Update; Lung A Nuam khun Ko Myanmar Rampi chungah Ralhramg Tam Tak Tak An Tthah Than Hna

Myanmar rampi chung ah ralhrang kalkap minung 33 an thi , Myanmar rampi chung ah April 4 ah ralhrang lei in minung 33 an thi hna tiah mipi ralkap lei nih thawng an thanh.

Apirl 4 ah Ralhrang lei  an thi mi cazin hna cu Chin State ah   minung 6 an thi , Kayen State ah minung 7 an thi , Magwe ah minung 4 an thi , Shan State ah ralhrang lei in minung cun mipi ralkap lei in minung 2 an thi ve , Sagaing ah minung 9 an thi ,

Yangon ah minung 2 an thi , Kareni State ah ralhrang lei in minung 3, cun mipi ralkap lei in minung 1 an thi ve . April 4 chungah ralhrang lei in minung 33 an thi ii , mipi ralkap  lei in minung 3 nungnak a liam ve.

Taawngdang; Chin State ,Paletwa , Sami khuapi ah kahdohnak a chuak ii ralhrang lei in minung 6 an thi, Chin State , Paletwa ,Sami khuapi lut nak Gate cu Chin Defense Force – Paletwa le Chin National Army – CNA ibomh in April 3 zanlei suimilam 8 cheu hrawng ah ralhrang he kahdohnak a chuak tiah Chin Defense Force – CDF nih thawng an thanh.Mah kahdohnak ah hriamnam ngan le hriamnam hme in minutes 30 hrawng an nih kah hna ii ralhrang lei in minung 6 an thi ii hriam tuar an tam tiah Chin Defense Force – Paletwa nih thawng an thanh.Mipi ralkap lei in cun hriam tuar  um lo an kirthan khoh.

Gianni Infantino Nih Putin A Nawl, FIFA President Gianni Infantino nih Russia President Putin lei in tonbiaruah ceihhmainak ah aa tel ve i Ukraine kahdohnak daihter dingin a nawl tiah thawng kan theih. Russia cu kum 2018 ah tuah mi World Cup bawlung chuih zuamnak ah inntek aiawh in tuah a si ko nain Ukraine kahdohnak ruangah thiamhlei thim mi team pawl cu kum 2022 caah chuih kho lo ding in phih kham an si tiah theih a si.

Russia cu FIFA pawl si loin UEFA zong nih phihkhamnak a tuah ruangah Spartak Moscow team zong Europa League in an hnawn hna tiah theih a si. Russia bawlung team phu pawl cu a tu lio ah cun thumh deuh ding ah an ruah cuah mah lio a si tiin theih a si. Russia team pawl cu World Cup zuamchungnak Playoff ah chuihnak nawl an ngeih lo caah an mah zuam cawk hnga ding Poland team pawl cu an kai i Sweden team pawl an tei hna caah World Cup ah chuihnak nawl an ngei tiah theih a si.

Gianni Infantino nih ” Covid zawtnak ruangah bawlung chuihkhawh lo in kan rak um i a tu ah raltuk nak a chuak tthan. Vawlei pi nih tihphan mi raltuk nak a si. Sualngei lo mipi pawl harnak an ton pinah an nunnak tiang a liam. Game timi cu vawlei cungpi thlen khawhnak thazaang a ngei tiin Nelson Mandela nih a rak chim. Bawlung timi cu Vawleicung zuamcawknak game a si ko nain caan khat ah bawlung cung harnak vialte a phisin khawh tiin zumhnak cu a si lo” tiah a chim.

Jack Ma nih Kumkhua he Pehtlai in Mino hna Sinah a Chimmi, Kum zeizat na si cu ka hngal lo asinain a fawinak in tahchunhnak laak ka duh. Atu hi kum 25 na si ahcun palhnak na tuah tikah thinphangtuk in um hlah, palhnak zong hi na caah a miak pakhat a sikho ko.

Chimh kan duh mi hna cu kum 20 na si hlanah fimnak cawnkhawh i zuam. Cun,” kum 30 na tlinhlan ah a rian ah teinak a hmu mi Boss pakhat siloah company nganpi siloin a fa mite ah rian tuankhawh i zuam.

Mati ka titik ah company ngan mi ah riantuan a tha lo tinak siloin company fate nih cun na chunmang zei asi timi an cawnpiak khawh deuh lai. Kum 30 na tlinhlan i zeibantuk company ahdah rian na tuan timi nakin zeibantuk minung sinah dah rian na tuan timi hi a biapi deuh. A ruangcu boss tha nihcun zawnruahnak he thiamlak in an cawnpiak khawhlai. Kum 30 in kum 40 kar na vun si cun nangmah le nangmah kha “keimah tein bussiness ka tuah kho taktak lai maw” timi biahalnak i tuah.

Kum 40 in 50 kar na vun sicun nangmah nih na thiam mi rian siloah na pahrang he ai neihbik mi rian pakhatkhat kha na tuan ding si cang, na tuan hrimhrim a hau. Ma khi deuh, ma hi deuh tiin zeihmenh try lenti hlah, atu caan cu try caan siti lo. Zeiruangah ti ahcun teinak hmuhnak in sungh hi a fawideuhtuk caah asi. Cucaah kum 40 in 50 kar hi na thiambik mi riankhan bussines tuah khawh i zuam. Kum 50 in 60 kar ah na kuttangah riantuan mi umter cang hna, nangcu (boss) riantuan mi zohtu sawhsawh siko cang.

Kum 60 na sicun nangmah le nangmah kha caan i pe, rili kam hna ah kal in na duh ning tein vai i din. Ma hihi mino pawl thluak cheuh kan duhmi hna cu asi. Kum 25″ na si hlancu zeibantuk palhnak poah tuah ko, na palhnak ah na thinphanghlah. Na tluk cun thothan, na tluk thancun thothan, na ngakchia rih ko, caan zong na ngei rih, a poi lo. Ma balte na tluknak tu hi fim an chimtu saya pakhat siter i zuam.