US Cozah nih Min Aung Hlaing hruaimi ralhrang bu SAC le anmah he aa naihniammi minung 16 hna cu May 17 ah dantat phihkharnak a tuah chap hna tiah theih a si.
Mithat lainawng le ralhrangbu SAC chungtel civil mi 4, vuanci 9 le SAC chungtel ralbawi pahnih hna i an fale pathum hna cu US cozah nih dantat phihkharnak a tuahmi cazin ah khumh an si cang.
Ralhrang bu chungtel civil mi hna cu Mann Nging Maung, Thein Ngunt, Khin Maung Sway le Sai Lung Sai hna an si. Vuanci hna cu ramkip riantuantinak vuanci Ko Ko Hlaing, Tlangcungmi kongkau vuanci Thun Aung Myint, ramri vuanci Thun Thun Nawng, Central Bank chairman Than Nging, chawleh chawhrawl lei vuanci Pwint San, Tangka lei vuanci Win Shing, UEC Chairman Thein Soe, ngandamnak vuanci Thet Khaing Win le kokek thil lei vuanci Khin Maung Ye hna an si.
Cu hna pinah SAC chungtel ralbawi Maung Maung Kyaw fapa pahnih Hein Htet le Kaung Htet, cun Tin Aung San fanu Zin Min Thu hna zong dantatmi ah an i tel.
SAC hrimhrim zong dantat phihpharmi cazin ah telh a si cang.
Zeidah a thatnak?
US nih a minung in dantat phihkharnak a tuahmi hi cu a tha tuk ko nain duhning in hmual a ngei lo. Asinain ralhrang ralkap cozah a simi SAC dantat phihkharnak a tuahmi cu hmual a ngei hrimhrim lai tiah zumh a si. SAC dantatnak a tuahmi cu ralhrang cozah pi dantatnak a tuah khi a si. A minung Thim in dantatnak Utah le a cozahpi dantat cu aa dang tuk. US nih SAC dantatnak a tuah cang caah US nih NUG hi Myanmar ram i phungning cozah ah a cohlan nak ding a nai deuh cang tinak a si.
The Chin Post
Leave a Reply