R.I.P Chin mi hna i kan pa, Rev. Dr. Ral Buai nih tunai te ah kan sian lo tuk buin mual a kan liamtak., Tantakmi chungkhar, Khrihfabu le dawtu hna caah thla campiak cio hna u sih. Vanram nuam ah a kan dintak chung cang!crd-Thawng Tha Thang
Relchap, Sagaing ramṭhen, Kani peng Natkyi(နတ်ကြီး), Wyatha Wya(ရွာသာရွာ) le Watchaung khua hna ah SAC ralkap cu May 19 ah an lut i, inn 200 leng a khangh, tiah tualchung mi hna nih an chim. SAC ralkap pawl cu May 19 zing ah Watkyi khua an khangh i, Wyatha Wya le Watchaung khua hna cu chun hnu sml 1:30 hrawng ah an khangh, tiah theih a si.
“SAC ralkap pawl nih May 19 ah an khangh. Natkyi khua cu a voi hnihnak mei in an khangh, Wyatha Wya le Watchaung khua zong an khangh. Chindwin tiva thluan cu venhimnak kan tuah tiah an ti i, khua khat hnu khua khat mei in an khangh. Tualchung mi cu a thimi le aa hliammi kan um lo, SAC ralkap pawl an rak phanh hlan ah kan zam dih,” tiah tualchung mi pakhat nih a chim. Yesagyo peng Yelay Hkyun(ရေလယ်ကျွန်း) ah May 7 in 18 tiang, khuate 17 chung ah mizapi inn 163 cu SAC ralkap nih an khangh, tiah Yelay Hkyun PDF sin in theih a si. Shwehlan khua telh in khuate 17 cu SAC ralkap nih an khangh caah inn 163 a ciam, tiah Yelay Hkyun PDF nih cathanh an chuah.
Yangon ramṭhen, Thanlin Bo Naga Guerrilla phu in ṭuanvo ngeitu Ko Buti le Guerrilla phu chungtel a hawile 4 cu tlaih an tong, tiah theih a si. May 18 zan ah Thanlin Bo Naga Guerrilla phu in ṭuanvo ngeitu Ko Buti cu, Hlaing Thar Ya ah SAC ralkap nih khual cazin an chek lioah an tlaih. An tlaih hlan zarh ah Buti a nupi le a pi zong SAC ralkap nih an rak tlaih hna, tiah theih a si. Thanlin Bo Naga Guerilla phu in ṭuanvo ngeitu Ko Buti an tlaih a thaizing zan ah chungtel 4 a hawile zong hriamnam he an tlaih ve hna, tiah theih a si.
“Thanlin Bo Naga Guerrilla phu in ṭuanvo ngeitu Ko Buti an tlaih dih in a hawile 4 cu Tamadi lam ah kut cheh bomb lung 9, Pistol zun 3 le kuan 96 he an tlaih hna. Anmah he aa pehtlai mi paoh cu ralring tein nan um a hau,” tiah Thanlin thawngzamhnak nih an langhter.
North Korea ram ah Covid-19 a ngei tiah ruah mi mi minung 261,270 an karh nak kong cu May thla ni 19 tuni ah thawngthanhnak an tuah i, Covid-19 zawtnak a ngei mio hi an za piin minung 2 Million deng an um cang tiah theih a si. Cozah nih covid zawtnak a karhnak kong cu theihternak a tuah hnu ah Covid-19 khamnak sii aa chunh rih lo mi mipi miluu zawtnak a ngei mi zatuak cu zawrter deuh ding in kaa zuam lai tiah thanhnak a tuah tiah theih a si.
North Korea ram ah Virus zawtnak hlethlai test nak thazaang le a dang ngandam zokhenhnak a tlawm tuk ruangah a si tiah theih a si. Cu caah hruaitu Kim Jong-un cungah ramkhel ningah a thi mi theiternak an tuah mi hi a mit hmai an zoh tuk caah a si men lai ti zongin ruah a si. N.Korea ram ah Covid in a nunnak a liam mi minung 63 an si cang nak kong,
Hi a thi mi hi zatuak in tuak ah cun zawtnak a ngei mi he zatuak he cun aa khat lo ngaingai tiah theih a si i Kim Jong-un a mithmai an zoh tuk i, an tih tuk ruangah a thi mi hi an zawr ter deuh mi a si lai tiah zumh a si. A tuah cia mi April thla dih lei in N.Korea ram ah mizaw 1.98 million an umnak kong cu KCNA thwngzamh nih thanhnak a tuah. A tlawmbik in mizawt tiah ruah mi 740,160 cu Quarantine ah a dang tein an chiahnak hna kong zong KCNA nih thanhnak a tuah.
Leave a Reply