Tadim kah doh nak ah ZRA nih ralhrang an bomh hna
========
January ni 22 Kalay myo le Hakhat kar lamthluam ah mipi ralkap le ralhrang karah chun nitlak kahdoh nak a chuak tiah theih a si. Ralhrang lei in Zomi Revolution Army (ZRA) pawl tangin ralhrang an bomh hna tiah CDM-Tayin sin in thawng theih a si.
Hi ralhrang sin lei in attang mi Zomi tapung hna hi ralkap thazaang zakhat hrawng nih cun mipi ralkap mipi hmunhimtu an kah doh hna tiah thawng kan theih.
Ralhrang pawl cu hriamnam ngan pawl an hman hlei ah Helicopter pa hnih in a kah hna tiah thawng kan theih. Mipi ralkap lei hriamnam an tinco lo caah zaan lei suimilam pa nga ah hnu an thawn tthan an kir than tiah theih a si.
Laknak Chin Cable Network Channel.
News Dang, ZRA hmuitinh Kawlram zalon dohthlennak he aa pehtlai lo mi a si. Zomi Revolution Army nih atimh mi, aruah mi ahmuitinh cu Kawlram pumpi zalon thlennak he zei hmanh aapehtlai lo mi aa sai lo mi a si. ZRA nih aa timh mi cu Myanmar Fedaral Democracy he zei hmanh aa peh tlai lo.
Chin ram , Bangaladest Chittagong hmun ram, Maninpur , Mizoram hna he fonh in Zomi ram “Zogam” tiin India ramkomh kut tang ah Zomi ram tiah sersiam a duh mi an si.
Kawram pumpi zalonnak dohthlennak sersiam nak he zei hmanh a sai lo mi, aa pehtlai lo mi phu an si. Hi hi Chinmi kan dih lak in kan i fian a herh. Zomi Revolution Army cu Fipiyin ‘Kachin ram, Kawl ram ah 1993, April thla ah hriamtlai hramm an rak i thawk.
Karbi Anglong ‘Mikir Hills of Assam’ in Zomi Hruaitu Pu K Guit nih Zomi Revolution Army phu hi a rak dirh . Amah cu Maninpur ah athawng bik mi phu pakhat a si ve.
An sining kann zoh tik ah ralhtrang ralkap an doh hna lai ti cu asi lo. Kan mah Chin cia lila an kan do tu an si kho men i kan mah Chin mi lila an kan doh te lai ti cu ruah awk ngai ngai a si. Kan nih Chin mi kan i ralring hna ding cu an mah hi an si ve.
Nai zong ah khan Zomi mipi humhim tu an rak doh cang hna khah. Voikhat lawng si lo voihnih tiang bak an rak doh hna i an thilri chawvo tiang zong tamtuk an rak lak piak hna kha. An lak piak mi hna hi phaisa in kann chim a si ah cun tingzaa leng bak a si .
Kan hnu zerh zongah kan Chin mi ralkap an kah thah piak cang. Thah sual si loin bawh ciam mam bak in an bawh hna i an rak kah kha. Chin mi kan lung arak fak dih kha. A hlei in kan mah Hakha le Thantlang lei kan lung afak tuk khah.
Mah sining an phak hnu an si hnu ah Chinmi nih kan zumh hna lai maw. kan zoh sawh sawh ko hna lai dah. An nih cu Chin ah aum duh lo mi an si, Zomi ram, Zogam ti lawng in apom mi an si. An dirh hnawh chanh mi phu zong a si.
Cu caah an si le an ruah ning le an i timhmi an zoh tik ah zeitin na ruah ve. Na ruah nak atang ah comment ah rak tial ve.
Leave a Reply