Hi biahalnak hi na ruat ve tawn maw? Kei cu ka ruat tawn lengmang. Ka lung chungin Pathian biahalnak ka tuah tawn. Hi biahalnak he a ralkhah nain aa lo ngaimi biahalnak ve cu “Ziah! Pathian nih miṭha hna cungah thli ṭhalo a tlunter hnga?” ti asi. Hi thil hi nifatin kan nun lamtluan ah ṭhen kho loin a kalṭimi le a um zungzalmi an si. Kanmah lawng siloin Salm 73 ṭialtu “Asaph” le Profet Habakkuk hna zong nih an rak ton i Pathian sinah biahalnak le Pathian sinah chalhnak an rak tuah tawn ve.
Salm 73 ṭialtu Asaph nih, “𝗦𝗶𝗵𝗺𝗮𝗻𝗵𝘀𝗲𝗵𝗹𝗮𝘄 𝗸𝗲𝗶 𝗰𝘂 𝗸𝗮 𝗿𝗮𝗸 𝘁𝗹𝘂 𝗱𝗲𝗻𝗴𝗺𝗮𝗻𝗴, 𝗸𝗮 𝗿𝗮𝗸 𝗻𝗮𝗹 𝗱𝗲𝗻𝗴𝗺𝗮𝗻𝗴; 𝘇𝗲𝗶𝗰𝗮𝗵𝘁𝗶𝗮𝗵 𝗺𝗶𝘁̣𝗵𝗮𝗹𝗼 𝗵𝗻𝗮 𝗮𝗻 𝗵𝘂𝗻𝗰𝗵𝗼 𝗸𝗵𝗮 𝗸𝗮 𝗵𝗺𝘂𝗵 𝗶 𝗮𝗻 𝗶 𝗽𝗼𝗿𝗵𝗹𝗮𝘄𝘁 𝗸𝗵𝗮 𝗸𝗮 𝘁𝗵𝗲𝗶𝗵 𝘁𝗶𝗸𝗮𝗵 𝗰𝘂 𝗻𝗶𝗵 𝗰𝘂𝗻 𝗸𝗮 𝗻𝗮𝗵 𝗮 𝗸𝗮 𝗰𝗵𝘂𝗮𝗵𝘁𝗲𝗿,” tiah a ṭial. Asaph cu “Choir Team” hruaitu a rak si. A rum lo nain Pathian biakinn ah a nun pekin Pathian thangṭhat zungzaltu a rak si (1 Chanrelnak 25). Asinain, kanmah cio bang, harnak tampi a rak ton. Dinlonak phun phun a hmuh. A pawng lam ah duhduh mama in khuasa mi le Pathian zeiah a rel lomi minung hna kha an rum, khuaawng an tong, an rank sang, i nun nuam in an um a hmuh hna tikah a hnachuah hna. Cucaah, Pathian sinah biahalnak a tuah venak asi.
Salm 73:4-5 “𝗔𝗻𝗻𝗶𝗵 𝗰𝘂 𝗳𝗮𝗵𝗻𝗮𝗸 𝘇𝗲𝗶𝗵𝗺𝗮𝗻𝗵 𝗮𝗻 𝗶𝗻𝗴 𝗹𝗼, 𝗮𝗻 𝗻𝗴𝗮𝗻 𝗮 𝗱𝗮𝗺 𝗶 𝗮𝗻 𝘁̣𝗵𝗮𝘄𝗻𝗴. 𝗠𝗶𝗱𝗮𝗻𝗴 𝗯𝗮𝗻𝘁𝘂𝗸𝗶𝗻 𝗵𝗮𝗿𝗻𝗮𝗸 𝘇𝗲𝗶𝗵𝗺𝗮𝗻𝗵 𝗮𝗻 𝘁𝗼𝗻𝗴 𝗹𝗼, 𝗺𝗶𝗱𝗮𝗻𝗴 𝗯𝗮𝗻𝘁𝘂𝗸𝗶𝗻 𝘁𝗲𝗺𝗵𝗶𝗻𝗻𝗮𝗸 𝘇𝗲𝗶𝗵𝗺𝗮𝗻𝗵 𝗮𝗻 𝗵𝗺𝘂 𝗹𝗼,” tiah a ti. Nihin zumtu kan lamthluan zongah “𝑨𝒔𝒂𝒑𝒉 𝒍𝒆 𝑷𝒓𝒐𝒇𝒆𝒕 𝑯𝒂𝒃𝒂𝒌𝒌𝒖𝒌” dirhmun i kan dir caan tampi lai. A caan ahcun kan pawng ummi Pathian zumlotu hna hi an ngandam deuh, an ṭhawng deuh, an rum deuh, thil an ti kho deuh tawn. Rianṭha an ṭuan, an thlahlawh zong sang deuh. An thuamthil zong ṭha deuh pinah an innlo zong ṭha deuh. Atu Kawlram boruak le bang cu achia chinchin. Zumtu tampi, thlacam zungzal mi, innlo ngei loin kan zaam.
Ei awk ngei lo, rawlṭaam tihal in khua kan sa hna. Pathian a nihsawh i zeirello tu nih an kan ṭhio. Innlo an kan chuh, an kan duahpiak.
Zeitindah hi bantuk thil hi a cang khawh? Hi vialte ruah tikah a dingmi Pathian hi a um taktak hnga lo maw? ti ruah a fawite. Asinain, Asaph nih ṭha tein khua a ruah ṭhan tikah Pathian thangṭhat loin a um kho lo. Zeicatiah, hi vawlei rumnak cu chikhat ca lawng an si a fiang. Asinain, anih cu zungzal a hmun i zeizong vialte sertu a ngei, a hon fiang. Cucaah, a pawngkam ummi Pathian nehsawh mi hna an inuamhnak le an rumnak kha a hngar ti hna lo.
Kan pawngkam zumlotu nih thli ṭha an hmuh tikah kan thachiat awk asi lo. Zeizong vialte sertu Pathian lawng kha kan zoh awk le kan ihmaithlak deuh awk asi. Zeicatiah, kannih Fapa Jesuh Khrih thawngin a dong kho ti lomi zungzal hnangamnak, rumnak le lawmhnak ngeitu le tingcotu kan si. A tling lo ngai buin….. Crd-Henry Nawlthangbik Hlawnceu
A dikmi lam lei ah fonh a duhmi SAC ralkap le palik hna nih hriamthil he CDM nan tuah ahcun sing 30 laksawng pek leng ah,kan in runven hna lai tiah Shan ramkulh chaklei no.1008 battalion nih May 26 ah an thanh. ”Tuanbia caah ngeihchih a umlonak ding caah caantha hman thiam ” tiah an thanhmi ah cun an langhter. Shan ram um SAC ralkap tampi nih CDM cawlcanghnak tuah a duhmi an um tiah theih a si, hramhram uknak tangah riantuan duhlo mi SAC ralkap zong an um tiah no.1008 battalion nih an chim.
“Cu ruangah kanmah no.1008 battalion sin ah ra uh law kan in huhphenh hna lai. Ramdang kal nan duh zongah mipi nih kan in bawmh hna lai. Nan hriamthil pakhatkhat rak i put uh law a silo ah nan hriamthil chiahnak sakhan meikhangh ti bantuk zong rak tuah ko uh” tiah no.1008 battalion nih an thanhmi ah an langhter. No.1008 battalion cu Shan ramkulh chaklei Phaekhung le Ngawngshwe aa tonnak hmun kahdohnak hna ah dohthlengtu phu hna he i fonh in kahdohnak ah ai tel mi tualchung hriamtlai phu pakhat a si.
TaiNgen Khuapawng Ah SAC Ralkap Motor 10 In SAC Ralkap An Tthumh Hna, Kalaymyo in SAC ralkap motor 10 cu May 26, chun suimilam 12:00 hrawngah Chin ram lei ah an kai i Taingen khua phak hlan Mualpi khuapawng ah ralkap hna cu an chiah ta hna i, suimilam pakhat tluk hrawng a rauh hnu ah SAC ralkap motor hna cu a lawng in Kalay lei ah an kir tthan tiah tualchung mi nih an chim. SAC ralkap hna cu ke in ramtang lei ah rallam an sial tiah Zalen nih a tial.
SAC ralhrang he kahdohnak ni 10 chungah SAC ralhrang minung 30 hrawng an nunnak a liam i, Shan mipi vunventu lei in minung pa 4 nih ram le miphun caah an nunnak an peek nak kong cu Shan chak lei 1008 tatyin nih May thla ni 25 ah thanhnak a tuah. SAC ralhrang ralkap le a kuttang a si mi PNO phu fonh he Shan chak lei mipi runventu ralkap hna cu May thla ni 15 thawkin kahdohnak a chuak tiah theih a si.
Ni 10 chung kahdohnak he pehtlai in Shan chak lei phu 1008 tatyin pakhat a si mi nih kahdohnak theihter nak a tuah i mipi lei nih bomhnak peek ding zongin theihternak an tuah tiah theih a si. ” Ni 10 chung kahdohnak chungah SAC ralhrang leiin minung 30 nak tlawmlo an nunnak a liam i, kan mah lei 1008 tatyin lei in minung pakhat, Phekhung PDF in minung pa 2,
KNDF BO-3 in minung pakhat an zaapiin minung pathum nih ram le miphun caah an nunnak an peek. Ram caah a nunnak an peek mi ralkap pawl cu chungkhat ngaihchuatpinak kan hrawm ve hna i, ukpatnak sang bik kan peek hna. Phekhung nichuah lei ah a um mi ralzaam minung 10000 leng caah zongah bomhhal kan duh hna tiah.” mipi ralkap in minung pakhat nih a chim.
Shan ramkulh chaklei Phaekhung(ဖယ်ခုံ) peng nichuahlei Similawh(ဆီးမီးလော့) khua thlanglei SAC ralkap sakhan cu Karenni ralkap phufonh nih May 24 zinglei ah kan lakkhawh tiah Phaekhung PDF battalion 2 nih an chim. May 24, zinglei suimilam 4:00 hrawngah SAC ralkap sakhan cu Karenni ralkap phufonh nih luhhnawh in kan lak, SAC ralkap cu hnu an tolh tiah Phaekhung peng PDF battalion 2 in chim phuannak nawlngeitu pakhat nih RFA ah a chim.
Phaekhung peng nichuahlei SAC ralkap sakhan cu KNDF battalion 2,3,11,14 le KA, SSRY, Phaekhung PDF battalion 2 phufonh nih ni 10 chung kan kah hna, Cu kahdohnak chungah cun SAC ralkap 30 an thi, KNDF battalion 03 in ralkap pakhat, Phaekhung battalion 2 in pakhat tiin tualchung ralkap phu lei in minung 2 an nunnak a liam tiah KNDF Battalion 03 nih May 24 ah an thanh.
Leave a Reply