Breaking News: Hakha Khuathar Pu Mang Cin cu a umnak inn ah Zahan ah khan meithal in an kah i a nunnak a liam. Anih hi ralkap he an i hawikom tiah an puh i miphun ralkap nih voikhat warning an pek bal cang ti a si.Nain, a fapa upabik zong CNA ah a lut vemi cu a si. A chungkhar le hawikom nih cun dalan a si hrimhrim lo tiah an chim. Tuanvo ngeitu nih fianternak an tuah te ko lai dah
Si kho sehlaw dalan tiah zumhmi an um sual ahcun thah hram hlah u(ralkap asi lomi thah phung a si lo). Tlaih in raltuk a dih hlan tiang sakhan ah chiah ko u law miphun caah a tha bik ko hnga. Credit: Lungthli Tum – Cun Zahan zaan 8:00PM hrawng ah Hakha, Nazareth Sang ah Ralkap an i chawk, mi pakhat an velh, Meithal an puah November 10, zaan 8:00 PM hrawng a,.
Ralkap nih Nazareth Sang ah khual cazin an check tiin theih asi. “Minung pakhat zawng an velh. Inn zawng an bauh. Ralkap zawng an tam ngai. Meithal voi nga hrawng an puah an i hrocer” tiin khuami pakhat nih The Chin Post ah a chim. November 9 Zaan zawng ah Cherry lam Chak hrawng le Hermon sang cheukhat ah Ralhrang nih Khual cazin an check tiin theih asi.
Chin ramkulh ah November 1 thokin Tidim, Tonzang, Paletwa le Matupi peng chung ahcun sianginn 199 an on hna tiah Chin ramkulh fimcawnnak lei zungpi sinin theih asi. Tonzang peng chungah basic sianginn 98 an um hna i, an dihlak in an on dih cang tiah theih a si. Pengkip i sianginn on thannak cazin ningin Tidim peng chungin sianginn 19, Tonzang peng chungin sianginn 98, Paletwa peng chungin siangin 81,
Matupi peng chungin sianginn 1, a dihlak fonh ah sianginn 199 on an si than cang tiah theih a si. Covid zawtnak a karh tuk ruangah Hakha peng le Falam peng ahcun sianginn on rih lo dingin ralhrangbu nih nawl a chuah. Cu kong he pehtlai in PDF Zoland nih Chin ramkulh hmun cheukhat ahcun hramhram in sianginn on ter an si i, November 2 ah ralrinnak kan pek hna. Non-CDM sayate nih bawmhnak tlamtling an hmuh ruangah hmun cheukhat ahcun sianginn an on caah kan ngaih a chia taktak.
Kan ram i sianginn hna ahcun buainak kan pek hna lai lo i, an nunnak le ngeihchiah chawva sunghzatlaknak an ton tikah, 100% in ralhrang tuahmi a si lai tiah ralrinnak kan pek cang hna tiah November 8 ah khan cathanh an chuah. Paletwa khuapi sianginn ah November 5 zinglei ah kut in sermi bomb an hmuh ruangah khuami nulepa cu thinphang in an um. Zalen Post
Leave a Reply