Chin State Election Commission member Pu On Khan Kap cu August 5 ah mual a liam, tiah kan theih.
”Amah hi 2020 thimnak a tlamtlin nakding ah a sikhawhtawk in lungtho tein a rak i zuam mi a si,”‘ tiah Sub Election Commission, Chin State nih an langhter. Credit : The Hakha Time
Relchap : Nikkhat chungah Covid -19 mizaw thar 4000 leng a nunnak liam minung 311 an si
Kawlram pumpi ah nikhat chung ah Covid -19 zawtnak ngei mizaw thar 4000 leng an si i a thi mi hi minung 300 leng an si tiah rallokap kuttang ngandamnak lei riantuan hna nih August 4 zaan ah an thanh.
Mahchung ahhin (CDM ) ah a telmi Siizung hna le laboratory inn hna tel lo in rallokap bu kuttang um rallokap siizung hna ah an check mi a si i a dik ning te a si le si lo fiang tein kan thei kho rih lo.
Vuancizung lei nih an thanhnak ahcun a luancia sumilam 24 chungah minung 13474 check an si i zawtnk ngei mi hi 4051 kan hmuh i 30% leng a si .
A luancia suimilam 24 chung ah zawtnak a thian cang caah siizung in a chuak mi minung 4962 an si tiah a thanh.
Mah lengah nikhat chungah a thi mi minung hi 322 an si i an zapi a thi cang mi hi minung 10695 an si cang i zawtnak a ngei mi dihlak minung 315118 an si tiah a thanh.
Kawlram ah a voikhatnak Covid -19 zawtnak hmuh mi cu a luan cia 23 March 2020, ah hmuh a si i January 27 ahvun Asian ram chung ah a voikhatnak bik ah runvenak sii a chun mi ram a si.
Zawtnak a karhchin lengmang caah ramchung fimcawnnak hna le cozah zung hna cu pehzulh in an khar lengah ramchung zawtnak a tambik nak pengkulh hna cu Stay At Home ah chiah an si.
The Chin Post
Leave a Reply