Nihin Kahdohnak ah Min Aung Hlaing Lei 15 hrawng an thi

Magway ramthen, Kyaw in Gangaw lei ah cycle he a kalmi ralhrang phu hna cu November 24, zinglei suimilam 8:30 ah Pung-ngia tumnak ah Yaw hmunhma mi zapi vengtu ralkap YDF nih an kah hna caah ralhrang minung 10 hrawng an thi, hliamhma fak tuar mi zong an um tiah YDF nih cathanh an chuah.

YDF lei hliamtuar um lo in hnu an tolh kho, November 15 ni thok in ralhrang he kaphnih kar kahdohnak nitin in a fah caah mipi hna nih kahdoh a chuahnak hmunhma pawngah umkal lo ding in YDF nih cathanh an chuah. Khit Thit Media Theihternak : The Chin Post

Magwe ramthen, Myaing peng ah November 24 zing sml 10:00 ah Zinan phor motor 5 caah security a zul mi ralhrang motor run cu mizapi vengtu ralkap hna nih Rocket cheh in bomb an puahhnawh hna, motor pakhat arawk dih cikcek i motor cung um ralhrang 3 nak thlawm lo an thi, ahliam mi an gam tiah kan theih.

Cun Myaing PDF nih Zung (2) tatsuh – hmu Bo Moe Kaa phu hna cu November 22 zanlei sml 2:30 hrawngah Myaing – Lin Ka Taw lam um Lin Ka Taw palek sakhan bawi nupa an i cit mi ralhrang motor cu bomb (6) in an puah hna caah Lin Ka Taw palek sakhan hmu nupa cu fak taktak in an hliam tiah kan theih. Khit Thit Media

Mandalay no.41 lam, Mukawng zaandawr pawng ah thil a cawmi ralhrang phu motor pakhat cu bomb cheh an ton caah ralhrang minung 2 an thi, minung 3 nih fakngai in hliam an tuar. Cu thilcang kong ah GZP(Mandalay) mi zapi vengtu phu nih tuahmi a si tiah an mah phu nih an langhter.

Bomb a puah caah ralhrang minung 1 a thi colh, hliamtuar dang an um rih lai. Cun ralhrang phu hna nih dawr chung an duhnak hmun poh meithal in an kah caah mipi lei kuanhliam tuar zong an um” tiah a hmutu khuami pakhat nih a chim. Ralhrang phu nih n duhnak hmun poh meithal an kah caah nu pakhat a hngawng ah kuan nih a hliamh,

Cun a dang nu pakhat zong kuan nih a hliamh tiah khuami hna nih an chim. Cu kahdohnak ah cun ralhrang lei in minung 2 an thi, minung 3 nih fakngai in hliamhma an tuar cun ralhrang motor pawngah a ummi mipi lei minung 1 zong hliam a tuar.

Ralhrang phu nih an duhnak hmunpoh meithal an kah caah mipi lei in hliamtuar 2 an u i mipi le hliamtuar dihlak hi minung 3 hna cu kan ngaithiam hram ko uh tiah Generation Z Power(Mandalay) phu nih cathanh an chuak. The Chin Post

Champions league, group stage puai 5nak an chuih. Puai hmasa bik ah Ukrainian club Dynamo Kyiv cu Germany club ngan Bayern Munich nih 2-1 in an tei hna. Spanish club Villarreal nih an innpi ah English club Manchester United an rak don ve hna.

Innleng Manchester United nih puai dongh lai ah Cristiano Ronaldo le Jadon Sancho goal in 2-0 in an tei hna. Manchester United hi An manager Ole Gunnar Solkjaer an phuah hnu puai hmasa bik ah Michael Carrick hruainak in round of 16 an lut.

Puai dang ah English premier league hruaitu Chelsea nih Italy club ngan Juventus cu 4-0 in an rak phomh hna lio ah Spanish club ngan Barcelona nih Portuguese club Benfica lakah teinak an hmu kho lo. Goal um lo in puai dongh ah an i thlah.

Tuzan aa celh rih dingmi ah English club Manchester City le Messi umnak PSG, Liverpool le Porto, Sheriff le Real Madrid lengah club dangdang hna an um rih. Theihternak ,The Chin Post

Be the first to comment

Leave a Reply

Your email address will not be published.


*