Hriamnam kan neilo tuk caah hriamnam kan herhtuk tiah hal a rak si. Chinmi nih an tuahkhawh tawk te in, bawmhnak pek cu asi ko. Vanlawng kahnak tiangin cawkpiak asi tiah thawngpang theih asi. Nain kawl ralkap vanlawng hi chinmi kut in a tlak ti cu theih a um rihlo.
Covid-19 ruangah buaknak in an I din ti long theih asi. Covid-19 phan hlan ah le hriamnam a tlinglo tiah an ti thawng cu chin mi nih theihdih asi fawn. Hriamnam a vantling deuh hnu ah le covid-19 ruangah ti asi fawn. History thate in kan zohah cun, Japan nih American kha a ralring manh hlan ah an rak thuat. Nain American nih a sungduhlo, a tikhawh tawk I, a neimi minung hna a auh hna I a thuat than ve. Cu caah teinak cu an kutcung ah aum. History tampi cu nan rel cio ko hna lai tiah ka ruah.
Kan nih cu, hriamnam a umlo tiah complain kan tuah, atu ah vanlawng kah nak long si lo in, mei thei thahtha , pek kan si cang. Nain covid-19 tamtuk ruangah kan ni din rih lai tiah thawng theih asi fawn. Complain tuah lang mang ah cun, kan dam chung mikut tang ah kan um zungzal ko lai.
Uk Lian Thang nih a rak chim mi, miring pa nih a ka chimh ati I, chinmi nan raltha le ralthalo cu, aa tu nan neihcia mi ramte hmanh khi nan zamtak than lai I, ram neihlo in nan umte lai tiah a rak ti.
Ralkap pakhat si hnu I, complaint tuah peng ah cun, kan ralpa a nih hna kan chuakter sual lai. Fakdeuh in khua kan ruah a hau, mah bantuk in chinmi kan nung peng ah cun, na hmaiah na nupi hmanh khi kawl ralkap nih sualpi hna she law, complaint na tuah rih thotho lai.
Leave a Reply