Yangon Khuapi Ah Kahdohnak A Zual Lai Tiah Thawng An Thanh

Yangon Khuapi Ah Kahdohnak A Zual Lai Tiah Thawng An Thanh Nain Amah Ning A Si
================
Yangon Khualipi Chungah Kahdohnak A Zual Cang Lai Tiah Chim A Si Nain Minung Tlungkalmi Anmah Ning An Si!
Yangon khuapi chung zongah nawlngeihnak latu ralhrang ralkap kahdohnak caan hi fak taktakin kan hun tuah thok cang lai tiah thawng thanhnak a um nain mipi hna cu a hlan bantuk tein tlungkalmi an tam thiamthiam rih tiah thawng theih a si.

Kawl Miphun hriamtlaitu phu nih Yangon khuapi chung zongah nawlngeihnak latu ralhrang ralkap kahdohnak caan hi fak taktakin kan hun thok cang lai caah mipi lei zong nih a herh tuk lemlo ahcun innleng ah chuahvah lo dingin le nan tlunkal tikah ralring tein tlungkal cio u tiah January 11 ah khan cathanh an chuah hi a si.

Mipi hna nih SAC ralhrang ralkap pawl umnak hmunhma ahcun chuahvah lo dingin hrial i zuam u law,ralhrang ralkap hna zong nih mipi lakah an phak tik zongah a si khawh chungin zaam takin kaltak u tiah cathanh an chuahmi ahcun an langhter chih.

Cupinah lengah nan hmuhmi thil fummi tibantuk nan hmuh ahcun tongh hrimhrim hlah u, tiah ralrin peknak cathanh an chuahmi ahcun an langhter chih.

Ralhrang ralkap hna umnak hmunah kahdohnak kan tuah lioah mipi hna nan um ruangah kahdohnak tuah loin kan um caan a tampi tiah Kawl Miphun hrialmtlaitu phu hruaitu pakhat nih a chim.

Kawl Miphun hriamtlaitu phu cathanh chuahmi tangah tuan a herhmi le tuah hnga dingmi cu tuah in tuan ko u, tiah Yangon mipi hna nih an forhmi zong hmuh a si.

Ref: People’s Spring