Vawilei pi Theih in Tuanbia Dawh Tuk A Tial

Vawleicung pa a dawg bikini cazin cu TC Candler le The Independent Critics nih kumtin tein an thanh tawn i tukum ca i pa a dawg bik 100 an thimmi hna lakah Myanmar in Model le lemcang Paing Takhon cu No. 1 ah an chiah. US ram Nevada ramkulh Las Vegas hrambunh TC Candler nih 1990 kum khan

Kumtin tein vawleicung a dawh pa le a dawh bik nu cazin a thanh tawn i 2021 kum ca i a dawg bik tiah an thimmi hna hmanthlak cu Dec 27 (US lei), tuni ah an youtube channel le Instagram ah an tar. Model le lemcang Paing Takhon hi The 100 Most Handsome & Beautiful Faces cazin ah a voihnihnak a tel a si.

Kum 2020 ah khan vawleicung pa a dawh bik 100 cazin lakah 10 nak a rak si. Lemcang Paing Takhon cu ralhrang dohnak ah a tel i social media hmang in ralhrang duhlonak le dohnak a tuah tiin pohmah 505 in taza an cuai i April 8 in Insein thongah an thlak.

Thong an thlak in thla 8 nak, Dec 27, nizan ah ralhrang kuttang biaceihzung nih rianhrang ṭuan le kum 3 thongdan an pek. Paing Takhon cu a rannak in chuah dingin cheukhat nih Free Paing Takhon cawlcanghnak an tuah i TC Candler zong nih thong in a luat zau khawh nakhnga an cathanh ah an ṭialchih. The Chin Post