Rve, Doctor Chan Thawng Lian Vawlei minung billion 7 leng a ummi ah nangmah lawng na si hrimhrim lo.
==========
Kum cu a thar ko nain kum hlun nun nih hmai kal kho loin tlaihmi nan um maw. Kum cu a thar nain zei tuah awk hlei athei lomi nan um maw. Kum thar ah khuacimui lungrethei in a lutmi teh nan um maw.
Vawlei minung billion 7 leng a ummi ah nangmah lawng na si hrimhrim lo.
Kan dihlak caah Pathian nih khua a deiter ṭhan lai. Nika zong kan dihlak caah a chuahter ṭhan lai. A fel tuk caah fa upa pa kha a pa nih a daw deuh hlei lo.
A sual tuk caah fa hniang pa zong a pa nih a hlaw hlei lo. A fale an si ca tu ah a dawt ciocio ko hna. Mirum zong an tlak caan a um te lai.
Mi thawng zong an der caan a um te lai. Mi fel zong an tlin lo caan a um te lai. Mi dam zong an zawt caan a um te lai. Mifim zong an lung tlau caan um te lai.
Thaizing kong hohmanh nih an thei kho lo. Mifimbik Solomon zong nih a thei lo. Khua fak tuk in ruah le it kho lo in um nih mi a bawm lo.
Midang ṭihnak nih na cabuai ah rawl a chuahpi lai lo. Mi soisel le dohdalnak nih mi di a riamhter fawn lo. Mi hngar le nahchuah nih mah re tu a theihter chap.
Mi tling lo ka si ti i hngal i Pathian i bochannak tu nih lungdeih hnangamnak a pek. Zeicatiah Bawipa nih a dawtmi hna cu an i hngilh kar ah an herhmi a pek ko hna.
News Dang ,Falam Peng Ah kahdohnak Fakpiin A Chuak
=============
Falam khuapi ah kahdohnak a chuah ii rahrang ralkap nik inn rawh ii mei an khang. Chin ram , Falam peng, Way Bola pawng ah Mual Zawl khua ah, minung um nak inn hna cu nihin January 7 zinglei nazi 10 hrawng ah hramhram uknak lak mi rahrang bu nih mei an khangh hna tiah thawng kan theih.
Hramhram uk nak la mi ralhrang ralkap 200 hlei nih hmunhma pahnih in Chawngkhuah lei in Waybola lei ah January 5 ah an kal. Khua mi pakhat nih ‘zing ka ah mual Zawl khua lei in van ah mei khu a langh cu ka hmuh, a nai deuh nak lei ah ka kal ii ka zoh tik ah khua mei an khangh le khanh lo kan fiang kho lo.
Sinain mah caan hrawng ah cun a ho hmanh khua pawng ah an um ti lo. ralhrang pawl lawng an um cg. Cun chun hrawng ah cun Watbolah lei ah hriamnam ngan in voi 9 hrawng ka theih.
Mah khua ah cun waybolah in meng 2 hrawng a hlat . Meithal thawng cu ahlat caah ka theih kho lo. Uico ralhrang pawl nih Waybolah lei ah an kal ding an lo. Mah hlan ah cun Waybolo ah a um mi ralzam hna lei an dih lak in an zam dih. Phone line zawng an phiat dih ruang ah thawng kan thanh kho lo tiah an chimh. Natchawng khua lei ah ralhrang an lut caah lam chung hna ah minung ruak zawng kan hmuh hna tiah a chim.
Leave a Reply