ZRA nih PDF Camp an hrawhpiak cikcek hna va si kaw atu cu ZRA pa PDF kut cung ah a um cang An tuh bangin an zun

Na Tuh Bangin Na Zun Lai! ZRA (EC) nih PDF Zoland Camp cu voihnih khengte an rak kah bal i, an hrawh cikcek. Culawng si loin an hriamnam an laakpiak dih hna pin ah an riahcaw zong an rak khangh dih. Cu hnu ah ZRA EC t’hiamt’hiam nih CDF – Hualngoram Camp zong an rak hrawhpiak hna i,

CDF Hualngoram ralkap zong aa hliammi an um tiah theih a rak si. Atang lei Hmanthlak hi ZRA EC chungtel Saya Moses KT a si ti a si. Nizan naite November 29 ahkhan Taingen khua (Tedim peng) ah PDF Zoland asiloah pakhat khat hriamtlai buu nih an tlaih tiah theih a si. Atutiang an thlah rih lo.

ZRA nih PDF Camp an hrawhpiak cikcek hna va si kaw, atu cu ZRA pa PDF kut cung ah a um cang. An tuh bangin an zun!! Mah nih a fiantermi cu Dictatorship idea ngei hlah usih. Kan peng chung ah Hriamtlai phu khat lawng um seh ti riangmang i, phu dang dirh sianh lo tibantuk hi ZRA lungput Dictatorship cu a si i, ZRA bantukin nan tuhmi nan zun ve te kho men. Warning: Online media nih website ah taar lo ding.

Sagaing ramtthen, Minkin peng, Phet Khat timi khua pawng ah nizan November ni 30, kum 2021 ah khan a chuakmi Min Aung Hlaing ralhraang pawl le PDF kar kahdohnak ah ralhraang bawi (Bothum) pakhat a thi, PDF kut in thimi ralhraang bawi hi Khant Zaw Lat si i Helicopter in a ruak an phurh hnu ah tuni December ni 1, kum 2021 ah Monywa ralhraang pawl vuinak thlaan ah an vui.

Nizan November ni 30, kum 2021 ah Minkin peng Phet Khat khua pawng ah chuakmi kahdohnak ah hin ralhraang bawi bothum pakhat telh in ralhraang pa 8 bak an thi, bothum pa Khant Zaw Lat ruak cu Helicopter in an phurh nain a dang pawl ruak hi zei tin dah an tuah hna ti theih si lo. Ralhraang bawi Khant Zaw Lat ruak vuinak cu tuni December ni 1, kum 2021 zanlei suimilam 3:00PM ah khan ralhraang pawl phumnak thlaan ah an vui bantuk in

Ralhraang bawi cheukhat Helicopter in an vun ra ve hna, ralhraang bawi Khant Zaw Lat hi Monywa khuami si i a nupi hi Monywa University ah ca chim tu sayama a si. Sagaing ramtthen, Minkin peng ah nizan November ni 30 kahdohnak ah hin ralhraang lei in pa 8 an thih lawng si loin a dang 12 hna zong hliamhma an pu rih, PDF lei in cun hliamhma pumi le a thimi an um le um lo zei hmanh an thanhmi um lo.

Be the first to comment

Leave a Reply

Your email address will not be published.


*