Zualko, 20 May 2022 ah Chinland defense Force-Matupi ralkap tat-yin-3 in kan ram le miphun Fedral Demicracy ngah khawh nak ding caah hramhram in uk nak ala tu ralhrang pawl adoh tu kan ram pasal tha minung pakhat cu ruah lo piin mine (bomb) nih puah hnawh ruangah anunnak aliam tiah kan theih. Rak le miphun caah nunnak pek tiang na tuan mi cung ah na mi phun hawi asi mi nih upat nak sangbik kan in pek. Kal tak mi chungkhar Bawipa nih hnem ko hna seh.
Relchap, Mah tein khuakhan lairelnak nawl kan in pek hna lai sihmanhsehlaw Myanmar ram chungin nan i ṭhen lai lo – Zaw Min Htun SAC nih sawm mi kahdaih biaruahnak ah tlangcung hriamtlai phu pawl nih Kawl ralkap hi ramkhel chungah i tel ti hlah uh tiah an in hal hna ahcun zeitin dah nan leh hna lai timi le tlangcung hriamtlai phu pawl nih a sangbik an in halmi hna hi zeidah a si lai tiah na ruah timi kong he pehtlai in NP News nih Major-General Zaw Min Htun biahalnak an tuahmi asi. Muicawl laknak – NP News
Kawlram ramkhel kong relchap: Ralkap sermi Democracy hi Democracy Diktak asi maw? Democracy’ biafang cu Greek biafang ‘demokratía) in a rami asi i, a sullam cu ‘demo- mipi, kratia-nawlngeihnak’, “Mipi nawlngeihnak or uknak” ti asi. Democracy sullam cu a tak in hmuh khawh nakhnga: zalonnak (Freedom), itluknak (Equality), dinnak (Justice), phung nawlngeihnak (Rule of Law), zalong tein chimrel le ttial khawhnak (Freedom of expression), thimnak ah zalong tein i tel khawh le thimfung (vote) thlak khawhnak etc. hna cu aherh tukmi asi. Cun, democracy cu mi tam hruainak in i uk phung asinain, mi tlawm covo le himnak kha a upat i, a runven chih. Hi thil hna um loin Democracy cu a nung kho lo i, sullam a ngei kho lo.
Ralkap Cozah nih Democracy an timhtuah ning: Ralbawi Than Shwe hruaimi ralkap cozah nih Kawlram democracy caah zulh phung phun 7 an ngei. Cu an zulh phung cu General Khin Ngunt nih August 30, 2003 ah vawleipi theih in a rak thanh. Sikaan a ngeimi “Disciplined Democracy” kan ser lai tiah an ti. Cu zulh phung cu kan tlamtlinh cang tiah Than Shwe nih March 30, 2011, ram nawlngeihnak cu President Thein Sein haohami USDP cozah sinah a pek chanh cang. Zulh phung phun 7 ah pakhatnak i ceihhmainak (National Convention) cu 1993 ah an rak thawk. Ralkap upa, tlangcung upa hna le Suu Kyi hruaimi NLD an rak itel hna. Asinain, zalong tein chimrel khawhnak le, diknak le buaktlaknak aum lo. Ralkap nih anmah duhning in an kalpi caah NLD cu 1995 in an chuak. National Convention cu an kalpi kho tilo. Tikah 1996 in an ngol. 2004 in an thawk tthan. NLD party le tlangcung ramkhelbu hna i tel loin, ralkap duhnak in tuahmi phunghrampi cu 2008 May ah ‘Referendum’ an tuah. Referendum ah mizapi nih mah duhnak cu zalong tein vote pek khawh asi lo. Hramhram in “Yes Vote” thlakter asi. Ram mizapi lungtlinpinak vote (92.4 %) kan hmu tiah thawng an thanh.
NLD nih phunghram (Constitution) zohremh tthan ding, thongthlakmi hna chuah ding, thimnak dik le zalong in tuah khawhnak caah International zohpitu sawm hna dingin Ralkap cozah cu April 29, 2009 ah an hal. Cu an halmi cu UNO le vawleicung cozah US, UK hna zong nih an halmi asi. Asinain, ralkap cozah nih a zul duh lo. Aung San Suu Kyi cu thimnak ah itel kho lo dingin rap an fawih i, inntong ah an tlak tthan. Cu pinah phunghram in an khenkham rih. Cu ruangah NLD nih Election cu lungtlinlonak (Boycott) an tuah. Thimnak cu November 07, 2010 ah an tuah. Election cu, ralkap ttanhmi USDP nih (76.5%) in teinak kan hmu tiah an thanh ?han. Thimnak ah anmah tlin khawhnak caah kum 1993 ah General Than Shwe nih adirh mi USDA cu USDP ah July 6, 2010 an thlen. Hruaitu ah Prime Minister General Thein Sein an chiah i, ralkap bawi tampi an ralkap sinak in an chuak i, USDP an lut. Kawlram uknak cu phunghram ningin ralkap nawlngeihnak tangah um seh ti an saduhthahnak asi ko. Cu an saduhthahnak cu tlamtling tein an tuah khawh cang.
Ralkap Suaimi Democracy uknak phunghram (Constitution): Ram i hruainak a tthatnak le chiatnak cu phunghrampi (Constitution) ah aa hngat bikmi asi. Ralkap cozah nih kum 14 chung rau in a suaimi phunghram cu democracy phung ningin si loin, ralkap nawlngeihnak a pemi uknak phunghrampi tu asi. Cucu faing tein phunghram ah alang. Chapter I (b) ah ralkap cu ram uknak kongah biapi bik in hruaitu asi lai tiah ttial an thawk. Kawlram President cu raltuk lei ah thiamnak a ngeimi asi lai tiah Chapter II Article 59 (b) nih a ttial fawn. Article 361 nih Buddhist biaknak cu Kawlram biaknak lak ah biapi bik ah chiah asi tiah a ttial rih.
Cun National Defense Security Council (NDSC), ah ralkap bawibik kha nawlngeihnak sangbik a pek i, aherh caan poah ah ram nawlngeihnak lak khawhnak nawl pek asi. (Chapter XI, Article 110-114). Cun, ram phunghrampi cu Parliament member chungin 75% nih lungtlin lawng ah remh khawh asi (Chapter XII, Article 436). Thimnak tel loin Parliament le State, Region ah seat 25% cu ralkap vo ah an chiah (Chapter IV, Article 74). Phunghrampi cu remh khawh si hlah seh ti an duhnak asi. Ralkap sermi phunghrampi remh tthan ding cu thilhar tuk asi cang. Cucaah Kawlram democracy cu ram mipi nawlngeihnak democracy si loin, ralkap nih phunghram onh in an nawlngeihnak le pennak fehternak a pemi phunghrampi a si ning kha fiang tein a lang.
Pu Ngun San Aung a umnak theih a siti lo caah chungkhar pawl an lungre thei ngaingai. Amah hi ralhrang phu ttanh tukmi a si caah mipi nih caan rem a um ahcun thah colh ding tiang in timhtuahnak an ngei cang. Tuhi khoi ka a phanh le khoi ka a um tihi theih a siti lo caah cheukhat a chungkhar pawl um awk an thei ti loh. Cun amah hrimhrim nih meithal a tlaih ve caah i ralring ding zong a hau. A tlaunak kong he pehtlai in cheukaht nih cun meeting ah Naypidaw ah a kal i cu nihcun a rak tlung lo an ti. Kalay ah motor in a kal a timi zong an um. Cun tuhi khoi ka a um tihi an theih lo caah a chungkhar pawl ei chunga pil kho ti loh. Nan hmuh ahcun thawngpang kan chim uh tiah an langhter.
Zawng lei in a chuak mi Monkeypox tiah auh mi zawtnak cu Europe ram cheukhat ah zawwtnak a chuak cang i, Britain ram ah Monkeypox zawtnak a ngei mi minung 9 an um cang nak kong cu Britain Mipi Ngandamnak Agency nih thawngthanh theihternak a truah tiah theih a si.
A bik in pa le pa nupa sualnak a tuah ti mi Gay pawl le Homosexuals ( nu le nu, pa le pa) a duh mi nu pa sualnak a tuah ti mi hna sinah mah zaawngin a chuak mi zawtnak hi hmuh a si i, ni zaan zongah minung pahnih mah zawtnak a ngei mi hmuh chap an si tiah theih a si.
Mizawt thar pakhat cu London ah hmuh an si i, a tangmi pakhat mizaw thar cu England nichuah thlang lei ah hmuh a si tiah theih a si. Mah mi zaw thar minung pahnih hna cu zawngin a chuak mi zawtnak a chuahnak ram hna ah khual tlonnak nawl an ngeih lo pinah Britain ah hlan i covid in a zaw mi pawl he zong tonnak nawl an ngei lo tiah theih a si.
Cu ruangah nu dawk pa dawk, nu le nu, pa le pa tiin nupa sualnak tuahti pawl lei in taksa bo, taksa chungah faknak pawl a chuak sual a si ah cun a ran khawh chungin sii i thlop ding, a bik in nu thil a si ah pa thil a si ah a pawngkam hrawng ah hlethlainak tuah ding tiah Britain Mipi Ngandamnak Agency nih thanhnak a tuah tiah theih a si. Crd-Daily Mail
Leave a Reply