US President Joe Biden le Israel President an i tong, Iran Nuclear kong ah mah ti bak hin Biden nih bia achim

July ni 7 hlan ah Israel President in achuak dingmi Reuven Rivlin nih White House ah President Joe Biden a ton i, Iran nuclear kong an ceih.

President Biden nih cun “President rian ka tuan chung ah Iran nih Nuclear hriamnam a ngei bal lai lo” tiah a chim. Biden nih hin Rivlin sinah US nih Israel cu zeithil paoh ah a hnatlakpi peng ko lai tiah a chim.

Biden le Rivlin nih hin Middle East kong zong an ceih chih. Rivlin nih cun “Israel nih hin US nak i hawitha kan ngei lo, United States President hna he Democracy nuntertu kan si hi kan i lawm” tiah a chim.

“US nih hin Israel le Middle East ram hna i remnak cu zeitik caan paoh ah kan cohlan i kan hna a tla, Africa ram tiang athancho mi hi thil ropui ngai asi” tiah Biden nih a chim.