Vawi lei cung ah mah le siang pahrang Uktu thi hna seh ti a duhmi le thah ding in a bawh mi hna cu, kan mah kawl ram le Thailand long hi kan si men taktak ko lai. Zei ruangah dah thi zawk zawk hna she ti an duh/kan duh nak hi asi hnga? Hi kong ah hin mipi palh nak a um hrim hrim lo. An siang Pahrang pa Maha Vajiralongkorn min chal in sandah (demonstration) duhlo nak a langh tar mi poh cu kum 15 thawng an thlak hna. Mah ruangah hin mipi an lungfak an celh ti lo. A sui kheng le hrai in rawl a ei can sau ti lai lo.
Vawi lei cung siang pahrang hna lak ah a rum/nei bik mi pa hi a ho dah asi hnga tiah na ruah. Kan ram he a neih bikmi ram Thai siang parhang asi. Hi pa hi Min Aung Hlai he an thinlung ai khat taktak ko. Na in Unau an rak si lo mi hi, mipi kan caah cun a rak tha taktak mi asi. Unau cu rak si hna seh law Thai ram le kan kawl ram hi cu rawl lo le ti lo in an kan vak tar hna hnga le kan thi dih hnga.
Vawlei cung ram ah a hme bik lei ah a tel ve mi Thailand ram I an siang pahrang pa a neih/rum ning hi chim awk tha lo tiang khin a rum. British royal family hna nak khin a let 7 in a nei mi pa asi. Mahtluk hin zei tin dah a neih khawh ti ah cun , a ram chung I thil a chuak mi, thiltha vialte hi a mah nih a lak dih. A mah ta ah a ruah dih. Mipi zeitluk hin dah an tuar I, an sifak ti kha a ruah huam lo. Mipi an thih ah zei poi lo mi asi. A ram mipi cung ah dawtnak a neilo.
A ram mipi nih harsak nak an tong lio ah, ka thi ve sual lai ti a phang I, Ramdang Gernmany ram ah a zam tak hna. A ram nih deihnak a hmuh hnu long ah Germany ram in a hun kir than. A ram le a mipi caah thih a ngamh lo. Nain an rian tuan man le an nei mi thil lakpiak/chuh ah cun a ral a tha ngai ngai.
Kan kawl ram uktu Min Aung Hlain he hin an thil tuah ning ai khat tak tak ko. Vaw lei cung ram vialte lak ah asi fakbik mi kawl ram le sifak tuk ruang ah Nu ai zuar mi tam cam nak hmun Thailand ram I , siang pahrang hna hi ngaihthiam awk an tha hrim hrim ti lo. An mah cu an biakmi an pathian le an thut nak thutdenh tiang in
Leave a Reply