October thla chungah Magway, Sagaing le chin ramkulh lak dih an timh timi bia a lengmi kha a hmaan ko ti a fiang. Kan theih cio bangin Chin ramkulh ah ralhrang mawtaw tampi an kai. Ralhrang hna nih cun lampi ah an duh paoh in meithal an kah an puah ruangah Kalay-Hakha lampi kam ah a ummi Zawlnu khua baptist pastor pa lo ah rian a tuanmi kum 15 ngakchia cu a khuk ah kuanfang nih a khen. Varung kha pawng zongah lamchak le lamthlang i chawlbuk a that deuhnak paoh cu hriamngan he hriam hme he an kah len tiah Zalen nih cun a tial.
The Irrawaddy nih cun “Nawlngeihnak lakmi duh loin hriamtlaih in dohnak tuahtu Magway, Sagaing le Chin ramkulh hna cu October laifang hrawngin biatak tein kah dingin timhtuahnak a ngei. Cu kahdohnak ah cun (Tay Za Kyaw) le ramchung vuancizung vuanci changtu, Than Hlaing) nih an hruai lai” tiah a tial. Cucaah Chin ramkulh ah kahdohnak mei a alh thluamah cang lai ti a lang. A hlan nakin mipi kan i ralrin deuh a hau. Pathian nih kan miphun ralkap CNA / CDF hna hmangin teinak kan pe hram ko seh!
Lumbang Khua Sianginn ah SAC Ralhrang pawl Hmun an Khuar — SAC ralhrang motor a tlawm bik 55 hrawng cu Falam peng, Vaar phak hlan Lumbang khua sianginn ah hmun an khuar, tiah CHRO nih a langhter. Nihin zaanlei sml. 5:30 hrawng ah Lumbang ah an phan i motor 9 hi Kalay lei ah an kir tthan. An lawng in maw an kir timi bel fiang in kan thei kho lo.
“Ralkap in a zaammi hna nih an chim ning ah aralaimi ni tlawmpal chung ah CNF Headquarters fak piin doh ding in timtuahnak an ngei,” tiah CHRO thawngthanhnak nih a langhter. [English] At least 55 truckloads of junta soldiers have arrived at Lumbang Village and are camping at a #highschool inside the village as detailed battle plans smuggled by defectors show the junta is planning to launch massive ground assaults against CNF Hrqrs in the coming days. – CHRO
Leave a Reply