Zu Dawr Ṭhumi SAC Ralkap 15 Hrawng Bomb Puahnak In An Thi

Sagaing ramṭhen Monywa, Alung hmunram ShwetawOo(စွယ်တော်ဦး) dawr chung ah June 17 chun sml 12:00 hrawng ah Zikuat raltuknak ṭangṭi phu hna nih bomb lung 2 in SAC ralkap an puahhnawh hna i 15 an thi, tam ngai hliamhma an pu, tiah theih a si.

SAC ralkap le an lei ṭang pawl nih an ṭhut tawnnak zu dawr ah zu an ding i an rit fatin dawr hmai i aa chawk mi hna cu, chekhlatnak an tuah tawn hna.

“A bu bu in zu an ding tawn. Zu an rit tik paoh ah dawrhmai i a kalmi hna cu an duh paoh in License an chek hna. Cu ruangah ṭangṭi phu thum nih bomb lung 2 nih kan cheh hna hna i, an ṭhutnak cabuai tang ah a tla i a puak,” tiah DRPA ṭuanvo ngeitu nih a chim.

Thawng kan theih ning ahcun SAC ralkap le an lei ṭangmi hna telh in 15 cu an thi ko, tam ngai hlaimhma an pu, tiah a chimchap.

Cu kahdohnak ah DRPA၊ Monywa Nigh King le M.A.C.T hna an i bawm. Anmah phu ṭhiamṭhiam nih June 13 zing ah Monywa Htantaw(ထန်းတော) hmun, ShweWaYawng(ရွှေဝါရောင်) lam cung ah SAC ralkap nih hmu hna seh tiah bomb an chiahmi cu fimhlawmnak an tuah lioah a puah caah SAC ralkap 2 an rak thi bal cang.

Be the first to comment

Leave a Reply

Your email address will not be published.


*