Yay Pyi Taw Ah USDP Pary Ah Minung 600 Leng An Lut
===============
Nay Pyi Taw ah USDP partu ah alut mi hna pawl cu party chungtel hruaitu hna nih card an pek hna tiah thawng kan theih. kKum 75 tlinnak ralhrang uknak Ram pumpi cohlang dawnnak le USDP party alut mi card peknak cu Nay Pyi Taw ah aum mi,
Shwe Kyia Pin sangah mino pumpaluk celh hmun ah tuni ah kan tuah tiah USDP hna nih cathanh an chuah. USDP in chinnak nawl ngei tu nih “Party lut catlap, card peknak hi hmunzapi ah aum mi a si ko. Tuni hi cu Nay Pyi Taw ah kan tuah ” tiah a chim.
Tuni Nay Pyi Daw ah party chung a lut thar mi card an pek mi hna hi minung 676 an si . Minung 676 hna nih USDP party a cohlang mi, Party chungtel an si nak theih ter nak caah catlap, card an pek mi hna hi a si.
Party president U Tan Htay , Pyidaungsuu hmunram in party chungtel presideng U Myit Hlaing hna nih USDP party chungah alut thar mi pawl hna sinah lomnak cia an chim i a cung lei party chungtel U Hla Shwe nih Sing Ya Tuh Pyidaungsuu ni cu cohlan dawnnak akong a chim tiah theih a si.
Lak Nak- People News Journal
News dang, Myanmar ram chung ah ralhrang nih uknak an lak kum 1 atlin ni American president Biden cathanh. Biden nih ” A luancia mi kumkhat ah khan kawl relkap ralhrang hna nih Kawlram mipi hna nih saduhthah mi Democracy cu phihkham in, Kawlram acozah cu phih in hramhram in ralhrang hna nih uknak a lak. Mah in khan thawk in ralhrang phu hna nih,
Hngakchia pawl telhin Khuami, ram mi mipi cung ah relcawk a si lo mi fahnak harnak, fakpi in a pek hna, chim khawh rel khawh lo tiang in atuahto hna. Minung 1,5000 renglo athah hna hlei ah minung thawng renglo a tlaih hna phun ning loin dan fak piin a pek hna.
Ramchung ah mipi thleidannak zong fak piin achuah ter chinchin lengmang. Hramhram in uknak ala tu phu ralhrang hna le ahnu zulh tu pawl hna nih an mah nih an ser mi dithmun ah miaknak lak ding hmuh ding lawng an i zuam i hramhram in uknak laknak cu Myanmar rampi chungah,
A ngan mi, afak mi sifah an tlai lo an tam chinchin i ramchung daihnak zalonak zong a dawnkhan tu a si. Myanmar ram chung ah millions in aum mi mipi pawl cu nun khamh nak an herh tuk ko nain hramhram in uknak ala tu hna nih minung bomhchan tu lei cu,
Phihkham in bomhnak ape tu cozah riantuantu zong akham hna. Hi atuah sernak pawl hi kan mah lei zong nih kan cohlang khawh lo i uknak laknak le mipi pawl dawnkhan tu a si caah tuanvo angei tu hna nih tuanvo laknak caah ASEAN telin kan mah lei kan mah lei phu pawl, Mahamaih pawl he hmunkhat tein naihniamte he tuanvo kan lak ko.
Ralhrang hna nih atu an zulh mi lam hi hnu lei ah an kir pi lai i Daw Aung San Suu Gyi le U Win Myit telhin adang Democray aduh mi hruaitu phu pawl, thawngzamhtu pawl, Ramchung phudirh hruaitu pawl, hi dohtlennak ah acolcangh mi pawl le Ramdang mi pawl tibantukin phungning loin tlaih mi pawl cu athlah tthan hna lai.
Minung bomhchanhnak pekmi phu pawl le cozah riantuan tu pawl cu phihlhamnak um loin bomhchanh khawh nak a pek tthan hna lai. Ralhrang hna nih Kawlram Democracy phakterh khawh nak hnga ding caah aa pehtlaimi an za piin fak piin khat le khat tonbiaruaknak arannak in tuah a herh.
Ralhrang hna nih Kawlram Democracy au-aan pawl cu ka phihkham rih ko lai tiah ati a siah cun ralhrang le ralhrang acohlang tu pawl cu dan fak ppin pek dingah pehzulh in tuanvo kan lak rih ko lai. Myanmar mipi pawl hna nih zaanghlei an chuah nak cu philh zawrter aumlonak kong cu theihter kan duh hna.
Nan ram chungah Democracy le adikmi nawl upadi cu lakkhawh ding le hnu lei ah kir lo dingin zuamnak zaanghlei nan chuah mi cu nan nih pawl cu kan mah lei zong nih pehzulh in thazaang kan i pek peng ko hna lai i ka i cohlang ko hna lai” tiah a ti.
Leave a Reply