Vanlawng in an mah le mah palh kah nak ruang ah ralkap hriamtlai minung 30 leng an nunnak a liam, minung 80 leng

Vanlawng in an mah le mah palh kah nak ruang ah rallokap hriamtlai minung 30 leng an nunnak a liam, minung 80 leng hliamhma an tuar…

Mumoh peng kahdoh nak May 6 ah rallokap za reng lo hriam tlai hna cu an mah le mah vanlawng palh kah nak ruang ah rallokap lei in minung 30 leng an nunnak a liam, hliamhma tuar mi hi minung 80 leng an si i, si lei in an i thlopbul nak kong cu thawngpang thanh nak nawl ngei tu tongmangham Nawbu nih a chim.

Rallokap hriamtlai phu hna cu May ni 6 ah hmunhma pathum in kah doh an si i rallokap lei in minung 200 reng lo nih hliamhma an tuar ,nunnak a liam mi zong tampi an um tiah tongmangham Nawbu nih a chim.

” Muhngin (မိုးညႇင္း) tlanglawng lam , Myitgyina lei ah a kai mi rallokap hriamtlai phu hna motor cu( မိုင္း) nih puah hnawh an si caah minung tam pi nih hliamhma an tuar. Shweku zong ah tilawng pahnih kah an tong cu zong ah cun minung tampi nih hliamhma an tuar leng ah nunnak a liam mi zong an um. Mumoh zong ah an mah le mah vanlawng kah nak ruang ah minung 30 leng an thi, 80 leng nih hliamhma tuar in an i thlopbul” tiah tongmangham Nawbu nih a chim.

Nihin zong ah Mumoh peng Salawng kung le Alawbum lei ah rallokap hriamtlai phu hna nih vanlawng in an doh hna caah kah doh nak a fak ngai tiah theih a si.

The Chin Post

Be the first to comment

Leave a Reply

Your email address will not be published.


*