Tuzing suimilam 7:30 hrawngah Sagaing ramthen, Wetlat peng, Set-Hmuh-Lay-Ya Lam (1) Cint Khan sang um mi , Mipi ralkap pawl thawng pe tu Chan Myit Zaw le Mipi ralkap he aa peh tlai mi Ka La Ma, Mg Mag Thein, San Zaw Lin, Htu Rin Aung, Ngi Way Phyo, Pyih Sone Htun , Daung Nyo, Tin Moe Aung, Nay Linn hna cu SAC ralhrang nih PDF abomtu nan si , PDF he aa peh tlai mi nan si tiah an ti hna i an tlaih hna tiah theih a si.
Relchap, Madalay ramṭhen, NuaHtuKyi(နွားထိုးကြီး) peng May 19 zanlei ah, SAC ralkap motor cu bomb an puahhnawh caah 3 an thi, tiah MDY-PDF si in theih a si. NuaHtuKyi khua in Myinchain(မြင်းခြံ) lei a kalmi SAC ralkap 10 hrawng nih citmi motor cu, Wyakyi(ရွာကြီး) le Nguangpin khua kar ah bomb lung 3 in kan puahhnawh hna, tiah MDY-PDF ṭuanvo ngeitu pakhat nih a chim. “NuaHtuKyi khua in SAC ralkap motor 3 cu an ra, tiah thawng kan theih nain 1 lawng a ra. Motor hnulei ah ralkap 9 le hmailei ah 2 an i cit. Cu chung ah 3 an thi. Zanlei sml 6:00 hrawng ah kan kah hna i motor cu Myinchain lei ah an lan,” tiah a chimchap.
Cu kahdohnak ah MDY-PDF၊ NuaHtuKyi PDF le Bo Sa Guerrilla phu hna i fonh in an kah hna. PDF lei in a thimi le aa hliammi an um lo, tiah theih a si. A luancia May 6 lio zong ah Myaing peng, Maymadaw(မယ်မသော်) khua ah umhmun khuarmi, SAC ralkap pawl zong ṭangṭi phu hna he kan rak kah bal cang hna, tiah MDY-PDF nih cathanh an chuah.
Sagaing ramtthen, Minkin peng chungah Kalawa tilawng dinhnak in a rak i thawh mi SAC ralkap tilawng 6 cu nihin May 21 zinglei ah mizapi vengtu ralkap phu nih an kah hna i tilawng pakhat a rawk i SAC ralkap a thimi an um tiah Minkin PDF Battalion 3 nih cathanh an chuah. Cu tilawng 6 in SAC ralkap hna cu Minkin peng tiva a hna lei um khuate pawl Tayar, YuaBa, Shandaw khua hna cu May 20 ah mei an duah hnu ah a rak tum mi an si tiah Minkin PDF nih an langhter.
Cu Tilawng 6 cu May 21 Sml 9:30 hrawngah Minkin PDF Battalion 3 nih ti chung chiah mi bomb, hriamngan hna in an bawh i an kah hna tiah theih a si. Cu kahdohnak ruangah tilawng 1 cu rawkC ralkap Sniper tlai 2 zong an thi tiah an chim. May 8 lio zong ah Kathar khua pawngah Phyo Saw Htee, SAC ralkap hna he kahdohnak a chuak i Phyo Saw Htee 2 le SAC ralkap 1 an thi, PDF 1 a nunnak a liam ve .
Leave a Reply