Ywaman Peng Kahdohnak Ah YPDF Ah Minung Pa 5 Nih Ram Le Miphun Caah An Nunnak An Peek Than!!
Danu mah tei n iuk khuakhan leirel khawhnak hmunhma, Ywaman pengah SAC ralhrang ralkap le Ywaman mipi humhimtu ralkap karah kahdohnak a chuak i, YPDF in minung pa 5 an nunnak a liamnak kong cu Tuni April ni 30 ah Ywaman-YPDF nih cathanh a chuah. Ywaman peng, Dehlu khua le Taung Oo khua karlak ah a luan cia mi April ni 15 ah kap hnih in kahdohnak a chuah i, YPDF pawl hnu lei an kir than lio ah hriamnam ngan in SAC ralhrang nih an kahdoh hna caah YPDF in minung pa 5 an nunnak a liam i, minung pakhat nih hliam a tuar tiah theih a si.
YPDF lei in kuan le zen tlinco ruang le hriamnam aa khat lo ruangah, SAC ralhrang lei nih pehzulh dinhlo in hriamnamm ngan in an kah doh caah hnu lei ah an kir than nak a si i, kap hnih kahdohnak ah SAC ralhrang lei in ralkap nawl ngeitu tel in minung pa 10 nak tlawmlo an nunnak a liam nak kong cu YPDF nih cathanh a chuah.
A nunnak mipi ralkap lei in ram le miphun caah a nunnak a pee mi chungkhar pawl he nan ngeih kan i chiat pi ve hna, A zung zal in Pasalttha miralttha nan si i, ukpat nak an peek nak hna kong le internet line a that lo caah a tu lawng ah thawng an thanh nak kong cu cathanh ah an langhter chih.
Relchap, Miynmu Peng Kahdohnak ah SAC Ralkap 30 Hrawng An thi, 20 Leng Hliam An Tuar, Miynmu(မြင်းမူ) peng chung kahdohnak ah SAC ralkap 30 hrawng an thi i, 20 leng hliamhma fak ngai an tuar, tiah GTR – MMU nih April 30 ah cathanh an chuah. Nizan April 29 ah Minmu peng Htisaung-Ayataw(ထီးဆောင်း-အရာတော်) lampi ah SAC ralkap 40 hrawng mawṭaw ke 12 ngei in rallam an sial lioah an i kah hi a si.
GTR MMU၊ Myin Mu Defence Force -MMDF ၊ ZERO Minchan, Minchan peng Battalion (6)- Company (1) Heros, Minchan peng Battalion(6)-Company(2) Five Stars hna nih RPG le hriamhme he an kah hna i, sml 2 chung hrawng an i kap, tiah theih a si. Cu kahdohnak ah SAC ralkap 30 hrawng an thi i 20 leng nih hliamhma an tuar. Zero Guerrilla in an hruaitu chang pakhat a nunnak liam. A dang phu leiin 2 hliamhma an pu, tiah theih a si.
SAC ralkap cu Kantaw(ကန်တော်) khua ah an lut i hmunli ah an i ṭhen hnu ah khuachung inn an khangh caah inn 600 leng a ciam. Khuami 4 an thi i 2 cu an i kalpi hna, tiah GTR – MMU nih an thanh.
Leave a Reply