Yinmarpin Ah Ralhrang Le Mipi Hmun Him Tu Kar Ah Kahdohnak Fak Piin A Chuak

Sagaing Ah Kahdohnak Fak Piin A Chuak.
==============

Yinmarpin peng ah ralhrang le People Defense Force fawh mi phu le Ralhrang kar ah kahdohnak fak pi an chuah ralkap tam pi an nunnak aliam.

Sagaing ramkulh, Yinmarpin khuapi ah ralhrang le People Defense Force fawh mi phu kar ah January ni 7 ah nikhat chung deng fak tuk in an i kap ii ralhrang ralkap tam pi an thi tiah People Defense Force sin in kan theih.

Mah kahdohnak ah Myowaama People Defense Force le Hero Tiger tel in, Pengkomh unau phu he an nih bawm ii ralhrang cu an kah hna tiah kan theih.

Ralhrang ralkap lei in Moywa , Yinmar Pin,Pale motor lam dih lak cu ralkap thazang tam pi an hmang in an kal hnawh hna caah kahdohnak a chuah hi si tiah kan theih.

People Defense Force fawnh mi phu peng pakhat nih an i kah nak ah an tei deuh hna ii bawm le a dang hriamnam in an kah hna caah ralhrang lei in an ralkap tam pi an thih ban tuk in hliam a tuar mi zawng an um rih ko tiah kan theih.

Mah hlei ah Yamapin khualipi thlang lei Kaungsit khua mi alung tlamtling lo mi pa pakhat cu fak tuk in an thah ii minung um nak inn ah an chiah i mei in an khangh tiah khua mi nih an chimh.

Nihin kahdohnak ah cun People Defense Force ii fawnh mi phu lei in an nunnak aliam mi an um lo ban tuk in Yinmar Pin khuapi ah cun kahdohnak a fak ngai ngai rih ko tiah mipi ralkap sin in thawng kan theih

Videos Zoh Nak https://fb.watch/ao0ISgiagl/

Be the first to comment

Leave a Reply

Your email address will not be published.


*