Kawl ralkap hruainak siseh, SAC ralhrang hruainak, Myanmar Tatmadaw timi hi caansau a daih ti lai lo, an caah caansau ngunak lam a um lo bantuk a si cang tiah US Ralkap Bawi tiang a phan mi, Kawlram minung Leitenant Colonel Mimi Winbert nih a chim ti a si. Hi kong he pehtlai in Leitenant Colonel Mimi Winbert nih ”
Aluancia thla chung, caantawi te chung lawng ah Kawlram pumpi huap in PDF nih raldohnak an tuah ningcang, an thazaang a thawntuk ning cang zoh tikah hi nak in an cak deuh rih lai timi cu fiang tein chim khawh a si. Hitluk in PDF an thazaang a thawn ningcang, raldohnak ah teinak an hmuh peng mi zoh tikah,.
Kawlram mipi dihlak nih zeitluk in dah an dirkamh hna, Kawlram mipi nih zeitluk in dah ralhrang uknak timi le Tatmadaw timi an duh lo a langhter tuk” tiah a chim hi asi. Cun a peh rih mi cu “Kawlram pumpi ralkap timi Tatmadaw cu caan saupi, Kawlram mipi dihlak thazaang in dir mi, thazaang a thawng taktak mi a si ko.
A si nain zeitluk in a thawng mi, a ngan mi hmanh sihna sehlaw mipi dirkamh nak a um lo ahcun a dih ko cang. Tulio boruak zoh in Kawlram mipi nih ralkap an dirkamh nak faktuk in a tla cang, an bochan duh ti lo. A ngaingai ti ahcun zoh uhlaw nitin te raldohnak ah ralkap 10 cung lengmang kawlram huap in an thi.
CDM a tuah mi an karh tuk cang ti theih a si fawn. Cu caah a luancia chung karlak te lawng ah ralkap thazaang tamtuk a tumchuk timi hmuh khawh a si fawn cang” tiah a chim fawn. Leitenant Colonel Mimi Winbert nih “CDM a tuah mi Ralkap hi minung 8000 leng an si cang tiah a chim ning a si.
Cun zeitluk hmanh in an thazaang rak thawng hmanh sehlaw mipi nih an dirkamh ti lo caah zeihmanh an si ti lo. Mipi dirkamh mi lawng nih rampi a hip khawh i teinak an hmuh” tiah a chim hi asi. V.O.M
Mizoram khualipi Aizawl ah nikum December 9, 2020, zan suimilam 7 ah khan Kulikawn sang ah Dr Laltanpuia cu a nupi Mary Zothansangi nih a rak thah, tiah thawng a rak thang. Hi zan December 9 ah hin Dr Laltanpuia hi hliamhma khat in, thi dengmang in a nupi he an umnak in ah an rak hmuh
. Sii-inn ah kalpi colh sihmanhsehlaw a hliamhma tuar kho lo in a nunnak a rak liam. Dr Laltanpuia, hliamhma pu a cawlcang kho ti lo mi pawng ah cun a nupi Mary Zothansangi hi an hmuh caah police nih a tlaih. Mary Zothansangi hi thluak lei diklonak a ngei mi a si tiah an rak chim.
Kum khat chung hi case hi biaceih loin a um hnu ah Dr Laltanpuia thih kum khatnak December 9, 2021 ah court nih biachahnak a tuah. Dr Laltanpuia thattu ah puh mi Mary Zothansangi hi a nun chung caan thong tla ding in le India phaisa sing 1 liam ding in bia an ceih. Hi leng ah hin Mizoram Liquor Prohibition Act phung a buar ruangah thla nga chung thong tla ding in le Phaisa 4000 liam ding in dantat chap rih a si.
Leave a Reply