Akong: YLCF Thlacamnak Hmun (Prayer Garden) Cawknak Caah Bawmh Halnak!
==============================
YLCF nih Yangon khuapi ah Khrihfa vialte nih zalong tein kan hman khawh dingmi thlacamnak tlang (Prayer Garden & Mountain) ngei kho usih law tiah saduh thahnak le timhtuahnak lianpi kan ngei. Kan Lai miphun hna Thlarau lei in kan i thanghnak hmun, unau pakhat bantukin hruaitu pakhat le pakhat, pastor pakhat le pakhat thazaang kan laknak hmun, ram le miphun caah thil lianngan kan tuah khawh nakhnga Pathian sinah thla kan camnak hmun a si lai tiah ruahchannak kan ngei.
Thlarau lei lawng hmanh si loin taksa lei zong in Lai miphun kan cawlcanghnak le thanchonak caah kan herh tukmi Lai miphun aiawhtu le a hmun zungzal dingmi Thlacamnak hmun (Prayer Garder & Mountain) cu lamnai deuh ngai a simi Hmawbi ah Acres 5 tluk cawk dingin timhtuahnak le thlacamnak kan ngei.
Cucaah hi timhlamhnak tlam a tlin khawh naklai Khrih ah dawtmi Laimi vialte thluachuah i ham cio dingin kan in sawm hna. Na thinlung dihlak pinah na chawva hrimhrim in na kan bawmhchanh naklai Khrih min in kan in sawm. Khrih le miphun caah, Rev.Dr. Peter Ngun Za Cung, General Secretary , YLCF.
Sayama Sarah Tin Man Sung -10,000,000, Kan Nu, Nun Lian Nu Le Pa – 10,000,000, Sayakyi Rocky Chan Thawng le Sayama Rosy – 5,000,000, Rev.Neih Chum le Sayama Ruth Bawi Hnem 3,000,000, Pu Chawn Ceu le Pi Rachel- 2,000,000, Pi Hniang Bor – 500,000, Rev.Dr.Herbert Tum Ceu 2,000,000. Yangon Thlacamnak hmun cawknak caah Sayamah Ngun Sui nih ks.100,000 a kan hlut.
Lai Mi Thlacamnak Hmun ( Prayer Garden ) caah Peter Ngun Za Cung Family nih 2,000,000 ( Ting kul ) an hlut.Dr. Sui Hingz ( Hingz Bawi Nu Le Pa ) nih Lai Mi Prayer Garden vawlei cawknak caah 5,000,000 ( Ting Sawmnga) Kyats an hlut.Laimi nih kan tuah dingmi Thlacamnak Tlang (Prayer Garden & Mountain) hmun cawknak caah Rev. Dr. Ca Hngak te innchungkhar nih phaisa 500,000 an hlutnak in thluachuahnak an i ham.
Sayamah Nu Nu Way nih Lai Mi Thlacamnak Hmun (Prayer Garden ) caah 1500,000 ( Ting Hleinga)* Kyats a hlut. Rev.Dr. Paul Ceu Family nih Yangon Laimi Thlacamnak Hmun (Prayer Garden ) caah 500,000 Kyat an hlut. Rev. Dr. Timothy Sui Lian Mang Family nih Lai Mi Thlacamnak Hmun caah 2,000,000 ( Tingkul) an hlut.
Tleicia Rev.Dr. Peter Za Hlun Thang a Thaisung le fa le nih Lai Mi Thlacamnak Hmun caah 3,000,000 ( Tingsawmthum) an hlut.Lai Mi Thlacamnak Hmun caah Daisy Htwe Family nih 500,000 ( Tingnga) an hlut.Lai Mi Thlacamnak Hmun caah Lai Mi Kan nu kan Pa Chungkhar Pakhat nih 4,000,000 ( Tingsawmli) kyats an hlut.
Lai Mi Thlacamnak Hmun caah Chungkhar pakhat nih 700,000 ( Tingsarih) an hlut.Lai Mi Thlacamnak Hmun caah Rev.Dr. Abraham Ngun Mang Chungkhar nih 200,000 ( Tinghnih) an hlut chung. Lai Mi Thlacamnak Hmun caah Kan hnu kum i a kan liam tak mi Kan Nu Bawi Hnem Nu i a Fanu Pi Ngun Neih Sung nih 200,000 ( Tinghnih) an hlut.
Lai Mi Thlacamnak Hmun caah Rev.Elijah Van Ceu nih 500000 ( Tingnga) a hlut.Lai Mi Thlacamnak Hmun caah Pu Thawng Hlei Cung Family (Pa Lung) nih 500000 ( Tingnga) an hlut.Rev. Dr. David Ngun Peng Lian chungkhar nih Lai Mi Thlacamnak Hmun caah 1,000,000( Tinghra) an hlut.
Pu Tlung Uk Chungkhar ( Hakha Mann Car Gate ) nih Lai Mi Thlacamnak Hmun caah 5,000,000 ( Tingsawmnga) an hlut.Lai Mi Thlacamnak Hmun caah Rev. Amos Thang Chin Chungkhar nih 500000( Tinngnga) an hlut.Lai Mi Thlacamnak Hmun caah Rev. Ceu Lian Thang Chungkhar nih 300000( Tingthum) an hlut.Lai Mi Thlacamnak Hmun caah Rev. Philip BLM Chungkhar nih 1,000,000( Tinghra) an hlut.
Lai Mi Thlacamnak Hmun caah Tleicia Pu Hram Hlei ( YLCF Vice Chairman ) ian nu Pi Cia Tial Chungkhar nih 500000( Tinngnga) an hlut.An riantuannak ah Bawipa nih Thlua chuahnak pe chin ko hna seh. Lai Mi Thlacamnak Hmun caah Tleicia Rev.Dr Hre Ling ( YLCF Treasurer ) i an nu Sayama Iang Hi Chungkhar nih 500000( Tinngnga) an hlut.An riantuannak an ministry ah Bawipa nih Thlua chuahnak pe chin ko hna seh.
Lai Mi Thlacamnak Hmun caah Yangon Khuasa Chungkhar pakhat nih 3,000,000( Tingsawmthum) an hlut*.An riantuannak ah Bawipa nih Thlua chuahnak pe chin ko hna seh.Lai Mi Thlacamnak Hmun caah. Sayama Tial Awi Chungkhar nih 300000( Tingthum) an hlut*.An riantuannak ah Bawipa nih Thlua chuahnak pe chin ko hna seh.
Lai Mi Thlacamnak Hmun caah Yangon khuasa Sayama pakhat nih 500,000( tingnga) a hlut. An riantuannak ah Bawipa nih thluachuahnak pe chin ko hna seh. Kan Miphun le kan ram a damnak ding caah le thlarau revival a tlak khawh nak lai, rawl ulh thlacamnak hmun kan herh tuk. Kan miphun damnak ding caah kan ti khawhtawk lam cio in i bawm hna in lungrual tein tuanti hna u sih tiah Khrih min in kan in sawm.
Hi phaisa bomhnak a chuah mi ka hun langhter mi hi a zaa piin Kawlram tangka in 53,600,000 ks (53.6 Million) a chuak cang i, hi hi an mah page ah an hunlanghtermi khawmhsuam mi theih khawh mi zah a si caah hinak in a tam deuh lho. “Lai Mi Thlacamnak Hmun , (Acres 5 tluk ) Tuni ah Advance Ting 370 kyat pek asi cang. Hallelujah! Aza te Ting 1200 kan herh mi chungin Ting 500 a lut cang.
Ting 700 ai duh rih. September thla dih hlan ah pek dih ding asi. Nan Thlacamnak le nan chawva he kan dirpi ding ah Khrih min in kan in sawm.” tiah Yangon Lai Christain Fellowship nih August ni nih phaisa an peek cang mi zah an hun langhter. Crd-Yangon Lai Christain Fellowship. ( A tha tuk ko nain, A tu lio ah Hi bomhalnak kong ah soisel an tong pah ngai, a ruang cu kan ram ah mpi hitluk in harsa kan tam pinah zalzaam zong kan tam , kan miphun zalonnak ca’h le, kan biaknak zalonnak ca’h ah an nunnak thap mi kan ralkap bomh an hau lio ah te hna bia a leng. Hi thil hih cu kan ram a that khawh in tuah te hnga ding te hna in an chim).
.
Tuni ah a hlutchat mi pawl; Rev.Than Siang & Evan Ram Tang nih Lai Mi Thlacamnak Hmun caah 1,000,000 ( Tinghra) an hlut.Rev. Lian Sa Vung Chungkhar nih Lai Mi Thlacamnak Hmun caah 1,200,000 ( Tinghleihnih) an hlut. Rev. Van Pum Chungkhar nih Lai Mi Thlacamnak Hmun caah 300000 ( Tingthum) an hlut. Rev. Dr. Moses Cung Ceu Chungkhar nih Lai Mi Thlacamnak Hmun caah 100000 ( Tingkhat ) an hlut.Rev. Dr. John Siam Lian Chungkhar nih Lai Mi Thlacamnak Hmun caah 500000 ( Tingnga ) an hlut.Rev. Dr. Joney Thawng Hup Chungkhar nih Lai Mi Thlacamnak Hmun caah 1,000,000 ( Tinghra) an hlut.
Relchap, Dawai Nichuah Lei Ah Fak Ngai In Kahdohnak A Chuak, SAC Ralkap 20 Hrawng An Thi! Tanintharyi ramṭhen, Dawei peng nichuah lei Tingantune(သင်္ကန်းတုံး) khua le Kyaukmaytaung (ကျောက်မဲတောင်) khua kar ah chunnitlak tluk kahdohnak a chuak i, cu kahdohnak ah cun SAC ralkap lei 20 hrawng an thi, tiah theih a si. Nihin September 2, zinglei ah Laitkyaypyaung (လိပ်ကြယ်ပြောင်) lei in SAC ralkap 100 leng le Kyaukmaetaung (ကျောက်မဲတောင်) in ralkap 80 leng cu tualchung hriamtlai phufonh nih kan kah hna, tiah hriamtlai phu chungtel pakhat nih a chim.
“Nihin kahdohnak cu a fak ngai, zaan tiang ah an ngil rih lo. Hriamngan an thlahmi hi lung 100 hrawng a si, chunnitlak hriamngan le meithal puah thawng a dai lo,” tiah a chim. SAC ralkap nih hriamngan pehtlai in an kah caah Wahkune(ဝကုန်း) khuachung inn hna cu an rawk, tiah theih a si.
Kani Peng le Myaung Peng Chung Ah SAC Ralkap nih Tualchungmi 7 An Thah Hna! Sagaing ramṭhen, Kani peng le Myaung peng chung ah tualchungmi 7 cu SAC ralkap nih an tlaih hna i, an thah hna hnu ah an ruak cu an hlonh hna, tiah tualchungmi hna sin in theih a si. Sagaing ramṭhen Kani peng Ohnpinseik(အုန်းပင်ဆိပ်ရွာ) khuami SAC ralkap nih an thahmi ruak pahnih cu nihin September ni 2 ah kan hmuh, tiah tualchungmi hna nih an chim. Thah a tongmi 2 ruak hi Ohnpinseik khua pawng leikuang kam tiva pakhat ah hmuh an si i an muihmai a rawh dih cang caah mizei an si ti cu theih an si rih lo.
An takpum cu hliamhma lawngte in a khat, an hngawng ah namte hliamhma a um i an lu ah meithal kahnak hliamhma he tiva ah an hlonh hna, tiah tualchungmi nih cun an chim chap. Ohnpinseik khua ah hin a luancia August 30 in SAC ralkap an lut i umhmun an khuarnak nithum hnu, nihin September 2 ah atu bantuk in tualchung mi nih mi ruak cu an hmuh hna. Cu bantuk ṭhiam in, Sagaing ramṭhen Myaung peng Kin(ကင်း) khua, Zeekyun (ဇီးကျွန်းရွာ )khua le Thanatkone(သနပ် ကုန်း) khuami 5 hna zong SAC ralkap nih September 1 le 2 ah an thah hna, tiah theih a si.
Kin khua ah cun Kyaukyit (ကျောက်ရစ်) palik sakhan in SAC ralkap cu nihin September 2 ah an rak lut i, tualchungmi hna cu a himnak ah kan zaam dih, U Htun Hla le U Htun Nine tu cu an tlaih hna i an thah hna, tiah tualchungmi nih cun an chim. SAC ralkap nih U Htun Hla cu meithal in an kah i a thi colh, U Htun Naing tu cu an hrem hnu ah an thah, tiah theih a si. Myaung peng chung ah hin September 1 zong ah SAC hriamngan kahnak in tualchungmi 3 an thi i, 6 hliam an tuar, tiah theih a si.
KNU Hmunram, Hpapun Pengkomh SAC Ralkap Sakhan Cu KNU Brigade 5 Nih An Laak, KNU hmunram, Hpapun pengkomh chung SAC ralkap sakhan pakhat cu KNLA brigade 5 nih kan lak khawh, tiah KNU nih an thanh. Hpapun pengkomh SAC ralkap sakhan cu September 2 zinglei ah kan kah i, kan lak khawh. SAC ralkap lei a thimi le hliamhma tuar an um, tiah ṭuanvo ngeitu nih an chim.
“SAC ralkap sakhan cu nihin zinglei ah kan lak i, a thimi le hliamhna tuarmi zong an um, meithal zun 8 le hriamngan zong kan lak khawh,” tiah KNU in ṭuanvo ngeitu nih cun a thanh. A luancia August 22 zong ahkhan Hpapun pengkomh Dwailoe(ဒွယ်လိုး) peng SAC ralkap ramri hngak an umnak Bawkyunhta(ဘော့ကျုံထာ့) sakhan cu brigade 5 nih an rak lak. Cu lio ah cun BGF ralkap 4 an thi i 2 hliamhma an tuar, hriamnam zeimawzat zong kan lak khawh, tiah brigade 5 nih cathanh an rak chuah.
Hpruso-Demoso Lampi Kahdohnak Ah SAC Ralkap Lei Sniper Tlaitu 6 Telh in Ralkap 60 Leng An Thi, Karenni ramkulh, Hpruso-Demoso lampi ni 15 chung kahdohnak ah SAC ralkap lei ralbawi telh in minung 60 leng an thi, tiah Central Special Operation nih cathanh an chuah. August 16 in August 31 tiang Hpruso-Demoso lampi cung ah rallam a sialtu SAC ralkap hna cu tualchung hriamtlai phufonh a simi Central Special Operations Sniper Group, KNDF Sniper, Central region 1101, KA phufonh hna nih an kahdoh hna. Cu kahdohnak chung ah cun SAC ralkap lei ralbawi pakhat le sniper tlaitu minung 6 telh in SAC ralkap 61 an thi, tiah an thanhmi ah an langhter.
Hpruso le Demoso pengchung ah SAC ralkap nih minung thazaang tampi hmang in hmunhma lak khawh an i zuam caah, tualchung hriamtlai phufonh hna i bawm in kan kahdoh hna, tiah tualchung hriamtlai phu chungtel pakhat nih media ah a chim.
Kahdohnak chung ah tualchung hriamtlai phufonh lei hliamtuarnak cu a um lo nain sniper kuan kan herh, tiah Central Division Special Operations Group nih an chim. Atu ah an hmanmi sniper kuan pakhat hi Ks. 75,000 hrawng a rak si tawn nain, thil man a kai tuk caah atu ah cun kuan pakhat ah Ks. 120,000 a phan cang, tiah theih a si.
Sagaing Ramṭhen, Myinmu Peng Ah Pyusawhti 3 Cu PDF Nih An Thah Hna: Sagaing ramṭhen, Myinmu peng ah SAC ralkap he i fonh in tualchung mi hna cung ah sualnak a tuahtu Pyusawhti chungtel 3 cu PDF nih an thah hna, tiah tualchung media nih an langhter.
Nizaan September 1, zaan lei ah Myinmu pengchung ah SAC ralkap hna he i fonh in tualchung mipi innlo thilri a hrawktu pyusawhti 3 cu tualchung hriamtlai phufonh nih an thah hna. Cu pyusawhti hna sin cun kutser meithal pakhat le zeidang thilri zong kan lak, tiah Nway Oo Takhon PDF nih cathanh an chuah.
Cu thilcang kong he pehtlai in Nway Oo Takhon PDF phu chungtel pakhat nih, “Tualchung hriamtlai phuthum fonh nih pyusawhti 4 kan tlaih hna nain pakhat cu a luat. Meithal pakhat le zeidang thilri kan lak. Cu pyusawhti hna cu Myinmu khuachung ah cawlcanghnak a tuahmi an si. SAC ralkap sin ah thawng a petu an si i, rallam an sial tik ah lam an hmuhsak hna, mipi umnak innlo a hrawktu zong an si,” tiah a chim.
Tuah Rih Ahcun Fakpi in Dantatnak Kan Tuah Lai!, North Korea nih Nuclear hneksaknak a tuah than rih a si ahcun US, South Korea le Japan nih a hlan bantuk si lo in a fakbik lehrulhnak kan tuah lai, tiah S.Korea National Security Office Director Kim Sung-han nih a chim.
US National Security Advisor Jake Sullivan, Japan National Security Advisor Akiba Takeo le S.Korea National Security Office Director Kim Sung-han hna Honolulu ah tonnak a ngeih dih hnu ah N. Korea nih voi 6 Nuclear hneksaknak a tuah cang i a dang hneksaknak a tuah rih si cun kan zoh sawh ti lai lo a fak bik lehrulhnak tuah ding in ramthum kan hnatlak mi a si, tiah,a chim chap. N. Korea nih a voi 7 nak nuclear hneksaknak tuah aa tim, tiah US le S. Korea hruaitu hna nih cun an chim. 2017 ah khan N. Korea nih a voi 6 nak nuclear hneksaknak cu a rak tuah.
Leave a Reply