Zelensiky Nih Putin Biahal Nak A Tuah
Ukraine kahdohnak cu kan i timh lamh ningin tlamtling tein a kal kho ko tiah Russia president Putin nih a chim mi cu Ukraine president Zelensky nih ” Russia ralkap pawl tambik an thihnak timhlamh nak pakhat cu Putin nih zeibantuk timhlamhnak ruahnak a ngei hnga tiah” Zelensky nih Putin cu biahal nak a tuah.
Russia nih Ukraine kahdoh ding in timhtuah nak a ngai mi cu zeipaoh tlam a tling ko tiah Putin nih a chim dih hnu ah Ukraine ram chungah kahdohnak le ralkap thazaang pehtlai in kan chap than nih ko lai tiah Putin nih a cchim tiah theih asi.
Myanmar ram chungah sahrang pawl tel in phung ning loin tlaihkhih mi pawl cu daihter, thlah hna dingin American le India nih theihternak bia an chim. A luan ciami ah khan Washington DC ah tuah mi American ramkhel vuanci Antony Blinken le India hmunhimnak vuanci he ramkhel vuanci pawl bon biaruahnak an ngeih hnu ah mah ti in an chim hi a si.
Tuni kawl titoih puai ni zingka tuan deuh hrawngah Tanhlin pengkulh chung ah a um mi KBZ bank pakhat cu bomb puah a tong tiah khuami nih an chimnak in thawng theih a si. Mah bomb puahnak hi tuni April 13 zinglei suyimilam 5:30 hrawngah Yangon ramthen, Tanhlin pengkulh chungah ah a um mi KBZ bank bomb puah a ton hi a si.
Ramkhel Thongtla Ko Kya Poh Cu SAC Nih Bomb Puahhnawh In An Thah, Shan ramkulh , Danu hmunhma ,Ywa Ngan peng Ywamah sang ah an tlaih mi ramkhel thongtla Ko Kya Poh (ကိုကျားပေါက်) cu SAC ralkap nih bomb puahhnawh in an thah tiah tualchung mi hna sin in theih a si. Ko Kya Poh hi Ywa Ngan(ရွာငံ) khuapi Hmyokone(မြိုကုန်း) sang ah a ummi a si i kan hnu thla ah khan SAC nih an tlaih,
A inn cu SAC nih tawh an hrenh piak i SAC ralkap nih umhmun khuarnak ah an hman. A inn chung ah an hren peng, an tlaih nak hi a sau pah cang i a inn ah bomb an hmanh i an puah hnawh tiah theih a si. Ya Ne(ရနဲ) khuakomh Minpalawng(မင်းပလောင်) khua zong ah April 11 ah rallam hmun 2 ah an sial i PDF pawl an kawl hna. Zaan ah Minpalawng khuachung ah mino 10 nak tlawm lo an tlaih hna i an kal pi hna tiah theih a si.
Pauk Peng Tatkecin Khua Le Kinemah Khua SAC Nih An Khangh, Magway ramthen, Pauk peng nitlak thlanglei ah ummi Tatkecin (သက္ကယ်ကျင်း) khua le Kinemah (ကိုင်းမ) khua cu nihin (April 13) zing Sml 9 hrawng ah SAC ralkap nih an khangh i tiah khua mi nih an chim. Tatkecin khua a kang mi hi inn zeizat a si cu fiang in kan thei kho rih lo tiah Poh peng mipi veng tu ralkap phu nih thawng an thanh.
” Pauk peng Tatkecin khua cu Tasu(တစူး) Kinemah(ကိုင်းမ) in a ra mi SAC ralkap nih an khangh, Khua nichuahlei in an khangh hmasa tiah kan theih. Sunghmi thilri kong ah fiang in kan thei kho rih lo,” tiah Pauk Alliance Group nih thawng an thanh. Cun April 13 zing Sml 6:49 ah Magway ramthen Pauk peng thlanglei Letpanhla(လက်ပံလှ) khua cu SAC ralkap nih a voi 2 nak an khangh tthan, Khuachung ah umhmunkhuar mi SAC ralkap nih nifatin in inn an kangh i a tu hi a voi 2 nak an khangh a si tiah theih a si.
Leave a Reply