Wuhan le Shuengze ah thlichia hrannak in minung 12 reng lo an thi, 400 leng hliam an tuar

Wuhan le Shuengze ah thlichia hrannak in minung 12 reng lo an thi, 400 leng hliam an tuar

May 14 fing rei cah lai ah totho thlipi a hrang i a tlawmbik Minung 12 an thi, Minung 400 renglo an i hliam tiah theih a si.

Thlichia hi zinglei 8:40 hrawng ah a hrang mi a si, A thi mi chungin Minung 8 cu Covid-19 an rak hmuh nak China ram laifang Hubei peng Wuhan in a si. Wuhan ah minung 8 an thih hlei ah 280 cu hma an pu, Inn 28 leng cu a pur tiah theih a si.

Thlichia tuarnak ah a tel ve mi inn satu Li Shengchun nih riantuantu 60 hrawng cu thlichia nih a hrawh mi, inn pakhat chungah an taap “ruah lo pin ni khua a dawm i thlichia a hrang colh, Inn pawl cu second tlawnte chungah vulei ah an pur dih” tiah a chim.

Thlichia a tuar ve mi Jiangsu, Shengze ah minung 4 an thi, Inn dong 84 le chawlehnak innpi 17 a rawk, Mi pakhat a tlau. Minung 149 an i hliam. Mi chanhtu pawl nih inn rawk mi chungin mi tampi cu an chanh khawh tiah theih a si.

Taluk ram Jiangsu State hi thal dongh lei ah Tornado an ti mi (totho) a hran tawnnak a si. Kan hnu thla zongah thetse thli a hran ruangah rawhral nak tam nawn an rak tong cang.

The Chin Post