Afghanistan i US le NATO ralkap hna cu May 1, cawn niruk in kir an i thawh cang. May 1 ah Afghanistan chuahtak dingin US President Biden nih ni a rak khiahmi a si.
Afghanistan ram ahhin US ralkap 2500 in 3500 karlak an um i NATO ralkap hi 7000 hrawng an um ve. An dihlak in an kir a si rih lo, cheukhat cu Afghanistan ah an um rih lai i thal (summer) donghlei ah an kir ve te lai.
US ralkap le NATO ralkap nih an ram an chuahtak cang lai caah Afghanistan ralkap hna cu Talibal ralhrang runvennak caah ralring taktak in an um cang. An ram hmailei kong zong a fiang lo tiah an ti. Alum 2001, Sept 11 i US ram i World Trade Center an hrawh lio ah khan Al Qaeda ralhrang pawl kha Afghanistan i Talibal ralhrang nih an rak runven hna.
Curuangah Al Qaeda ralhrang hna kawl dingin US le NATO ralkap hna cu 2001. Oct 7 ah Afghanistan ah an lut. An luh hnu thla hnih ah Al Qaeda hruaitu Osma bin Laden le a ralkap hna cu Afghanistan in an zam. Osma bin Laden cu Pakistan ram ah May 2, 2011 ah US Navy SEALS nih an thah khawh.
The Chin Post
Leave a Reply