Zaw Min Htun, ICJ Nih SAC Ralhrang Cozah An Kan Cohlang
===========================
ICJ biachahnak cu SAC ralhrang lei nih “ICJ biachahnak cu vawleicung ram pumpi biaceih ningah Kawlram cozah i a umtu dirhmun cu an ka cohlang tinak a si” tiah SAC ralhrang in chimnawl ngeitu Zaw Min Htun nih tualchung thawngzamh ah a chim. “UN ah a biapi bikin an dirh mi phu pa 6 a um. Cu chungah ICJ zong a tel. ICJ ti dah lo cun a tang mi phu hna cu Kawlram Cozah dirhmun sining kong he pehtlai in dawh cah lo ngain riantuan mi zong a um. A tu ah ICJ nih Kawlram cozah palai cohlan taunvo an laak mi hi,
Vawleicung ram pumpi huapin Upadi ningah Myanmar cozah i a dirhmun sining cu an kan cohlang tiin kan pom (ICJ nih Kawlram cozah SAC ralhrang an kan cohlang tiah a chim duhnak).” tiah Zaw Min Htun nih a c him. Rakhine ram thlang lei Rohingya cungah cihmit tiin Gambia ram nih ICJ ah Myanmar taza a cuai nak cungah biaceih zung nih cohlang a tlak lomi kong he pehtlai in SAC ralhrang lei nih biatung pa li an chuah pi i, Cu biatung pali an chuahpi cu Biaceihzung nih an hnawn piak dih hna tiah theih a si.
“Vawleicung ram pumpi uapdi timi cu ramchung upadi bantuk in pohma tibantuk in biatung chuahpi a si lo. ICJ nih biachahnak an tuah mi cu zeibantuk cungah dah a um ti a si ah cun, “mifim mithiam hna nih an chimphuan mi cu nawl cunhgah biachahnak an tuah. Cu biachahnak cu Kawlram cungah thatnak a chuahpi lai tiah ka chim duh.
A tuabnatuk in biachahnak an ngeih mi hi timhlamhnak an rak ngeih cia mi a si cuh. Vawleicung ram pumpi hna sinah a phan dih mi a si. Kan mah lei nih hmaifong in vawleicun rampi uapdi he aa khat in fak tein taunvo kan laak peng ko lai. ICJ lei zong in vawleicung pumpi hna cu,
A bikin i tlaih mi biachahnak a ngeimi phu an si caah Vawleicung upadi biaceihzung ah a dik mi biatung kan chuah pi kho ko lai tiah zumhnak tampi kan ngei ti zongin Zaw Min Htun nih a chim chap. Nizaan SAC ralhrang lei nih an chuahpi mi biafung cu ICJ nih an hnawn piak dih hna hnu ah biazeihzung lei zong nih cu a hmuh cu theihter hlethlainak nawl negih a si timi biachahnak zong biaceihbawi minung 15 nih hnatlak nak an ngei tiah theih a si.
Relchap, Dalaan Minung Pa 6 Thah An Tong, Sagaing ramthen, YeOo penghkulh, Mung Tan pawngah dalaan mipa pakhat cu ho te an sitimi theih lo mi hna nih a luu le a kukee tem dih in taksapur in in an thah tiah theih a si. Cu bantuk thiamthiam in YeOo pengkulh ah dalaan Ma Htwe Htwe (21) nu ho an si timi theih lo mi hna nih taksapur in an thah tiah theih a si.
YeSaKyi pengkulh, ZiGone khuate ah dalaan U Aung Pyi timi pa pakhat cu ho an si ti theih lo mi nih taksapur in an thah tiah theih a si. Cu bantuk thiamthiam in Wetlet pengkulh, TaKhuaTaw khuate ah a um mi dalaan U Taung Htay cu ho an si ti theih lo mi nih tasapur in an thah tiah theih a si.
Sagaing ramthen, SaTaung khuapi, YwaWay sang, ThanTaungGoneYet ah a um mi dalaan nuva U Kyaw An Win le an nu Daw San Hmua cu ho an si ti theih lomi nih taksapur in an thah hna tiah theih a si. Shwebo penghlulh, Kyauk Myiang khuapi, Ung Pao khuate pawngah bomb lomh sual ruanagh mipi minung pa 2 an nunnak a liam i minung pa 1 nih hliam a tuar tiah theih a si.
Daw Aung San Suu Kyi Cu A Zualhma Tuk Tiah An Chim, SAC ralhrang nih Daw Aung San Suu Kyi an chiahnak inn ah thlalaangawngka pa 6 a um i pa 3 cu an phihkham dih tiah theih a si. Mi hmu tu pakhat nih a chimnak ah cun, ” A mah nih cun a sining kong a chim lai lo. A sinain harnak a tong mi a hartuk mi a lo.
Ei le din ti rawl lei zong in, A ei duh mi a ei peng kho lai ti a lawh, Punghman tein rawl a ei mi mui a keng lo. Khua caan nih le a kik. Lungretheih zong in a khat, phihkhamnak kong tam pi a tuar caah a der tuk. A lengah humh ton mi bantuk a si ti lo. Lungrawk khi a si cang.” tiah a chim.
Mihmu tu nih an chim ning ah cun Daw Aung San Suu Kyi cu thonginn chungah liam dawh a si an ti. A um ning le a taksa a muihmai zohtikah a der tuk cang i hmunton mi bantuk kha a si ti lo tiah an chim. Daw Aung San Suu Kyi a dam nak hnga ding le thonginn chungin a chuah khawh nak hnga ding caah thlacaam bom ko hna usih.
Min Aung Hliang Nih ASEAN SPecial Palai Biakamnak A Peek, Daw Aung San Suu Kyi he kan ton ter hna lai tiah SAC ralhrang lutlai Min Aung Hlaing nih ASEAN Special Envoy Palai a si mi Prak Sokhonn cu biakam a peek tiah theih a si. Kawlram kongkau ah ASEAN Special Envoy, Cambodia ramdang vuanci Prak Sokhonn nih a chim mi cu hmathlak in Cambodia hrambunh Phnom Penh thawngzamh nih a langhter.
ASEAN Special Envoy Prak Sokhonn cu a luan ciami ah a voi hnih nak Kawlram a khualtlawnnak ah ASEAN zulhphung phun 5 thanchoh ternak telin le SAC ralhrang lutlai Min Aung Hlaing telin phu chuntel hna he ceihhmainak an ngei tiah theih a si. ASEAN Special Envoy a si mi, Cambodia ramdang vuanci cu a voi hnih nak tiang kawlram khualtlawn ah Daw Aung San Suu Kyi he ton dingah a hal lo hna nain SAC ralhrang lei nih an rak tonter duh lio a chim mi bia cu an rak hnawn piak theih a si.
Daw Aung San Suu Kyi cu ASEAN Special Envoy a si mi, Cambodia ramdang vuanci Prak Sokhonn nih Kawlram buainak kongkau ah a biapi bikmi minung pakhat a si tiah a hmuh ruangah le a mah he ceihmai nak ngeih ding le tonbiaruahnak ngeih ding timi zong a rak chim tiah theih a si.
Leave a Reply