United States i face mask sertu hna nih cun an ram chung ah China sermi face mask man tlawm tete in zuar mi a tam ruangah an mask sermi tamlak te cu zuar khawh loin a um phah tiah an chim i, mah ruangah US President Joe Biden sinah bawmh an hal.
US manufacturer hna nih cun China face mask sermi ruangah an sungh sual an phang ngai.
President Joe Biden sinah bawmh haltu hi manufacturer hme tete 26 umnak trade group an si.
Manufacturer hna nih cun China ram in lak mi face mask man tlawm tete cu an phih lo asi ah cun, an mask sermi hnarcheu hrawng cu zuar khawh lo in a um lai tiah an chim. Mah ruangah mi tamlak te nih an rian an sung kho tiah an chim.
Nikum chung lawng ah khan mah manufacturer hna nih hin US ram ah rian thar 7,800 bak an ser, natein production cu tlawm ter a hauh cang caah mi tam deuh nih an rian an sung.
Leave a Reply