a si tiah theih a si.
Leave a Reply