Vawlei Cung Ah Nuclear Hriamnam A Karh Chin Lai Tiah Reserch Tuahtu Phu Pakhat Nih A Thanh!

Vawlei Cung Ah Nuclear Hriamnam A Karh Chin Lai Tiah Reserch Tuahtu Phu Pakhat Nih A Thanh!: Vawlei cung ah ral a daih hnu in nuclear hriamnam thazaang i zuam cawhnak le hmannak cu a hung zual chin lengmang cang, tiah Swedish Researcher phu nih an thanh. Cupinah nuclear hriamnam ngeitu hna zong hmailei ahcun an karh chin te lai tiah Stockholm International Peace Research Institute phu nih June 13 ah khan cathanh an chuah.

Vawlei cung ah nuclear hriamnam zat hi Kum 2022 January tiang ahcun 12,705 a um lai tiah zumh a si. Cu an chimmi zat cu a liamcia nikum nak hmanh in 375 in a tlawm lehlam tiah theih a si. Nuclear hriamnam um mi dihlak chung in 90% cu US le Russia ta an si i, Russia nih nuclear 5977 a ngei lai tiah zumh a si. A liamcia nikum nakin 278 a zor.

US nih nuclear hriamnam hi 5428 a ngei i, Kum 2021 lio nakin 122 in a zor deuh cang. Sinain Nuclear power a zormi hna cu raltuknak ah hman lo mi, an hrawh mi hna a si tiin Sweden ramchung research tuahtu phu nih cathanh an chuah. North Korea ah nuclear hriamnam 20 hrawng a um i, India ah 160, Tuluk, France le Britain hna nih zeimawzat an ngeih ve, tiah cathanh an chuahmi ahcun an langhter. Cred : The Chin Post

Be the first to comment

Leave a Reply

Your email address will not be published.


*