Update, Hakha khualipi a hnu bik thawngpang !!

Ralhrang Nih Hriam Ngan Kah Ruang Ah Hakha Ah Kum(14) Ngakchia (1) A Thi, (2) Hliam An Tuar
========================================
=Kawlram caan Sikpar 15 zaan ah ralhrang nih hriam ngan an kahmi cu Cawbuk sang um Moe Hein dinti company ah zaan sml 10:00 (Kawlram caan) hrawng ah a tla i rianṭuantu hna an fapa hniang deuh a nunnak a liam i minung pa 2 hliam an tuar tiah pawngkam mi sin in theih a si.

May be an image of 13 people, people standing and indoor

”A thi mi hi an fapa a hniang deuh a si i kum 14 hrawng a si lai. Mei an toh lio ah a tlak hna hi a si,” tiah khuami pakhat nih CCN ah a chim.

May be an image of 13 people, people standing and indoor

“A nunnak a liam mi hi Shalom a si i kum(14) lawng a si rih. Hliam a tuarmi pakhat hi a nunnak a liam mi i a upa (Kiron) a si i pakhat hi an hawi Chan Hu Lian (Vantlang khua) a si. Fak ngai in hliam an tuar. An pathum in kum 18 tang ngakchia an si hna” tiah min langhter a duhlo mi hliamtuarmi chungkhar pakhat sin in theih a si.

May be an image of 13 people, people standing and indoor

Zahan zanlai ah ralhrang nih hriampi an kahmi nih a tlakmi hna pathum chungah Van Shalom kum 14 a nunnak liam,mahhi a ruak hmaanthlak a si. Tu Van Shalom cal a domhtu khi a u a si,a hliam he a nauruak a rak thlah ta e tiah theih si.Van Shalom u hi,a kee pahnih le a paw ah hliamfak a tuar tiah theih si. (Kawl lei in Chinram ah tunai te koko ah a hun zuang mi vanlawng a si.)

May be an image of 13 people, people standing and indoor

(Note, Hakha um nu le pa hna kan fa le te nhi a lengah vahter hrimhrim hna hlah uh sih. A si khawh ahcun Hakha khua chung, khua leng kiang kap zongah riantuan thawhter rih hna hlah usih law a tha, Kan pawcawm nak pei a si cu kan ti kho men, kan eiawk le dinawk cu Bawipa nih an kan khan piak dih cia a si cang. Hakha khuasa mi kan si ahcun ralring tein um khawh peng i zuam hna usih. Bawipa nih Hakha khua chung um rak kan kil veng peng ko seh.)

May be an image of 13 people, people standing and indoor

(Salai Williams Hlawnceu) Tulio Chinram raltuknak kong ah ka theih khawhmi chungin zeimaw tete siahehrnak he ka ttialmi ah tihnawh ka ton pah lengmang mi rungah fianghlang tein chim ka duh.

May be an image of 13 people, people standing and indoor

Chin ralkap nih tukdohnak nan tuah hlanah le raltuk kal nan i timhnak le nan strategy cawlcanghnak ding zeitik hmanhah ka ttial bal lo! Tu ka ttialmi ruangah zei hnahnawhnak pelpawi a chuak kho lai lo,keimah si tawk in online post le post lo ding fingrilh in ka rilh ta ve.

May be an image of 13 people, people standing and indoor

Ral nan i kah bak khin cunglei an ralhrang sin ah thawng an thanh cawlh cang. Mahhi ralkap kalphung a si.Mobile ph hi um hlah hmanhsehlaw ralhrang cu cenan( ကြေနန်း) in thawng an i pe kho peng. Ralkap platoon pakhat le Camp pakhat ah khin thawngpetu( cenan) tlai an um peng ti zong ruah pah ding si.

May be an image of 13 people, people standing and indoor

Tulio kan ralthawh hi aa phundang, ramthumnak Chinmi he a tho tti kan si caah Lai lei kan raltuknak hi ramleng nih tampi an theih ve ah an thi alin,kutsamh an i fawih deuh. Tutiang ka post mi ah hin Lai ralkap sunghzatlak nak chuahpi tu ka post ka hngal rih lo,a um ko timi nan um si cun link in hun chuahpi te uh.

May be an image of 13 people, people standing and indoor

Tahchunhnak ah: Halkha in Hniarlawng khua ah athli in ralhrang kal an i thawh, a theitu mipi nih Hniarlawn khuami hna zawnruahnak ngei in,”Tukha HK in Hniarlawn leiah ralhrang an kal, vun thanh law” tiah thawng an ka pek hnga. Mahkha thanh lo awk ttha lo asi,a ruang cu mah khua mipi hna zaam dingah timhcia an um khawhnak ding,umtthut to an thiamnak le Hniarlawn le HK kar mipi chawkvak hna an him biapi tuk ve.

May be an image of 13 people, people standing and indoor

Hriamtlai caah a poi lem lai lo,ziah nan nih cu i runvennak ding hriam nan i tlaih/ken,civil mi cu mah pum i runvennak ding hriamnam an ngei ve lo cuta. Cucaah mipi himnak ding umchun cu,ralring tein um,a himnak hmunah umto kha a si ko. Ralhrang hi Kanmah nakin an i pehtlaih ning a rang deuh, meithal zun 4/5 a puah sin in cunglei an bawi le sinah Cenan an tuk colh ti zong theih a ttha.

May be an image of 13 people, people standing and indoor

Kahdohnak a um lo nain ralhrang hna nih Rakhine ramṭhen khuate hna cu hriamngan in a kah hna i nihin(Sikpar 16) lawng ah tualchung mi 15 an thi tiah People’s Spring nih a langhtet. Rakhine ramṭhen Maungdaw(မောင်တောမြို့နယ်)peng Kyaitchaung khua ah chun sml 12:30 hrawng ah ralhrang hriamngan kahmi voithum a tla i khuami minung(12) an thi i minung (24) hliam an tuar tiah khuami pakhat nih a chim.

“Kahdohnak zong a um lo nain khuachung ah an van kah len. Maungdaw peng Kyaitchawng, Khami(ခမီ) Tainyinta(တိုင်းရင်းသား) khua hna ah an kah. Tualchung mi minung(12) an thi i minung(24) hliam an tuar” tiah Rakhine mi pakhat nih a chim. Hliam a tuarmi hna cu Maungdaw sii-inn ah thlop an si tiah khuami pakhat nih a chim.

“Ralhrang hna an ra i kan mah kahmi si lo AA kahmi a si. Ho nih an in hal hna zong ah kanmah kahmi si lo AA kahmi a si tiah an chimter hna” tiah Rakhine mi pakhat sin in theih a si. Nihin chun sml 12:30 hrawng ah Kyauktaw hrambunh ralhrang hna nih hriamngan an kah i khuami minung (3) an thi tiah khuami pakhat nih a chim.

Ralhrang hriamngan kahnak in a tlawmlei ah minung 11 an thi i minung 27 hrawng hliam an tuar i thi hlutu an herh ngai ko tiah Wester News nih a langhter. Rakhine, Maungdaw(မောင်တောမြို့နယ်) peng Kyaihchaung khua cu nihin(sikpar 16) chun hrawng ah ralhrang nih an kahmi hriamngan kuan a tla i minung(11) an thi. Hliam a tuar mi minung 27 an si i minung 5 cu lungrethei an si.

Hliam tuarmi hna cu Maungdaw khua sii-inn ah thlop an si. Hliam tuarmi hna chung ah a ceihma deuhmi an um caah rianrang in thi hlutu an herh ko tiah theih a si. Nihin zingka zong ah Kyaukdaw(ကျောက်တော်မြို့နယ်) peng Chaungtoo (ချောင်းတူ)khua cu SAC kuttang um Kansoh(ကန်စောက်) 539 battalion in hriamngan in an kah ruangah pa 4 an thi i nu 2 hliam an tuar. Rakhine ah nihin nikhat chung lawngah ralhrang hriamngan kah ruangah minung 15 an thi i minung 29 hliam an tuar tiah theih a si.

Magway ramṭhen, Saw peng Letpan(လက်ပန်း) khua le Pasoh( ပဆုတ်)khua hna cu nizan(sikpar 15) ah ralhrang nih mei in an khangh i a tlizam kho lo mi tar pawl cu inn he a kanghchih hna tiah Ayeyarwaddy Times nih a langhter. Ralhrang hna cu Letpan khua ah an lut i phungki pakhat telh in khuami (5) an tlaih hna hnu ah inn an khangh tiah khuami pakhat nih a chim.

“Nizan zinglei sml 10:30 hrawng ah Letpan khua ah ralhrang an rak lut i phungki pakhat telh in khuami 5 an tlaih hna. Inn zong an khangh. A tlizam kho lomi tar pawl cu mei nih a kangh chih hna. Khuami zong tlikzam cio si i mei nih a kanghmi minung zeizat an si kan hngalh kho rih lo” tiah khuami pakhat nih a chim.

Letpan khua an khangh dih zanlei sml 3:00 hrawng ah Pasoh khua ah an lut i khuami inn 140 nak tam an khangh chap. Mipi in a khangtu ralhrang hna cu an kir lei ah YDF, Saw-PDF hna he fakngai in an i kah caah Kyaukhtu (ကျောက်ထု) khua in hriamngan in an van bawmh hna tiah khuami pakhat nih a chim.

Demoso peng ah SAC ralkap nih hriamngan an kah i, inn pakhat cungah a tlak caah kum 5 tluk ngakchia pakhat a nunnak a liam, minung 8 hliamhma an pu, tiah Demoso PDF nih cathanh an chuah. Zeihmanh kahdohnak um loin Demoso peng Ngwetaung ah umhmun a khuarmi SAC ralkap Battalion 102 nih, 120mm hriamngan in voi 9 nak tlawm lo an kah caah nizan November 15 zanlei sml 6:00 hrawngah Demoso peng nitlaklei ah hriamngan kuan lung 5 a tla i, chungkhar minung 9 an umnak a khen caah an inn cu a rawk dih, tiah an langhter.

Kum 5 ngakchia nu pakhat cu a hmun ah a thi colh. Hliamhma pumi hna cu an thlopbul cuahmah hna. Cu chungah bawhte pakhat zong aa tel, tiah theih a si. Cu pinah SAC ralkap nih ralhrialmi an umnak khua pakhat zong hriamngan in an kah caah biaknak lei he aa pehtlaimi inn telh in khuami inn cheukhat zong an rawk, tiah Demoso PDF nih cun an langhter.

SAC ralkap nih kahdohnak zeihmanh um loin hriamngan atu le tu an kah caah biaknak he aa pehtlaimi inn, ralhrial an umnak le tualchung mi inn le lo a khen hna caah an rawk ngaingai, tiah theih a si. A luancia November 13 lio zong ah Loikaw peng Konesut(ကုန်းဆွတ်) khua chungah SAC ralkap nih hriamngan an kah caah naupawi lio nu pakhat le tualchung mi pakhat hliamhma an rak pu cang. November thla chungah SAC ralkap hriamngan kuan in Karenni rammi 20 leng hliamhma an pu cang, tiah theih a si.

US President hlun Donald Trump nih 2024 US President thimnak ah kaa cuh lai tiah tuni, November 15 (Tuesday) ah a thanh cang. Trump nih cun Florida i amah inn Mar-a-Lago ah “America cu a rak kir ṭhan cang, atu ah thok usih (America’s comeback starts right now)” tiah a chim. Cu lawng si loin “Mah hi a donghnak a si lo ti kan theih. American mi hna chunmang tlamtlin nakdingah kan i zuamnak a thok lawng a si rih. America ram ṭhawnter ṭhan dingin tuzan ah US President thimnak ah kaa cuh lai ti hi ka phuan” tiah a chim.

Be the first to comment

Leave a Reply

Your email address will not be published.


*