Yangon In Kalay Myo A Kal Moi Hight Class  Motor Cu PDF Hna Nih An Kahdoph!

No photo description available.

Nizaan suimilam 5:00 hrawngah Wetlet peng chung ah a um mi Hla Taw khua luhnak Shwebo- Madalay motor lam cungah Yangon in Kalay myo lei ah a kal mi Hight Class  motor cu mipi kan ralkap PDF hna nih bomb in an kahdoh i, Hight Class  motor a thlalaang pawl a kuai hrawh dih pin ah motor chungcuang khualtlawng minung pahnih hliam an tuar tiah theih a si, a thhi mi cu an um hrawlo tiah theih a si.

No photo description available.

Relchap, Innsein kahdohnak ah No. 1,Chin Battalion Commander a uktu Lieutenant Colonel Hrang Ṭhio a ruh cu, nihin May 21 ah Falam Khua Zalai sang ah a chungkhar nih an ṭhial. An vuinak thlan cu a rawh dih cang caah a ruh an ṭhialnak a si, tiah theih a si. Lieutenant Colonel Hrang Ṭhio cu 1949 August 8 ah Innsein kahdohnak a tei in Hmawbi peng lei tiang Karen ral a rak tuk.

Hmawbi peng Hlapada an camp pawng ah Karen ralkap nih a tanpawr ah an kah i Yangon, Mingladone ralkap sii-inn ah an chiah nain a dam khawh lo caah a nunnak a rak liam. Prime Minister U Nu nih le Cozah upa hna nih cozah thlanmual ah vui an timh ko nain, a chungkhar nih an rak duh lo caah Yangon in Kalaymyo tiang Vanlawng in a ruak cu an phurh i, amah chuahkhehnak Laizo ah an rak vui. Lieutenant Colonel Hrang Ṭhio cu Chin ralkap paral ṭha le ral tei pengmi a si. A ruak cu Ne Win hmanh nih upatnak a rak pekmi(Salute) a si

Chin Relief Committee In Mizoram (CRCM) Nih Ambulance An Cawk Mi Pathian Sin Pekchanh Thlacamnak Tuah, Mizoram Khualipi Aizawl ah hrambunh in Chin miphun caah si khawhtawk in a cawlcang mi ” Chin Relief Committee in Mizoram (CRCM) nih Chin mizapi hna nih Vaurawng Zulthil sin in pekchanh mi in Chin ralkap hliamtuar hna phurhtlunhnak caah Mizaw phurhnak mawtaw (Ambulance) an cawk mi cu Nihin May 21 chunhnu slm 2:00 ah CRCM Office ah Pathian sin lunglawmhnak biachimnak le pekchanh thlacamnak le zaanriah dumttinak an tuah i Dawrpui Vengthar Khuabawi zong nih a tel pi hna.
Hi Ambulance cu Chin ralkap hna ai hliam mi phurh tlunhnak caah hman a si lai, A hlan ahcun kan ralkap hna hliam an tuar tik ah Farkawn in Aizawl tiang ah Rupee 18,000 hna an kan lak, Camp Victoria tiang va ttum ahcun 20,000 hna si caah tampi a dih tawn, A tucu kanmah nih kan ngeih cang caah petrol te lawng an thun lai i manlo (Free) tein kan ralkap ai hliam mi kan phurh tlunh khawh cang hna lai, Kan ralkap lawng si loin Chin miphun nih thihloh le zawtfah kan ton caan zong ah Committee sin ah bawmh hal khawh kan si i,Mizoram nih mawtaw an hlan i man an lak ning ahcun 1km ah India phaisa 80 an lak tawn, kannih nih 40 deuh in ti bantuk zong in Committee biakhiahnak in hlankhawh asi tiah CRCM ttuanvo ngeitu pakhat nih The Chin Post ah a chim.
Chin Relief Committee In Mizoram cu Kawlram a buaika 2021 March 6 ah Aizawl khuasa Chin mi minung 84 tonnak an rak ngeih hnu ah dirh mi a si,Cu lio ahcun ” Myanmar CDM Supporting Committee ”tiah min an rak i bunh nain a hnu ah ”Chin Relief Committee In Mizoram” tiah min an thlen i India Central Cozah zong nih a theih pi mi Committee a si. A tu lio ah CRCM nih Aizawl ah Chin ralkap damlo 12 an zohkhenh cuahmah lio hna i pakhat hi siizung ah ai thlop cuahmah lio asi, Tuzan (May 21) ah Hakha lei in hliamtuar 2 an phan rih lai tiah Mizaw zohkhenhnak ah ttuanvo ngeitu nih The Chin Post ah a chim.

Be the first to comment

Leave a Reply

Your email address will not be published.


*