Zaw Min Htun, PDF Le CDM Pawl Cu Kan Cohlang Dih Ko Hna Nain?

Mithat Lo PDF Le CDM Cu Kan Cohlang Hrimhrim Ko Hna By Zaw Min Htun

SAC ralhrang aiawh in thawngthanhtu Zaw Min Htun nih PDF le CDM chungin sualnak angei lo mi hna cu kan cohlang than ko hna. Mithat tuk le lainawung PDF le CDM cu kan cohlang hna lo tiah a chim.

“Phung hram a buartu le mithattu PDF le CDM ti dah lo cu luatnak nawl kan pek hna lai i kan cohlang tthan ko hna lai. Mithat le lainawng cu kan cohlang kho hna lai lo. Mithah lainawng pawl cu kan mah lei nih zei hmanh kan tuah piak khawh mi hna an um lo i Upadi ning in zei hmanh kan tuah piak kho hna lai lo.

Mithat tu le lainawng nih cun an tuah bangin an zuun lai, an tuah man cu an mah lila nih an tuar lai ti khi si ko. Zapi lei zong in mi athat i a himnak hnga ding caah a tli mi PDF le CDM pawl an si lai lo” tiah a chim. Zaw Min Htun nih nizaan ah thawngzamh thianhlimnak ah a tu bantuk in a chim mi hi a si.

” Zeitin kan chim zongah mino pawl cu an lung khong tuk i, Mino pawl ram le miphun he aa pehtlai mi a si ah cun hinak tam deuh in tuah piak kan duh hna. Mino pawl cu upa pawl nak in an lung khong deuh i an thinlung a thawng tuk. Mino pawl nih cun mah thinlung hmang in duh lonak ramkhel dohthlennak an tuah” ti zong in a chim.

An duh lonak pawl cu langh ter in a si kho lomi kha a si khawh chungin tuah in ramlak ah a vak vai mi zong an um.” tiah Zaw Min Htun nih a chim. Mah kong he pehtlai in hlan deuh khan biaphun a phunphun ruangah ram chung, ramleng a phan mi lei zongin ram chungah rak kir dih tthan ding in auh a si i, Myanmar nih angeih mi thawngzamh ah SAC ralhrang nih  langhter leng mang a rak si.

Ukraine Ram Bantuk In Myanmar Zong Vawlei Pi Nih Bawmh Ve Ding A si

Ukraine ram Russia nih a tukmi a rannak in ngolcolh ding ah UN General Assembly ah ram 80 leng i lungtlinpinak he Ukraine nih nawlnak a tuahmi biakhiahnak cu Myanmar ram telh in ram 140 nih lungtlinpinak an ngeih i a dohkalh tu ram 5 an um i China le India telh in vote a pe lo mi ram 38 an um tiah theih a si.
Permanent Representative of Myanmar to the United Nations U Kyaw Moe Tun nih 2022, March 24 zinglei ah tuahmi UN General Assembly ah Ukraine ram cung a cangmi kong emergency biaruahnak ah biachimnak a ngei, Myanmar ram zong nih lungtlinpinak kan ngei tiah a langhter pin ah Myanmar ram kong ah ramkip nih thazaang pek in bawmhcio ding ah nawlnak a tuah.
Ukraine ram kong UN General Assembly biakhiahnak ah ramchung mipi hna le an umnak inn buildings pin ah Humanitarians hna le sii lei riantuantu hna, thawnglatu hna runvennak tuah ding in nawlnak an tuahchih.Cu biakhiahnak tuahmi cu Russia, Belarus,Eritrea, North Korea le Syria ram 5 nih dohkalhnak an tuah i, Russia representative nih cun biakhiahnak tuahmi kongah nitlaklei ram hna cu stress an pek hna tiah an puh hna.American UN ambassador Linda Thomas-Greenfield nih cun Ukraine ram tuk a tonnak kongah Russia nih tuanvo a ngei tiah Russia cu sual a phawt.

KNLA Phu Fonh Nih Ralhrang Sakhan An Lak Piak Tthan

KNU Bridage -6 hmunhma, Dupalaya (ဒူးပလာယာ)pengkomh Wolay(ဝေါ်လေ) peng then ah ummi Htekapalay(ထီးကပလယ်) SAC ralkap sakhan cu KNLA phufonh nih March 25 zing Sml 6 ah luhhnawh i SAC lei nih vanlawng in a kah hna caah hnu an tolh than tiah Karen thawng zamh nih a langhter.
SAC ralkap sakhan hi KNLA batallion 103, KNDO, DKBA i bawm in an dohmi hna a si tiah theih a si. An doh hna lio ahhin 40mm, 60mm kuan cheukhat an lak khawh i kaphnih in a thi le aa hliam mi fiang tein theih khawh a si rih lo.
March 21 zong ah Wolay peng then, Mawkhi(မောခီး) SAC ralkap sakhan cu KNLA, KNDO, DKBA, PDF phufonh nih an doh i SAC ralkap pakhat a nung in an tlaih pin ah Ralkap tam pi nih an sakhan an zaam tak i KNLA phufonh hna nih hriamthil tampi an rak lak.

Be the first to comment

Leave a Reply

Your email address will not be published.


*